F. Sionil Jose ililibing sa Libingan ng mga Bayani sa Martes, Enero 18

ni Jasmin Joy Evangelista | January 17, 2022

Nakatakdang ilibing sa Libingan ng mga Bayani si National Artist for Literature F. Sionil Jose. sa Martes.

Bago ang inurment, magkakaroon ng Misa ganap na 10 a.m. na susundan ng funeral.

Dahil sa umiiral na COVID-19 protocols, ang inurment ay by invitation lamang.

Mapapanood naman via Facebook live ang funeral sa FB page ng Cultural Center of the Philippines (CCP).

Ang 97-anyos na novelist ay pumanaw noong Enero 6, 2022 sa Makati Medical Center habang naghihintay ng kanyang angioplasty.

Kilala si F. Sionil bilang isa sa most widely read Filipino authors sa English language, kung saan ang mga akda nito ay naisalin na sa 28 iba’t ibang lengguwahe.

Ginawaran ng gobyerno si Jose bilang National Artist for Literature noong 2001.

Simbang Gabi sa CCP, ibinalik na

ni Lolet Abania | December 15, 2021

Ibinabalik ng Cultural Center of the Philippines (CCP) ang kanilang tradisyong Simbang Gabi ngayong taon.

Ang mga mass, ka-partner ang Our Lady of Sorrows Parish at iba pang sponsors sa paligid ng complex, ay gaganapin ng alas-5:00 ng madaling-araw mula Disyembre 16 hanggang 24, outdoors o sa labas sa may CCP Main Ramp.

Samantala, ang Christmas Eve mass ay nakatakdang ganapin ng alas-8:00 ng gabi sa Disyembre 24 sa CCP Main Theater.

Para naman sa mga nasa kanilang mga tahanan, maaaring panoorin ang Anticipated Mass from the Regions ng alas-9:00 ng gabi mula Disyembre 15 hanggang 23 sa Facebook page ng CCP.

Kabilang sa mga featured parishes ang Sto. Niño Parish sa Pandacan, Manila (Disyembre 15); St. Catherine of Alexandria Cathedral Parish sa Dumaguete City (Disyembre 16);

National Shrine of Our Lady of Candles (Jaro Metropolitan Cathedral) sa Iloilo (Disyembre 17); Holy Cross Parish (Margot) sa Angeles City, Pampanga (Disyembre 18); Basilica Minore del Santo Niño de Cebu sa Cebu (Disyembre 19); St. Francis Xavier Parish sa Cagayan de Oro City (Disyembre 20); Our Lady of Piat Basilica sa Piat, Cagayan (Disyembre 21); Archdiocesan Shrine of Sto. Niño sa Tacloban City (Disyembre 22); at St. Gregory the Great Cathedral Parish sa Daraga, Albay (Disyembre 23).

Maglulunsad din ang CCP ng kanilang Christmas lighting event para sa 2021 ng alas-7:00 ng gabi sa Disyembre 15.

Ang program na magpapakita ng mga natatanging imahe ng mga holiday symbols at Christmas carols ay mapapanood ng live streaming sa CCP Facebook page.

Tiniyak naman ng CCP na mahigpit nilang susundin ang mga health and safety guidelines at ipapatupad ang 70% outdoor capacity para sa Simbang Gabi, at 50% indoor capacity para sa Christmas Eve mass.

Online Simbang Gabi, Sisimulan ng CCP

ni Twincle Esquierdo | December 12, 2020

Gaganapin ng Cultural Center of the Philippines ang kanilang Simbang Gabi ngayong 2020 gamit ang online platform dahil sa coronavirus disease (COVID-19) pandemic.

Makikipagtulungan ang CCP sa iba't ibang simbahan sa buong bansa para maabot ang mas maraming Katolikong Pinoy sa mundo.

Ayon sa CCP, nais lamang nilang masiguro ang kaligtasan ng mga Pinoy dahil meron pa ring banta ng Covid-19 sa bansa.

"While this year has been shrouded with concerns over safety and fears of contracting the COVID-19 virus, which have upended many traditions that draw large gatherings including dawn masses, nothing should shake the fundamental pillar of the Catholic faithful and hinder the Filipino traditions,” sabi ng CCP.

Samantala, ang Misa de Gallo o misa sa bisperas ng Pasko ay ipagdiriwang sa St. Gregory the Great Cathedral Parish sa Legazpi City, Albay.

Napakaimportante ng Simbang Gabi dahil isa itong tradisyon tuwing sasapit ang Pasko, ayon kay Cardinal Luis Antonio Tagle, prefect ng Congregation for the Evangelization of Peoples ng Vatican.