Videoke, 24/7 bawal sa Cavite

ni Ronalyn Seminiano Reonico | July 15, 2021

Ipinag-utos ni Cavite Governor Jonvic Remulla ang total ban sa pagbi-videoke para makapag-aral nang maayos ang mga estudyante sa kanilang online classes at para rin sa mga nagwo-work from home.

Saad ni Remulla, "Meron tayong ordinance tungkol sa videoke.

“I will make sure na ‘yung mga pulis natin ay active sa gabi para sa anti-videoke… hindi lang po pala sa gabi, 24/7 bawal na ang maiingay na videoke.”

Aniya pa, “So, ako po ay nakikiusap sa inyo. Kung kayo man ay mahuli, ‘wag na po kayong umangal. Ganyan talaga ang buhay.”

Samantala, ayon kay Remulla, nakapagtala ng 143 daily average ng COVID-19 ang Cavite ngayong buwan ng Hulyo.

Noong July 6 naman, pumalo na sa 368,560 residente ang nakatanggap na ng first dose ng bakuna laban sa COVID-19 habang 91,392 naman ang fully vaccinated na.

Panawagan din ni Remulla sa publiko, “The worst is not over. There is only one way to do this. It is with discipline. Dapat disiplinado kayo sa sarili ninyo. Alam n’yo kung ano ang mga kailangan. Magsuot ng masks, social distancing… ‘yung mga precautions na kailangan ninyo. At pangalawa, ‘pag available na ang vaccines sa lugar ninyo, please vaccinate.”

15 ilegal na Chinese workers sa Cavite, ipade-deport

ni Ronalyn Seminiano Reonico | June 19, 2021

Ipade-deport ng Bureau of Immigration (BI) ang 15 Chinese nationals na napag-alamang ilegal na nagtatrabaho sa bansa.

Ayon kay Immigration Commissioner Jaime Morente, inaresto ng awtoridad ang mga naturang Chinese nationals noong Miyerkules sa isang business center sa Barangay Niog II sa Bacoor, Cavite.

Aniya, “Our operatives saw 15 foreigners working in different warehouses in the area. Upon verification of their documents, it was found that 10 of them had working visas petitioned by a different company.”

Ayon sa ulat ng BI Intelligence Division, nagtatrabaho bilang office staff at stock managers ang mga naturang Chinese sa mga warehouse.

Samantala, sasailalim umano ang mga Chinese nationals sa RT-PCR testing at quarantine at pansamantalang ide-detain sa Warden Facility ng BI sa Bicutan, Taguig City. Saad pa ni Morente, “We urge foreign nationals to legitimize their stay here in the country, lest they face expulsion and blacklisting.”

GCQ sa NCR Plus atbp., extended

ni Mary Gutierrez Almirañez | June 1, 2021

Mananatili sa general community quarantine (GCQ) ang buong NCR Plus simula June 1 hanggang 15, batay sa inanunsiyo ni Pangulong Rodrigo Duterte sa kanyang public address kagabi, May 31.

Kabilang sa NCR Plus ang buong National Capital Region at mga kalapit na probinsiya, katulad ng Cavite, Laguna at Rizal.

Samantala, extended naman ang GCQ hanggang June 30 sa mga sumusunod na lugar:

• Baguio City

• Kalinga

• Mountain Province

• Abra

• Isabela

• Nueva Vizcaya

• Quirino

• Batangas

• Quezon

• Iligan City

• Davao City

• Lanao del Sur

• Cotabato City

Ilalagay naman sa modified enhanced community quarantine (MECQ) o mas mahigpit na quarantine classifications hanggang June 15 ang mga susunod pang lugar:

• City of Santiago, Cagayan

• Apayao

• Benguet

• Ifugao

• Puerto Princesa City

• Iloilo City

• Zamboanga City

• Zamboanga Sibugay

• Zamboanga del Sur

• Zamboanga del Norte

• Cagayan de Oro City

• Butuan City

• Agusan del Sur

Matatandaan namang nagkasundo ang 17 Metro Manila mayors sa rekomendasyon na panatilihin sa GCQ ang NCR, habang paunti-unting binubuksan ang ekonomiya.