Naghahanap ng Misa o simbahan? May FaithWatch app na para diyan!

ni Jasmin Joy Evangelista | September 10, 2021

Inilunsad na ng simbahang Katolika ang mobile app para matugunan ang "new normal" sa pananampalataya.

Ito ang ‘FaithWatch’ app kung saan maaaring manood o makinig ng mga misa na pang-Katoliko.

Gamit ang FaithWatch app, maaaring hanapin sa smartphone ang pinakamalapit na simbahan, malaman ang mga oras ng misa roon, at masabayan ang mga naka-livestream.

Maaari ring magbasa ng Gospel reflections at balitang simbahan at magpadala ng mga Mass intention.

Ayon sa Media Office ng Catholic Bishops’ Conference of the Philippines (CBCP) na nasa likod ng proyekto, layon ng app na matulungan ang mga Katolikong maging aktibo sa pananampalataya at maengganyo rin ang mga hindi deboto.

“It wishes to reach out to the ‘unchurched’ populating social media through vlogs and other contents produced and formatted with ‘missio ad gentes’ (mission toward all people) in mind,” ani CBCP Media Office director Msgr. Pedro Quitorio III sa isang pahayag.

Kasama ng CBCP sa pag-develop ng app ang Areopagus Communications Inc. at ang Heart of Francis Foundation.

Plano rin nilang i-update ang app para maisama ang schedule ng mga sacrament at pagdasal ng rosaryo.

Maaaring i-download ang FaithWatch app sa mga Android at iOS phones.

Misa, kapag itinuloy… Simbahan, ipapasara!

ni Ronalyn Seminiano Reonico | March 23, 2021

Magsasagawa ng religious service ang Archdiocese of Manila simula sa Miyerkules na lilimitahan lamang sa 10% ng church capacity, ngunit pinalagan ito ng Malacañang dahil paglabag umano ito sa ipinapatupad na guidelines kaugnay ng mass gatherings sa mga lugar na nasa ilalim ng general community quarantine (GCQ).

Sa Facebook post ng Archdiocese of Manila Office of Communications para sa pastoral instruction sa Holy Week, mababasa ang pahayag ni Apostolic Administrator of Manila Bishop Broderick Pabillo na: “We will not have any religious activity outside of our churches such as senakulo, pabasa, processions, motorcades, and Visita Iglesia. “But within our churches starting March 24, we will have our religious worship within 10% of our maximum church capacity.

“Let the worshippers be spread apart within our churches, using the health protocols that we have been so consistently implementing.”

Naunang ipinagbawal ng Inter-Agency Task Force (IATF) for the Management of Emerging Infectious Diseases ang pagtitipun-tipon kabilang na ang religious gatherings sa mga GCQ areas kabilang ang Metro Manila hanggang sa April 4 dahil sa patuloy na pagtaas ng kaso ng COVID-19 sa bansa.

Ayon naman kay Presidential Spokesperson Harry Roque, ang planong pagbubukas ng simbahan ay "would be contrary po to the decision of the IATF.”

Aniya pa, "We ask Bishop Pabillo not to encourage disregard of IATF rules. Ito naman po ay para sa kabutihan ng lahat.”

Kung sakaling ituloy ng simbahan ang planong pagbubukas, saad ni Roque, "In the exercise of police powers, we can order the churches closed.

"Huwag sana pong dumating doon, Bishop Pabillo. Wala po tayong makakamit na kahit anong objective if you will defy and you will force the state to close the doors of the church.”

2 linggong lockdown sa ilang simbahan sa QC

ni Mary Gutierrez Almirañez | March 21, 2021

Dalawang linggong ila-lockdown ang mga simbahang sakop ng Dioceses of Novaliches at Cubao sa Quezon City dahil sa patuloy na pagtaas ng COVID-19, ayon sa inanunsiyo nina Bishop Roberto Gaa ng Diocese of Novaliches at Bishop Honesto Ongtioco ng Diocese of Cubao ngayong araw, Marso 21.

Batay sa ulat, boluntaryong magla-lockdown ang Dioceses of Novaliches at Cubao simula bukas, Marso 22 hanggang sa ika-3 ng Abril at magbabalik ang misa sa Abril 4, bilang paggunita sa Easter Sunday.

Anila, patuloy pa ring ipapatupad ang health protocol upang mapigilan ang hawahan ng COVID-19 sa bawat Katolikong magsisimba.

Ayon pa kay Bishop Ongtioco, "Voluntarily closing our places of worship at the highest point of our liturgical year is heartbreaking. But we also open our eyes to a situation that puts many of our faithful at risk. Numbers are surging and scientific data show that unless drastic interventions are done, these numbers will not decline anytime soon."

Giit naman ni Bishop Gaa, “Given this fact, it would appear that the only way for us to control the further upsurge of Covid cases is to restrict the movements of people, including those movements by the same people from their work places and their homes into and out of our churches.”

Kaugnay nito, inihayag ni Interior Undersecretary Jonathan Malaya ang gaganaping pagpupulong bukas ng National Task Force (NTF) Against COVID-19 hinggil sa bagong protocol na ipapatupad sa Holy Week.

Aniya, "As of now, wala pa tayong lockdown, ngunit maghanda siguro tayo. As I said, let's postpone all non-essential travel especially sa pagtaas ng mga kaso."

“‘Yan ang pag-uusapan namin bukas. Kasi kung magdedesisyon ang IATF and the NTF na maghigpit, wala tayong choice kundi maghigpit para mag-stay at home na muna ang ating mga kababayan ngayong panahon ng pagtataas ng kaso up to the Holy Week period."