Requirements sa pagkuha ng vaccine certification kapalit ng lost vaxx card sa Caloocan, alamin

ni Jasmin Joy Evangelista | January 23, 2022

Inanunsiyo ng Caloocan City government ang mga requirements sa pagkuha ng vaccine certification para sa mga lost vaccination cards.

Ang mga may-ari ng nawalang vaccination card ay kinakailangang magsumite ng affidavit of loss at valid ID.

Kung ang magpoproseso naman ay representative lamang, kailangan ng affidavit of loss na ine-execute ng may-ari ng vaxx card. Kailangan din ang authorization letter, at valid ID ng may-ari at representative.

Para sa mga menor de edad na nawalan ng vaccination card, kailangan ng affidavit of loss na ini-execute ng magulang o guardian, valid ID ng minor at ng magulang o guardian.

Kung ang nawalan naman ng bakuna card ay first dose pa lang ang natatanggap, maaaring kumuha ng bagong card sa vaccination site kung saan naka-schedule ng 2nd dose.

Ang mga request ay maaaring i-claim matapos ang dalawang araw.

P54 M halaga ng shabu sa packaging ng tsaa, nasabat sa Caloocan City

ni Jasmin Joy Evangelista | November 26, 2021

Tiklo ang 2 lalaki sa buy-bust operation sa Caloocan City kung saan nahulihan ang mga ito ng 8kg. na shabu.

Hindi muna pinangalanan ng mga pulis ang 2 suspek na itinuturing na high-value target habang patuloy ang followup operation ng mga operatiba.

Ang mga naturang shabu ay nakabalot sa packaging ng tsaa at tinatayang umaabot sa halagang P54 M.

Ayon kay Northern Police District director Police Brigider General Jose Hidalgo Jr., hindi na bago ang ganitong klase ng modus operandi sa ilang motel kahit pa nga sa ilang hotel.

Kasalukuyang naka-detain ang mga suspek at inihahanda na ang kasong isasampa sa mga ito.

Mga insidente ng nakawan sa mga simbahan sa Novaliches, iniimbestigahan na

ni Jasmin Joy Evangelista | November 18, 2021

Iniimbestigahan na ng Caloocan Police ang mga insidente ng nakawan sa ilang simbahan sa Novaliches area.

"May tracker tayo at pino-profile na suspek," Caloocan police chief Col. Samuel Mina sa isang panayam.

Kamakailan ay natangayan ng ilang mahahalagang gamit sa magkakahiwalay na insidente ang tatlong simbahan sa Caloocan at Quezon City.

Sa Mother of the Redeemer Parish sa Caloocan, nakuhanan ng CCTV ang paglapit ng isang lalaki sa staff ng simbahan para humingi ng form para magpamisa at sa sandalling umalis ang tauhan ay pumasok ang suspek sa loob ng simbahan at dumiretso sa sacristy kung saan nakalagay ang mga gamit tulad ng limang ciborium at bell. Makalipas ang ilang minuto'y lumabas siya mula sa naturang kuwarto, base sa kuha ng CCTV.

Kinabukasan, nang magmimisa na ang parish priest na si Fr. Jose Casas Jr., ikinagulat niyang wala na ang mga gamit.

"Nalungkot ako talaga dahil simbahan pa ang biktima," ani Casas.

Nanawagan si Casas sa suspek na isauli ang mga gamit.

"Kung kailangan niyo ng tulong, bigyan namin kayo ng bigas na makakain niyo," aniya.

Isa pang simbahan sa Caloocan ang nanawagan sa Facebook matapos mawalan din ng ciborium at bell.

Naalarma rin si Fr. Jan Vincent Damian ng Our Lady of Mercy Parish sa Novaliches, Quezon City, lalo't nanakawan na rin sila noon ng amplifier.

Nakuhanan din ng CCTV ang isang lalaki na umaaligid sa loob ng simbahan at kumbento.

Ayon sa pulisya, nakabantay na rin sila sa lugar na posibleng pagbentahan ng mga ninakaw na gamit ng simbahan.