SM Women's Wednesday Sale: March 10, 17, 24,31, 2021

by SM Supermalls - @Brand Zone | March 2, 2021

Enjoy awesome discounts for #AweSMWomen every Wednesday of March!

For more events click here : smsupermalls.com/mall-sale-events/

Sinehan, bubuksan na sa Marso 5

ni Mary Gutierrez Almirañez | March 2, 2021

Pinapayagan nang muling magbukas ang mga sinehan simula sa ika-5 ng Marso, alinsunod sa kautusan ng Department of Trade and Industry.

Ayon kay DTI Secretary Ramon Lopez, dahan-dahang papayagan sa ilalim ng general community quarantine (GCQ) ang ilang negosyo na inilipat bilang category 3 mula sa category 4, katulad ng driving schools, sinehan at museums.

Aniya, sa ilalim ng GCQ ay pinapayagan nang mag-operate sa maximum na 25% capacity ang mga tradisyunal na sinehan habang 50% capacity sa mga lugar na nasa ilalim ng MGCQ.

Samantala, ang mga social event naman ay pinapayagan hanggang 30% capacity sa ilalim ng GCQ at 50% sa MGCQ areas.

Pinapayagan na ring i-operate hanggang 50% capacity ang mga library, museum, cultural centers, meeting at conventions, limited tourist attractions, at videogame arcades na nasa GCQ at 75% sa mga nasa MGCQ areas.

Dagdag pa niya, ito ang magsisilbing gabay sa pagbubukas ng ilang negosyo na nasa ilalim ng general community quarantine (GCQ) at modified general community quarantine (MGCQ).

Matapos mailathala at maihain sa UP Law Center ay magiging epektibo na ang bagong memorandum.

Mga palengke at groceries sa Navotas, isasara tuwing Lunes

ni Ronalyn Seminiano Reonico | February 28, 2021

Isasara tuwing Lunes ang mga palengke at groceries sa Navotas upang makapagsagawa ng general cleaning at disinfection dahil sa pagdami ng kaso ng COVID-19, ayon kay Mayor Toby Tiangco.

Saad ni Tiangco sa kanyang Facebook post, “February 6 nang magtala tayo ng 33 active cases sa ating lungsod, pinakamababa ngayong 2021. Ngunit pagkatapos nito, dire-diretso na ang pagdami ng mga nahawahan.

“Kahapon lang, 99 ang nakumpirmang nagpositibo. Ito na ang pinakamataas na bilang ng mga nadagdag na kaso ngayong taon. Ayon pa nga sa ating City Epidemiology Surveillance Unit, tumaas ng 349% ang mga kaso sa ating lungsod.”

Nanawagan din si Tiangco sa kanyang mga nasasakupan na makiisa sa mga ipinatutupad na polisiya sa kanilang lugar at sundin ang mga health protocols upang maiwasan ang pagkalat ng COVID-19.

Aniya pa, “Kahit malakas po tayo at hindi natin iindahin kung magkaroon man tayo ng COVID-19, paano naman po ang iba na mahihina ang katawan at maaaring mamatay dahil sa sakit na ito?”