Snapchat, nalampasan ang inaasahang kita at paglobo ng users

ni Angela Fernando @Business Tech | Oct. 30, 2024

Photo: Snap Inc. - Justin Lane - EPA / Circulated

Nalampasan ng kumpanyang Snap ang inaasahan ng Wall Street na kita at paglobo ng mga users nito kamakailan, matapos makabalik ang ilang mga advertiser sa tulong ng mga tampok sa ads.

Ipinaalam din ng kumpanya ng Snapchat messaging app, na kanila muling bibilhin ang shares na aabot sa $500-milyon.

Bagamat bumagsak ng 8% ang stocks ng Snap sa after-market trading, agad itong nakabawi at naabot ang 10% na pagtaas.

Matatandaang malaki man ang kinikita ng Snap mula sa digital advertising, nahaharap pa rin ito sa mga dambuhalang kakumpitensya tulad ng Meta Platforms, na nagmamay-ari ng mga kilalang applications na Facebook at Instagram.

Gayunman, tinugunan ito ng Snap at namuhunan sa machine learning upang mapabuti ang ad targeting nito at gawing mas madali para sa maliliit at hindi kalakihang mga negosyo na mag-advertise gamit ang Snapchat.

Kamatis triple na ang presyo, P120/kilo

ni Eli San Miguel @News | Oct. 19, 2024

Ayon sa Samahang Industriya ng Agrikultura (SINAG), na karaniwang tumataas ang presyo pagkatapos ng malakas na ulan. / FP

Tumaas na sa P120 kada kilo ang presyo ng kamatis sa Pamilihang Bayan ng Mangaldan sa Pangasinan, mula sa P30 kada kilo noong nakaraang linggo.

Karamihan ng kamatis na ibinebenta sa Bagsakan Market ng Lungsod ng Urdaneta ay galing na sa Nueva Ecija at Nueva Vizcaya, dahil matinding nasira ng ulan ang mga pananim sa Rehiyon ng Ilocos.

Ipinaliwanag ni Engr. Rosendo So, chairman ng Samahang Industriya ng Agrikultura (SINAG), na karaniwang tumataas ang presyo pagkatapos ng malakas na ulan.

“Talagang ganun, kapag tag-ulan ‘yung produkto medyo may problema, pero kapag nag-normalize na ‘yung panahon natin, bumabalik na rin ang sigla ng taniman natin,” he said. Inaasahang babalik sa normal ang presyo ng mga kamatis sa paparating na mga linggo.

Kailangan na ng recharge? Tips para maging burnout-free

by Info @Brand Zone | Oct. 14, 2024

Nawawalan ka na ba ng gana? ‘Yun bang tipong wala ka pang ginagawa, pero feel mo pagod na pagod ka na? Minsan din ba sumagi na sa iyong isip na gusto mo na lamang magpahinga o magbakasyon? Huwag ka mag-alala, besh! Dahil marami ang nakakaranas ngayon nyan. 

Ang pagka-burnout ay ‘di lang basta pagkapagod, at ‘di lang ito basta ordinaryong stress na dulot ng pang-araw-araw na trabaho. Ang mga dumaranas nito ay nawawalan ng ganang magtrabaho at hindi na gaanong nagiging produktibo. 

Ang burnout ay konektado rin sa maraming aspeto. Subalit, ano nga ba ang kadalasang dahilan ng burnout? Narito ang ilang dahilan ng ibang tao. Kaya halina’t alamin natin ito! 

1. Work-related na mga kadahilanan;

2. Mataas na demand sa trabaho

3. Pagtatrabaho sa isang magulong paligid at toxic na workmates

4. Mga kadalasang dahilan dulot ng lifestyle;

5. Kakulangan ng oras sa pagri-relax at pakikisalamuha sa kapwa

6. Napakaraming responsibilidad na ‘di nakatatanggap ng sapat na tulong mula sa mga malalapit na kaibigan at mga mahal sa buhay.

7. Mga pag-uugaling nagdudulot ng madaliang pagka-burnout

8. Pagiging perfectionist

9. Pagiging pessimistic, at pagiging controlling.

Pero, wait lang mga Ka-Bulgar, knows n’yo ba na puwede rin tayong ma-burnout dahil sa sarili rin nating desisyon? ‘Yun bang sa kagustuhan nating umasenso at lumaki ang kita, tanggap ka lang nang tanggap ng trabaho hanggang sa matambakan ka at mauwi sa burnout.

Ang mga sumusunod ay warning signs na maaaring may burnout ang isang tao;

1. Mga pisikal na senyales

2. Pakiramdam na laging magkakasakit, at laging pagod

3. Madalas na pagkakaroon ng sakit ng ulo, sakit sa likuran at kasu-kasuan

4. Mga emosyonal na senyales

5. Pakiramdam na walang magawa, talunan, at nag-iisa sa mundo

6. Pagbaba ng satisfaction at sense of accomplishment

7. Mga senyales sa pag-uugali

8. Pagtakas sa mga responsibilidad, at pag-iwas sa ibang tao

9. Binubuntong ang frustration sa ibang tao

Atin nang nabanggit kung ano ang ibig sabihin ng burnout, kadalasang dahilan, at sintomas nito. Samantala, narito naman ang ilang tips kung paano nga ba ito maiiwasan. Let’s go mga besh, sabay-sabay na natin itong alamin. Oki?!Ang pagkakaroon ng “me time,” ay makakatulong sa atin upang maiwasan ang stress o problemang ating kinakaharap. Kung maaari ay magpasa muna ng temporary leave of absence, at gamitin ito upang makapagbakasyon. 

Mag-recharge ka rin kahit papaano! Huminga, mag-isip-isip at mag-enjoy din, ‘wag n’yo masyadong isubsob ang inyong sarili sa pagtatrabaho. Gets mo?

Lingid sa ating ka­alaman ang taong kulang sa tulog ay madalas na irritable, mainitin ang ulo, at minsan ay wala na rin pokus. Mahalaga ang pagtulog upang makapagpahinga rin ang ating utak. Kaya naman inirerekomenda rin ang 30-minutong ehersisyo kada araw. Maglaan ng panahong sasapat sa pahinga, at makipagsalamuha sa iba bukod sa mga katrabaho at pamilya.

Pagbati! Dahil isa ka sa mga ‘di humihinto para makamit mo ang iyong pangarap. Kaya mga Ka-BULGAR, ‘wag kalimutang ngumiti. Laban lang, kaya natin ito! Okie?