Dahil sa COVID-19.. Estudyante, bakasyon na

Nanawagan kahapon si Mayor Toby Tiangco sa Department of Education (DepEd) na kung maaari, automatic nang ipasa ang lahat ng mga estudyante ngayong school year kasunod ng ulat ng dalawang bagong kumpirmadong kaso ng Coronavirus Disease 2019 (COVID-19) sa bansa.

“Ang Department of Health ay naglabas ng isang update na nagsasaad na mayroon na tayong dalawang bagong nakumpirma na kaso ng COVID-19 at parehong Pilipino. Ang virus ay maaaring mabilis na kumalat, lalo na sa mga mataong lugar tulad ng mga paaralan,” paliwanag ng alkalde ng Lungsod ng Navotas.

“Kaugnay nito, hinihikayat ko ang DepEd na awtomatikong magbigay ng pagpasa ng mga grades sa lahat ng mga mag-aaral upang hindi na nila kailangang mag-aral pa. Dapat nating gawin ang lahat ng kinakailangang pag-iingat upang maprotektahan ang ating mga tao, lalo na ang ating mga anak, mula sa sakit na ito,” dagdag pa nito.

Samantala, kinumpirma ng City Health Office na walang mga taong under monitoring or investigation para sa COVID-19 sa Navotas.

Mga kaopisina, nakasalamuha pa.. BPO employee, may COVID-19

Isang empleyado ng Deloitte Philippines na matatagpuan sa Net Lima Plaza sa Bonifacio Global City (BGC) sa Taguig City, ang nagpositibo sa COVID-19.

Sa report ng Office of the Mayor, nitong Marso 4, ang empleyado ng BPO ay kumuha ng medical consultation at inilagay sa surveillance ng City Epidemiology and Disease Surveillance Unit (CEDSU) at na-admit sa RITM sa sumunod na araw at ngayon ay tumatanggap ng gamutan at nasa stable naman ang kondisyon.

Ayon kay Taguig City Mayor Lino Cayetano, ang CEDSU sa pangunguna ni Dr. Luis Sy, Jr. ay nagsasagawa ng preventive measures at nagpatupad ng kaukulang protocols.

Simula noong Enero 2020, ipinabatid na ng lokal na pamahalaan sa BGC community at lahat ng barangay sa Taguig gayundin ang reporting at monitoring procedure ng availability ng dalawang dedicated ambulance teams, isang vigilant service hotline at istriktong implementasyon ng Executive Order upang gabayan ang publiko tungkol sa guidelines sa pagsasagawa ng mass gathering o pagtitipon ng mga tao sa lungsod.

P72 milyong Megalotto winner, mula sa Antipolo

Bulgarific

Hello, Bulgarians! Isang masuwerteng tumatangkilik ng Megalotto 6/45 ng PCSO ang nakapag-uwi ng jackpot prize na nagkakahalagang Php 72,372,679.40 na binola noong Lunes, ika-2 ng Marso 2020.

Ayon sa Philippine Charity Sweepstakes Office (PCSO) Gaming Sector, ang ticket na may kombinasyon na 08, 13, 36, 22, 04 at 03 ay nabili sa isang lotto outlet na matatagpuan sa Antipolo City, Rizal.

Samantala, 36 na masuwerteng manlalaro naman ang nakakuha ng limang tamang numero at makapag-uuwi ng tig-Php29,210. Mag-uuwi naman ng tig-Php490 ang 1,696 na manlalaro na nakakuha ng apat na tamang numero at ang 28,016 naman na manlalaro na may tatlong tamang numero ang mag-uuwi ng tig-Php24.00 o balik-taya. Ang 6/45 Megalotto ay nilalaro tuwing Lunes, Miyerkules at Biyernes, alas-9 ng gabi at napapanood nang live sa PTV 4.

Malugod na nagpapasalamat ang mga opisyal at kawani ng PCSO sa mga masusugid na tagatangkilik ng lahat ng produkto ng PCSO tulad ng Lotto, KENO, Sweepstakes, STL at Scratch-It. Ang inyong walang sawang suporta sa aming mga produkto ang nagbibigay-daan sa patuloy na tulong-pangkalusugan at pagbibigay ng kawanggawang serbisyo sa ating mga kababayan sa buong bansa.

Sa bawat ticket na inyong binili, mas malaki ang pagkakataong maging milyonaryo at nakasisigurado pang makatutulong sa mga nangangailangan.

Para sa mga winning combination at schedule ng iba pang PCSO gaming products ay maaaring bisitahin ang opisyal na website ng PCSO sa

www.pcso.gov.ph at FB page na https://www.facebook.com/pcsoofficialsocialmedia at youtube account PCSO GOV.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo