Chinese workers, huli sa drugs, prostitution etc.. May pera sa POGO, ituloy — P-Du

Tutol si Pangulong Rodrigo Duterte na ipasara ang Philippine Offshore Gaming Operators (POGOs) sa gitna ng mga iregularidad.

Ayon kay Presidential Spokesperson Salvador Panelo, ibinahagi umano sa kanya ng Pangulo na batay sa ulat ng Philippine Amusement and Gaming Corporation ay maganda aniya ang report sa kanya tungkol dito. Aniya, maaaring magamit ang mga makokolektang buwis mula sa POGOs sa pagpondo sa iba’t ibang proyekto at maging sa pagtugon ng gobyerno sa Coronavirus Disease 2019 (COVID-19).

Una nang inihayag ng kalihim na ikinokonsidera ni Pangulong Duterte ang pagsuspinde sa POGO operations sakaling umigting pa ang mga iregularidad na idinadawit dito.

Matatandaang, naalarma na rin ang ilang senador kaugnay sa talamak na krimen na pinaniniwalaang konektado sa POGO tulad ng money laundering, prostitution at drug trafficking.

“Ang sabi niya (President Duterte) sa akin kahapon, maganda ang report ni PAGCOR Head (Andrea Domingo), so okay, kailangan talaga natin ng pondo galing d’yan. Marami tayong projects na kailangan natin ng pondo. For instance, for the salaries of the nurses, teachers, madami. Ngayon may problema na naman tayo sa coronavirus, eh, di puwede rin nating pagkunan ‘yan. ‘Yang problema sa operations ay puwedeng magawan ng paraan ‘yan.

All you have to do is implement, establish laws and regulations,” paliwanag pa ni Panelo.

Catriona at Charo Santos, join sa Go Negosyo WOMEN 2020 Entrepreneurship Summit

Bulgarific

Hello, Bulgarians! Nagsama-sama ang halos 9,000 katao sa Go Negosyo WOMEN 2020 Entrepreneurship Summit na pinangunahan nina Presidential Adviser for Entrepreneurship and Go Negosyo Founder Joey Concepcion at Summit Co-chair Alice Eduardo (CEO, Sta. Elena Construction) noong March 3, 2020 sa World Trade Center, Pasay City.

Nagbahagi ang 50 women leaders at moderators mula sa Pilipinas at ASEAN ng kanilang mga karanasan bilang babae at bilang entrepreneur kabilang sina Miss Universe 2018 Catriona Gray, Charo Santos-Concio (ABS-CBN), Boy Abunda at marami pang iba.

Matapos ang pagbabahagi ng kanilang mga karanasan ay sinamahan ni Concepcion ang awardees ng Go Negosyo ASEAN Women of Impact sa courtesy call kay Pangulong Rodrigo Duterte sa Malacañang Palace. Nandito rin sina Alice Eduardo at ASEAN BAC PH council member George Barcelon.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

DOLE: Work from home, aprub

Pabor ang Department of Labor and Employment (DOLE) na magpatupad ang ilang kumpanya ng ‘work from home’.

Ito ay para maiwasan ang mga empleyado na mahawahan ng COVID-19.

Ayon kay DOLE Bureau of Working Conditions Director Teresita Cucueco, ang nasabing hakbang ay maaaring ipatupad basta hindi maapektuhan ang trabaho sa kumpanya.

Kahit na ang nasabing hakbang ay hindi magpapatigil sa nasabing pagkalat ng virus ay makatutulong naman ito sa pagbawas ng posibleng pagkalat nito.

Kailangan lamang ng kasunduan sa pagitan ng employer at mga empleyado.