Mga pulitiko nag-self quarantine.. Gov't offices, isinara

Sumailalim sa self-quarantine ang ilang mi­yem­bro ng gabinete at mga opis­yal ng gobyerno kaug­nay ng COVID-19.

Ito ay matapos malantad sa kaso ng COVID-19 ang ilang cabinet officials at mga senador sa ilang public events kung saan may mga bisitang nagpositibo sa virus.

Kabilang sa mga suma­ilalim sa self-quarantine sina Department of Public Works and Highways Secretary Mark Villar, Education Sec. Leonor Briones, Central Bank Governor Benjamin Diok­no at Executive Sec. Salvador Medialdea.

Naka-quarantine din sina Bases Conversion and Deve­lopment Authority President and Chief Executive Vince Dizon, maging ang mga al­kalde na sina Manila Mayor Isko Moreno at Davao Ma­yor Sara Duterte-Carpio.

Nauna nang nag-self qua­rantine sina Senador Sher­win Gatchalian, Nancy Bi­nay, Panfilo Lacson, Imee Marcos, Francis Tolentino at Juan Miguel Zubiri ma­tapos magpositibo sa CO­VID-19 ang isang resource person sa pagdinig sa Se­na­do noong Marso 5.

Kasama rin umano sina Briones at Department of Finance Sec. Carlos Domin­guez III sa nasabing pagdi­nig.

Bumisita rin ang Presi­dential Daughter sa Senado at nakasalamuha si Gatcha­lian, na umano’y nakasala­muha ang pasyenteng nag­positibo sa COVID-19, da­hilan aniya para magpas­yang mag-self quarantine.

Licensure exams sa Marso at Abril, kanselado — PRC

Kinansela ng Professional Regulations Commission (PRC) ang mga nakatakdang licensure examinations sa Marso at Abril.

Kasunod ito ng pagdedeklara ng State of Public Health Emergency sa bansa dahil sa nagpapatuloy na pagtaas ng bilang ng kaso ng COVID-19 sa bansa.

Pinagbatayan din ang rekomendasyon ng Department of Health (DOH) at Inter-Agency Task Force for the Management of Emerging Infectious Disease (IATF) na iwasan ang mass gatherings.

Ayon sa PRC, layon nitong matiyak ang kaligtasan ng mga examinee at empleyado ng ahensiya.

Etiqa, katuwang ng SSS para sa insurance ng mga retiree-pensioners

Bulgarific

Hello, Bulgarians! Kamakailan ay inanunsiyo ng Social Security System (SSS) na tuluy-tuloy pa rin ang pakikipagtulungan nito sa Etiqa Life and General Assurance Philippines, Inc. (Etiqa) sa katatapos lamang na ceremonial signing ng Memorandum of Agreement (MOA) noong March 5, 2020 sa SSS Building, Diliman, Quezon City.

Ang Etiqa o AsianLife & General Assurance Corporation ang naging credit insurance partner ng SSS mula nang ilunsad ang Pension Loan Program (PLP) noong September, 2018. Layunin ng PLP na bigyan ng tulong-pinansiyal ang mga SSS retiree-pensioners para sa kanilang miscellaneous expenses. Mula sa naturang guidelines, ang mga SSS pension loan borrowers ay covered ng Group Credit Life Insurance. Kasama rito ang full amount ng loan sa biglaang pagkamatay ng pension-borrower. Ibig sabihin, ang outstanding balance ng loan ay mababayaran na kahit ilang buwan pa ang naaprubahan na pension loan. Mula October, 2019, ang mga retiree-pensioners ay maaaring mag-avail ng maximum amount of P200,000 na maaaring bayaran ng dalawang taon o 24 monthly installments.

Present sa ceremonial signing ng MOA sina SSS Business and Development Loans Department Manager III Ma. Gracia G. Abas, SSS Lending and Asset Management Group Senior Vice-President Pedro T. Baoy, SSS Investments Sector Executive Vice-President Rizaldy T. Capulong, Etiqa President and Chief Executive Officer Rico T. Bautista, Etiqa Chief Financial Officer and Treasurer James Patrick Q. Bonus at Etiqa Group Marketing Department Manager Jeremy B. Ramirez.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo