3,359 dayuhan, 'di pinapasok sa 'Pinas noong 2023

ni Eli San Miguel - Trainee @News | January 24, 2024

Sinabi ng Bureau of Immigration (BI) ngayong Miyerkules na higit sa 3,300 na dayuhan ang hindi pinayagan pumasok sa Pilipinas noong 2023.

Ayon kay BI Commissioner Norman Tansingco, may 3,359 na dayuhang hindi pinahintulutan dahil itinuturing sila na hindi kanais-nais o may hindi maayos dokumentasyon.

Idinagdag ng BI na dumating ang karamihan sa kanila mula sa Ninoy Aquino International Airport (NAIA).

Iniulat ng BI ang mga insidente kung saan hindi pinahintulutan ang mga dayuhan sa pagpasok sa ‘Pinas dahil sa pagkakasangkot sa mga sexual offenses sa ibang bansa, pagiging wanted fugitives, at pagpapakita ng kabastusan sa mga kawani ng immigration.

“As gatekeepers of our country, our officers are duty-bound to see to it that only aliens with legitimate purpose of travel are accorded the privilege to visit the country,” ani Tansingco.

“Illegal aliens and fugitives are not welcome in the Philippines,” dagdag niya.

180 Chinese, idineport —BI

ni Eli San Miguel - Trainee @News | December 14, 2023

Idineport ng 'Pinas ang kabuuang 180 Chinese nationals ngayong Huwebes, matapos ang raid noong Oktubre sa isang ilegal na pasilidad ng Philippine Offshore Gaming Operator (POGO) na sangkot sa online scams at prostitusyon sa Pasay City, ayon sa Bureau of Immigration (BI).

“We will not tolerate foreign nationals who abuse our hospitality and use our land for their unscrupulous activities,” sabi ni BI Commissioner Norman Tansingco sa isang pahayag.

“Foreigners who blatantly violate our laws will face deportation and blacklisting,” babala niya.

Ayon kay Tansingco, dinala ang 180 Chinese sa Ninoy Aquino International Airport (NAIA) Terminal 1 kung saan sumakay sila sa isang flight ng Philippine Airlines patungong Shanghai.

Dagdag pa niya, natuklasang sangkot ang mga dayuhan sa mga gawain ng human trafficking tulad ng prostitusyon at labor-exploitation.

“Their activities are contrary to local laws and public interest, hence making them undesirable aliens,” aniya.

Sinabi rin ni Tansingco na na-deport ang 180 Chinese matapos na maglabas ang BI ng isang summary deportation order dahil wala silang tamang dokumento at itinuturing na "undesirable aliens".

81-anyos na Australyano, wanted sa pang-aabuso, arestado

ni Eli San Miguel - Trainee @News | November 23, 2023

Arestado ang 81-anyos na Australian fugitive na wanted sa kanyang bansa dahil sa mga kaso ng pang-aabuso sa mga bata, ayon sa Bureau of Immigration (BI) ngayong Huwebes.

Kinilala ni BI Commissioner Norman Tansingco ang Australian na si David John Buckley na naaresto ng mga operatiba ng BI’s Fugitive Search Unit (BI-FSU) noong Martes, Nobyembre 21, sa Bantayan Island, Cebu.

“He will be deported as soon as the board of commissioners issues the order for his summary deportation,” ani Tansingco.

“His presence is not welcome in the country, and he will be placed in blacklist,” dagdag niya.

Sinabi ng BI na undocumented alien si Buckley at expired na ang pasaporte.

“According to official records, Buckley, a notorious pedophile, is the subject of two arrest warrants issued by the federal police in Queensland, Australia based on charges of rape and indecent treatment of children,” saad ng BI.

Nakakulong ngayon ang suspek sa BI detention facility sa Taguig City habang naghihintay ng deportation.