11 lugar, may nakakalasong red tide

ni Lolet Abania | June 24, 2021

Inianunsiyo ng Bureau of Fisheries and Aquatic Resources (BFAR) ngayong Huwebes na nasa 11 lugar ang nananatiling positibo sa paralytic shellfish poison o toxic red tide.

Ayon sa pinakabagong shellfish bulletin, lahat ng klase ng shellfish at acetes o kilala sa tawag na alamang na makukuha sa mga sumusunod na lugar ay hindi ligtas na kainin:

• Irong-Irong Bay sa Western Samar

• Cambatutay Bay sa Western Samar

• Cancabato Bay, Tacloban City sa Leyte

• Lianga Bay sa Surigao del Sur

• Bislig Bay sa Surigao del Sur

• Balite Bay, Mati City sa Davao Oriental

• Murcielgaos Bay sa Zamboanga del Norte

• Tambobo Bay, Siaton sa Negros Oriental

• Coastal waters ng Dauis at Tagbilaran City sa Bohol

• Coastal waters ng Calubian sa Leyte

• Coastal waters ng Daram Island sa Western Samar

Gayunman, sinabi ng ahensiya na ang mga isda, pusit, hipon, at alimango na makukuha sa mga nasabing lugar ay ligtas namang kainin.

“Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking,” ayon sa BFAR.

Nakapaloob din sa bulletin ang mga lugar na ligtas naman mula sa toxic red tide, kabilang ang coastal waters ng Zumarraga, San Pedro, Maqueda, at Villareal Bays sa Western Samar; at Carigara at Ormoc Bay sa Leyte.

Shellfish at alamang, may red tide — BFAR

ni Ronalyn Seminiano Reonico | June 12, 2021

Nagpositibo sa paralytic shellfish poison o toxic red tide ang lahat ng uri ng shellfish at acetes o alamang na nakolekta ng Bureau of Fisheries and Aquatic Resources (BFAR) mula sa ilang lugar sa bansa.

Sa latest shellfish bulletin, ayon sa BFAR, hindi ligtas kainin ang lahat ng uri ng shellfish at alamang sa mga sumusunod na lugar: Coastal waters ng Dauis at Tagbilaran City sa Bohol; Tambobo Bay, Siaton sa Negros Oriental; Coastal waters ng Daram Island, at Zumarraga, Cambatutay, Irong-irong, San Pedro, Maqueda at Villareal Bays sa Western Samar; Coastal waters ng Calubian, Carigara at Ormoc Bays, at Cancabato Bay, Tacloban City sa Leyte; Balite Bay, Mati Bay sa Davao Oriental; Murcielagos Bay sa Zamboanga del Norte; Lianga at Bislig Bays sa Surigao del Sur.

Ayon naman sa BFAR, ligtas kainin ang mga isda, pusit, hipon at alimango.

Saad pa ng BFAR, “All types of shellfish and acetes or alamang gathered from the areas shown above are NOT SAFE for human consumption.

“Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.”

Shellfish at alamang, may lason

ni Ronalyn Seminiano Reonico | May 1, 2021

Nagbabala ang Bureau of Fisheries and Aquatic Resources (BFAR) matapos magpositibo sa paralytic shellfish poison (PSP) ang mga nakolektang shellfish at acetes o alamang sa ilang lugar sa bansa.

Ayon sa BFAR, hindi ligtas kainin ang mga shellfish at alamang sa sumusunod na lugar: Lianga Bay sa Surigao del Sur; Coastal waters of Hinatuan sa Surigao del Sur; Balite Bay, Mati City sa Davao Oriental; Tambobo Bay, Siaton sa Negros Oriental; Puerto Princesa Bay, Puerto Princesa City sa Palawan; Coastal waters of Dauis at Tagbilaran City sa Bohol; at Coastal waters of Calubian sa Leyte.

Saad pa ng BFAR, “All types of shellfish and Acetes or alamang gathered from the areas shown above are NOT SAFE for human consumption.”

Samantala, ayon sa BFAR ay ligtas namang kainin ang mga isda, pusit, hipon at alimango. Pahayag ng BFAR, “Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.”