Red Tide Alert sa 3 lugar — BFAR

ni Lolet Abania | September 25, 2021

Tatlong lugar mula sa Visayas at Mindanao ang lumabas na positibo sa paralytic shellfish poison o toxic red tide na lumagpas sa itinakdang regulatory limit, ayon sa Bureau of Fisheries and Aquatic Resources (BFAR) ngayong Sabado.

Sa latest bulletin ng BFAR, ang lahat ng uri ng shellfish at alamang (krill) ay hindi ligtas na kainin mula sa mga sumusunod na lugar:

• Coastal waters ng Dauis, at Tagbilaran City sa Bohol

• Lianga Bay sa Surigao del Sur

• Dumanquillas Bay sa Zamboanga del Sur

Gayunman, sinabi ng BFAR, ang mga isda, pusit, hipon at crab o alimango mula sa mga naturang lugar ay ligtas namang kainin, subalit ayon sa ahensiya, “Provided that they are fresh and washed thoroughly, and internal organs such as gills and intestines are removed before cooking.”

Nakasaad din sa bulletin ang listahan naman ng mga lugar na walang itinuturing na toxic red tide, kabilang dito ang coastal waters ng Milagros sa Masbate, Carigara Bay sa Leyte, at Murcielagos Bay sa Zamboanga del Norte.

P9M halaga ng bangus at tilapia, namatay dahil sa pagsabog ng Taal

ni Lolet Abania | July 6, 2021

Umabot sa mahigit 100 metrikong tonelada ng isda ang namatay dahil sa isang insidente ng tinatawag na ‘fish kill’ sa Talisay, Batangas.

Sa isang statement ng Bureau of Fisheries and Aquatic Resources (BFAR) ngayong Martes, nasa tinatayang volume na 109 MT ng bangus at tilapia na nagkakahalaga ng P8.999 milyon ang nalugi dahil dito.

“The water quality assessment report showed that dissolved oxygen in several areas in Taal Lake has registered 2.38 to 3.80 mg/L, which is comparatively lower than the standard level of 5.0 mg/L. The levels of ammonia and sulfide are above the standard level which are potentially harmful to fishes,” pahayag ng BFAR.

Gayunman, ayon sa BFAR, ang lokal na gobyerno ng Talisay at mga operators na apektado ng kaso ng mga namamatay na isda ay nagtutulungan para sa ligtas na pagkolekta at pagtatapon ng mga naturang isda.

Matatandaang noong July 1, isinailalim ng Philippine Institute of Volcanology and Seismology (Phivolcs) ang Taal Volcano sa Alert Level 3 matapos ang pagsabog nito na naglabas ng isang kilometrong taas ng phreatomagmatic plume.

Nananatili pa rin sa Alert Level 3 ang paligid ng bulkan.

Alamang at shellfish, may red tide — BFAR

ni Ronalyn Seminiano Reonico | July 3, 2021

Nagpositibo sa paralytic shellfish poison o toxic red tide ang ilang lugar sa bansa, ayon sa Bureau of Fisheries and Aquatic Resources (BFAR) noong Biyernes.

Base sa inilabas na shellfish bulletin nu'ng July 1, ayon sa BFAR, hindi ligtas kainin ang lahat ng uri ng shellfish at alamang mula sa Sorsogon Bay sa Sorsogon, Irong-Irong Bay sa Western Samar, Matarinao Bay sa Eastern Samar, Lianga Bay sa Surigao del Sur, Balite Bay, Mati City sa Davao Oriental, Dumanquillas Bay sa Zamboanga del Sur, Murcielgaos Bay sa Zamboanga del Norte, Murcielagos Bay sa Misamis Occidental, Coastal waters ng Dauis at Tagbilaran City sa Bohol at Coastal waters ng Milagros sa Masbate.

Paglilinaw naman ng BFAR, “Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.”