P29.5M marijuana, nasabat sa Manila port

ni Eli San Miguel - Trainee @News | April 25, 2024

Inihayag ng Bureau of Customs (BOC) nitong Huwebes na nasabat isang shipment na “misdeclared” na naglalaman ng halagang P29.5 milyon ng tuyong marijuana o kush sa Manila International Container Port (MICP).

Sa isang pahayag, sinabi ng BOC na idineklara ang shipment ng mga balikbayan box na dumating mula sa Thailand noong Abril 12, na naglalaman lamang ng mga household items, sapatos, at mga parte ng motor.

Isinagawa ang pagsusuri ng shipment matapos na makatanggap ang mga otoridad ng "derogatory information" na naglalaman ito ng ilegal na droga.

Maaaring humarap sa mga kaso para sa paglabag sa Customs Modernization and Tariff Act at sa Comprehensive Dangerous Drugs Act of 2002, ang mga consignee, sender, at recipient ng mga balikbayan box.

P95M puslit na sibuyas, bawang nasabat

ni BRT | February 19, 2023

Nasabat ng mga tauhan ng pulisya, coast guard at Bureau of Customs ang nasa 250 tonelada ng mga sibuyas, bawang at monggo beans sa isang cold storage facility sa

Malabon, kamakalawa ng gabi.

Ayon sa isang opisyal, hinihinalang ilegal ang pagpasok sa mga nasabing produktong nagkakahalaga ng P95 milyon.

Hinihingi ng mga awtoridad ang proof of payment sa duties at taxes para sa mga produkto.

Bibigyan anila ng Customs ng 15 araw ang may-ari ng storage facility para makapagpaliwanag.

P600 M puslit na pekeng goods, nakumpiska ng BOC

ni Lolet Abania | April 8, 2022

Nakakumpiska ang Bureau of Customs (BOC) ng mahigit sa limandaang-milyong pisong halaga ng mga pekeng produkto sa Cavite.

Sa isang statement ng BOC ngayong Biyernes, sinabi nitong nasabat ang mga puslit na illegal goods na may estimated value na P600,000,000 sa Kawit, Cavite noong Marso 28, 2022 sa pamamagitan ng kanilang Customs Intelligence and Investigation Service-Intellectual Property Rights Division (CIIS-IPRD).

Ayon sa BOC, ang kanilang implementing team na binubuo ng mga tauhan mula sa CIIS-IPRD, BOC-Port of Manila (POM), BOC Revenue Collection and Monitoring Group (RCMG) – Legal Service, at ng Armed Forces of the Philippines (AFP), ay nagsagawa ng inspeksyon sa isang warehouse na matatagpuan sa Toclong-San Sebastian Road, Kawit, Cavite.

Ang naturang inspection ay alinsunod sa isang Letter of Authority (LOA) na inisyu ng BOC Commissioner Rey Leonardo Guerrero.

“Prior sealing the subject warehouse, BOC examiners, in the presence of CIIS and the AFP operatives, conducted an inventory of the goods comprising of motorcycle accessories, footwears and apparels bearing the brands of Nike, Adidas, and Gucci, among others,” saad ng BOC.

Sa ilalim ng Republic Act No. 10863 o ang Customs Modernization and Tariff Act (CMTA) ay nakasaad, “infringing goods are prohibited articles and should immediately be seized or confiscated.”

Patuloy pa ang imbestigasyon sa posible namang paglabag sa Intellectual Property Code of the Philippines (RA 8293) at ang CMTA, ayon pa sa BOC.