P1.4-B vapes, natuklasan sa bodega sa Valenzuela

ni Eli San Miguel - Trainee @News | October 28, 2023

Umaabot sa halagang P1.43 bilyon na e-cigarettes o vapes na pinaniniwalaang ilegal ang natuklasan sa isang bodega sa Valenzuela City, ngayong araw, Oktubre 28.

Ayon sa Bureau of Customs (BOC), 14,000 kahon na naglalaman ng mahigit 1.4 milyong piraso ng 10ml disposable e-cigarettes na may markang "FLAVA" ang nakita sa lugar.

Ayon kay Customs Commissioner Bienvenido Y. Rubio, nagkakahalaga ng P500 bawat piraso ang e-cigarette, na nagiging P700 milyon ang kabuuang halaga, habang umaabot sa P728 milyon ang buwis nito, batay sa P52 na halaga ng buwis bawat isang ml ng e-cigarette.

"These kinds of activities do not only adversely impact our local tobacco industry, but it also takes away from the government a sizeable chunk of money that we can use for our infrastructure programs, social services,” dagdag ng BOC chief.

Inatasan ni Rubio ang inspeksyon sa pamamagitan ng isang "letter of authority" batay sa impormasyon na natanggap ng Customs' intelligence unit

“We received information last October 24, 2023 that a warehouse in Valenzuela City is being utilized as storage of voluminous illegally imported e-cigarettes or vape products without proper payment of correct duties and taxes,” ani Verne Enciso, BOC’s intelligence unit director.

Sinabi ni Deputy Commissioner Juvymax Uy ng BOC na bibigyan ng panahon ang mga may-ari at kinatawan ng warehouse para magpakita ng angkop na mga dokumento at patunay ng mga buwis na kanilang binayaran.

Executive clemency para sa mga edad 70 na inmates – BuCor

ni Lolet Abania | November 27, 2022

Pinag-aaralan na ng Bureau of Corrections (BuCor) ang posibilidad na i-grant sa mga matatandang persons deprived of liberty (PDLs) na edad 70 at pataas ang isang executive clemency bilang bahagi ng programa na i-decongest o mabawasan ang sikip ng kanilang mga kulungan.

Sa isang radio interview ngayong Linggo, sinabi ni BuCor officer-in-charge General Gregorio Catapang Jr. na ang katulad na programa ay pinayagan na rin noon sa panahon ng termino ni dating Pangulong Gloria Macapagal-Arroyo.

“Under the law daw, panahon ni President GMA, may batas siya o executive order na inisyu na lahat ng 70 years old up ay [bigyan] na ng parole o palayain na kahit papa’no kasi sabi nila, 70 years old, hindi na makakaisip ‘yan gumawa ng krimen,” pahayag ni Catapang.

“‘Yan, pinag-aaralan din namin para ma-decongest din ang BuCor,” dagdag niya. Una nang sinabi ni Department of Justice (DOJ) spokesperson Mico Clavano, na prayoridad ni Department of Justice (DOJ) Secretary Jesus Crispin “Boying” Remulla ang pagsasagawa ng decongestion ng mga kulungan sa ilalim ng BuCor, kung saan lumabas na ang New Bilibid Prison (NBP) ay mayroong congestion rate ng 300%.

Ayon pa kay Clavano, pinag-iisipan na ni Remulla na i-tranfer ang maximum security ng NBP sa Sablayan Prison sa Occidental Mindoro habang ang minimum security ay sa Fort Magsaysay sa Nueva Ecija.

Sinabi naman ni Catapang na mahigit sa 1,500 elderly PDLs ay maaaring ilipat na sa facility sa Fort Magsaysay. “Mayroon tayong rehab sa Fort Magsaysay na hindi naman nadalhan ng mga ano… May dalawang bay daw doon, siguro saan kasya na mga 1,000 to 1,500 bawat bay.

Ang utos ni Secretary Remulla naman diyan, dalhin doon ang matatanda na... ‘Yung naghihintay na lang ng laya,” sabi ni Catapang. Base sa resolution ng Board of Pardons and Parole (BPP), “PDLs who are eligible for parole or executive clemency are those who are 65 years old and above; those who have served at least five years of their sentence; or those whose continued imprisonment is inimical to their health, as recommended by a physician of the BuCor Hospital and certified by the Department of Health or designated by the Malacañang Clinic Director.”

Gayunman, ayon pa rito, ang mga PDLs na convicted naman sa heinous crimes o illegal drugs-related offenses, o iba pa na iklinasipika ng BuCor bilang “high-risk,” ay hindi dapat maging eligible para sa executive clemency.

Murder convict na dating congressman na si Ruben Ecleo Jr., pumanaw na

ni Ronalyn Seminiano Reonico | May 13, 2021

Pumanaw na ngayong Huwebes ang high-profile inmate na si Ruben Ecleo, Jr. na nakulong sa kasong murder at graft charges.

Ayon kay Bureau of Corrections (BuCor) Spokesperson Gabriel Chaclag, alas-12:20 nang tanghali nang pumanaw si Ecleo sa New Bilibid Prison Hospital dahil sa cardiopulmonary disease.

Pahayag pa ni Chaclag, “[His] other medical conditions include obstructive jaundice, chronic kidney disease secondary to obstructive uropathy.”

Si Ecleo ay dating congressman ng Dinagat at isa ring cult leader na sinentensiyahan ng life imprisonment dahil sa pagpatay sa kanyang asawa noong 2002.

Napatunayan ding guilty si Ecleo sa 3 graft charges kung saan 31 years imprisonment ang ipinataw sa kanya.