36 volcanic quakes, naitala sa Bulkang Taal – Phivolcs

ni Lolet Abania | April 2, 2022

Nakapagtala ng 36 volcanic earthquakes o mga pagyanig ang Bulkang Taal sa Batangas sa nakalipas na 24-oras, ayon sa Philippine Institute of Volcanology and Seismology (Phivolcs) ngayong Sabado.

Sa kanilang bulletin na inisyu ng umaga ng Sabado, sinabi ng Phivolcs na may upwelling o namumuo ring mainit na volcanic fluids sa main crater lake, kung saan nagdulot ito ng mga plumes na tumaas ng nasa 900 metro bago ito nag-drift o dumaloy pa-timog-kanluran.

Ayon sa Phivolcs, nagbuga rin ang bulkan ng average na 2,451 tonnes nito lamang Biyernes.

Nananatili namang nasa Alert Level 3 (magmatic unrest) ang naturang lugar.

“This means that there is a magmatic intrusion at the Main Crater that may further drive succeeding eruptions,” paliwanag ng PHIVOLCS.

Giit ng ahensiya, dapat ding lumikas sa Taal Volcano Island – isang permanent danger zone -- at mga Barangays Bilibinwang at Banyaga sa Agoncillo, at Boso-boso, Gulod at eastern Bugaan East sa Laurel sa Batangas, na anila, “due to the possible hazards of pyroclastic density currents and volcanic tsunami should stronger eruptions subsequently occur.”

“All activities on Taal Lake should not be allowed at this time,” pahayag pa ng PHIVOLCS.

Pinapayuhan din ang mga lakeshore communities o mga residenteng malapit sa baybayin ng lawa na maging mapagmatyag, at magsagawa ng nararapat na pag-iingat laban sa posibleng airborne ash at vog, at maghanda rin para sa paglikas sakaling ang bulkan ay magpakita ng mga senyales ng tinatawag na intensified unrest.

Nagbabala rin ang PHIVOLCS na ang pagpapalipad ng mga aircraft sa paligid ng Taal Volcano Island ay delikado.

Bulkang Taal walang volcanic quake sa nakalipas na 24 oras — Phivolcs

ni Jasmin Joy Evangelista | March 28, 2022

Walang naitalang pag-aalburuto sa Bulkang Taal sa nakalipas ng 24 oras, ayon sa Philippine Institute of Volcanology and Seismology (Phivolcs) ngayong Lunes.

“In the past 24-hour period, the Taal Volcano Network or TVN did not detect any volcanic earthquake. Activity at the main crater was dominated by upwelling of hot volcanic fluids in its lake which generated plumes 1,000 meters tall that drifted southwest,” ayon sa ahensiya sa inilabas nitong 8 a.m. bulletin.

Naglabas ang bulkan ng average na 1,140 tons ng sulfur dioxide noong March 27, ayon sa Phivolcs.

Nananatiling nakataas sa Alert Level 3 ang bulkan kung saan ibig sabihin nito ay mayroong “magmatic intrusion at the main crater that may further drive succeeding eruptions.”

Inirekomenda ng Phivolcs ang paglikas ng mga residente sa Taal Volcano Island at sa mga barangay ng Bilibinwang at Banyaga sa Agoncillo at Boso-boso, Gulod at eastern Bugaan East sa Laurel.

Ito ay dahil sa “possible hazards of pyroclastic density currents and volcanic tsunami should stronger eruptions subsequently occur.”

Patuloy namang pinaaalala ng Phivolcs na ang Taal Volcano Island ay isang permanent danger zone at lahat ng aktibidad sa Taal Lake ay ipinagbabawal.

Turismo sa Tagaytay nananatiling malakas sa gitna ng sitwasyon sa Bulkang Taal

ni Jasmin Joy Evangelista | March 28, 2022

Nananatiling malakas ang turismo sa Tagaytay City sa kabila ng mga naitalang phreatomagmatic bursts sa Taal Volcano noong Sabado, ayon sa lokal na opisyal.

“Okay naman sa Tagaytay at hindi naman nabawasan ang mga turista natin dahil sa naganap sa Bulkang Taal, sa pagputok nito. Pareho pa rin po, nananatiling malakas ang turismo ng Tagaytay kahapon at ngayon,” ani Tagaytay City Public Information Officer Angie Batongbacal sa interview ng Super Radyo dzBB interview nitong Linggo.

Itinaas ng Philippine Institute of Volcanology and Seismology (PHIVOLCS) noong Sabado ang alert status ng bulkan mula Level 2 (increasing unrest) patungong Level 3 (magmatic unrest) matapos mag-generate ng “short-lived phreatomagmatic burst” ng main crater nito.

Ito ay sinundan ng “nearly continuous phreatomagmatic activity that generated plumes 1500 m accompanied by volcanic earthquake and infrasound signals," dagdag pa ng PHIVOLCS.

Ayon sa website ng ahensiya, ang Alert Level 3 ay "magma is near or at the surface, and activity could lead to hazardous eruption in weeks. Danger zones may be expanded up to eight kilometers from the active crater.”

Nang tanungin kung kokontrolin ng Tagaytay City local government unit (LGU) ang pagbisita ng mga turista dahil sa sitwasyon ng bulkan, sinabi ni Batongbacal, “Sa ngayon po kasi ay nasa alerto lamang kami at nagmo-monitor kami ng mga mangyayari. Subalit, bukas po ang ating mga establisyemento dahil tumigil naman na ang activity ng Taal Volcano this morning.”

Nitong Linggo ay nakapagtala ng dalawang minor eruptions ang Bulkang Taal.

Ayon pa kay Batongbacal, nananatiling naka-standby ang government agencies at local authorities sa sitwasyon ng bulkan.

“Dahil nga sa nangyari noong 2020, nakaantabay na po ang mga ahensya, ang PNP [Philippine National Police] natin, ang ating disaster control at management, of course ang LGU, nakaantabay lang kami kung anuman ang mangyari sa Batangas,” dagdag niya.

Ayon sa local officials, mahigit 900 pamilya na ang inilikas mula sa mga barangay sa bayan ng Agoncillo at Laurel sa Batangas matapos ang pag-aalburuto ng bulkan.