Vice, kaya nagsalita na… IT'S SHOWTIME, HANGGANG DECEMBER NA LANG DAW SA GMA-7

ni Beth Gelena @Bulgary | Oct. 14, 2024

Photo: It's Showtime sa GMA - Vice Ganda / IG

Nagsalita na si Vice Ganda hinggil sa demolition job sa It's Showtime.

Ani ng IS host, “Kaming lahat, sa dami ng pinagdaanan namin, I believe that our team is strong enough to be able to battle all these negativities, all these challenges and threats together.”

Aniya, may gusto umanong sumabotahe sa kanilang noontime show.

Kung anu-ano raw intriga ang nagsisilabasan tungkol sa kanilang programa at sa mga hosts simula nang mag-prepare sila ng kanilang inihahandang performance para sa Magpasikat na taun-taon nilang ginagawa. 

Tutungtong na kasi ang programa sa kanilang ika-15 anibersaryo.

Ang mga hosts ng IS ay sina Vice Ganda, Vhong Navarro, Jhong Hilario, Karylle, Ogie Alcasid, Ion Perez, Kim Chiu, Ryan Bang, Jugs & Teddy, Cianne Dominguez, Lassy Marquez, Jackie Gonzaga, Darren Espanto at Anne Curtis.

May lumalabas na hanggang December 2024 na lang daw mapapanood sa GMA-7 ang programa matapos nitong umere sa Kapuso Network noong April 6.

May intriga ring lumabas tungkol kina Vice at Ion dahil sa umano'y nabuntis ni Ion ang co-host nilang si Jackie, na pinabulaanan na ng dancer/host. 

Dahil sa hindi matapus-tapos na isyu sa kanilang programa, nagsalita na si Vice.

Wika niya, “Well, there really was or there really is a demolition job against It’s Showtime.

“Pero ‘di naman natin sasabihin kung kanino nanggagaling ‘yun. ‘Yung ginagawa sa social media, demolition job ‘yun, ‘di ba?

“‘Yung mga trolls, demolition job ‘yun, eh. Meron silang masamang intensiyon at balak kaya demolition job ‘yun.

“Maaaring kami ay may kakayahan o nasa isang posisyon na gustong maranasan at makuha rin ng iba. At para makuha nila ‘yun, kailangan nilang subukan ‘yung ganoong ruta. Kailangan nating gumawa ng ganoong paraan baka sakaling mabasag at makuha natin kung ano’ng meron sa kanila.”

Patuloy pa niya, “We just have to deal with it and we just have to keep on going.

“Ang maganda kasi, we are surrounded by great people, wonderful management, alam na alam nila kung paano kami tutulungan, i-guide, at itatayo.

“Kaming lahat, sa dami ng pinagdaanan namin, I believe that our team is strong enough to be able to battle all these negativities, all these challenges and threats together.

“It will be hard kung ‘di kami magkakasama, kaya ‘yun ang lagi naming ipinananatili at itinatawid.”

Komento ng mga netizens:

“Pansin ko nga rin, biglang labas ng mga fake issues ahead of their anniversary.”

“Hindi naman yata totoo na nabuntis si Jackie ni Ion.”

“Ano bang issue, bakit may paganyan na eme? ‘Yung kay Vhong ba ‘yan. Ang OA, ha?”

“Obvious naman na meron, sunud-sunod mga issues. Hiwalayan, third party, nabuntis kahit napakaliit na mali, pinapalaki ng mga trolls. Tutok talaga sila sa show.”

“‘Pag nasa taas ka talaga, maraming inggit! God bless you more, It’s Showtime”

---

Sa latest interview kay Sugar Mercado, nakumusta ang relasyon nila ng TV host na si Willie Revillame na matagal nang nali-link sa kanya.

Kamakailan lang ay may lumabas na isyu na matagal na raw may relasyon ang dalawa, seven years na. 

Ayon sa dating co-host ni Kuya Wil, “Hindi ko nga alam kung saan nanggaling ‘yun, eh. Saka basta okey kami, ‘wag nang palakihin. Okay kami ni Kuya Wil.” 

Grateful daw siya dahil isa siya sa maraming natutulungan ng TV host. Mahal daw niya ang mga taong tumutulong sa kanya. At si Kuya Wil daw ang isa sa mga tumulong sa kanya when she was struggling.

Well, ngayong tatakbong senador si Kuya Wil, tutulungan ba niya sa pangangampanya ang TV host?

Safe ang kanyang sagot, she will be where she can earn money, and she’s just being practical as a single mother.

Ang mensahe niya sa TV host, “Nasaksihan naman natin lahat. ‘Di lang ako ang natulungan niya, guys, maraming mahihirap. At saksing-buhay din ako sa mga natulungan n’ya. 

“Hindi lang po ako, uulitin ko. Saksing-buhay tayong lahat na tumutulong talaga s’ya sa mahirap. Kung ako ang tatanungin, iboboto ko s’ya.”

Madir, mas gusto raw si Echo kesa kay Paulo para kay Janine…. RUFFA, IPINABA-BLOCK ANG NAGKALAT NG FAKE NEWS KAY ANNABELLE

ni Beth Gelena @Bulgary | Oct. 13, 2024

Photo: Annabelle at Ruffa Gutierrez - IG

Umalma si Ruffa Gutierrez dahil fake news umano ang kumalat na sinabi ni Annabelle Rama tungkol kay Paulo Avelino.

Sey raw ni Annabelle, hindi niya gusto si Paulo para kay Janine Gutierrez. Mas gusto raw niya si Jericho Rosales para sa aktres.

Ayon kay Ruffa, walang ganu'ng sinasabi ang kanyang ina.

Ini-screenshot pa ng former beauty queen ang account na nagpapakalat ng fake news.

Umaapela si Ruffa na i-report at i-block ang account na nagpapakalat nito hinggil sa kanyang ina.

Aniya, “FAKE NEWS ALERT!!! BLOCK & REPORT THIS ACCOUNT! I just asked my mom about this HEADLINE and she said, ‘Pakialam ko sa kanila! Busy ako, ‘Day!’ Korek!”

---

TINAWAG ni Gregg Homan ang misis na si Angelica Panganiban na “bionic.” 

Sa Instagram (IG) ni Gregg, aniya, “Flex ko lang, ‘bionic’ na asawa ko.”

Ang medical term na “bionic” ay nangangahulugang may parte sa katawan na  artificial. 

Matatandaang si Angelica ay sumailalim sa hip core decompression surgery last July. 

Successful naman ang surgery operation ni Angge kaya pinasalamatan ni Gregg ang mga netizens at kanilang mga kaibigan na nagdasal para sa kaligtasan ng asawa.

“Thank you for all the prayers, friends,” ani Gregg.

After nga ng operation ni Angge last July, sinabi niyang bit conscious siya nu’ng una about having the surgery, pero dahil sa tapang niyang labanan ang sakit ay napagtagumpayan niya ang operasyon.

“Hi guys! It’s been a week since we had our surgery journey! We feel a bit anxious about it, but yeah, through prayers from our families and friends nalagpasan namin!” 

Nagpapasalamat din siya sa mister niyang si Gregg dahil inalagaan siya nito nang husto.

“I’d also like to acknowledge my very good husband na grabe ang pag-aalaga! Thanks, Hon. Alam mo na ‘yun. First time na pareho kaming wala ni Gregg, we missed our Baby Amila.” 

Sa ngayon, happy na ang aktres dahil wala na siyang inaalala sa nararamdaman niyang sakit noon.

Ayon kay Angge, ang nagpapalakas daw ng kanyang loob para malagpasan ang mga pagsubok na dumating sa kanyang buhay ay ang anak nilang si Amila at ang kanyang mister na si Gregg Homan.

---

ISANG “kalokalike” ni Denise Laurel ang naging contestant sa It’s Showtime (IS) kamakailan.

Nagkamali yata ng pag-mention si Vice Ganda ng “Deniece.” 

That time ay isa sa mga hurado si Denise kaya naaliw siya at na-amuse dahil ang laki ng resemblance nila ng kanyang kalokalike.

Natawa ang aktres nang ipakilala ni Vice ang kanyang kamukha kay Vhong Navarro at tinanong ito ng “How well do you know Deniece Cornejo?”

Medyo nagulat si Vhong, pero in-approach naman siya ng real Denise Laurel sabay hug sa kanya.

Ani Vice, “Naglamigan!”

Ang joke ni Vice ay referring sa legal battle ni Vhong kay Cornejo over what happened in a condo many years ago. 

Nalinis na ni Vhong Navarro ang kanyang pangalan, kung saan na-acquit siya sa kasong isinampa ni Deniece Cornejo sa kanya.

Anak ni Gretchen, ibang-iba na raw ang hitsura… SIGAW NG NETIZENS: DOMINIQUE, GUMANDA LANG DAHIL SA PERA

ni Beth Gelena @Bulgary | Oct. 12, 2024

Photo: Dominique Cojuangco Hearn - IG dominique

Ifinlex ni Dominique Cojuangco ang kanyang video sa Instagram (IG). Walang make-up ang mukha ng anak ni Gretchen Barretto but she looked so stunning.

Maging ang mga netizens ay na-amaze sa looks ng anak nina Gretchen at Tony Boy Cojuangco, dahil hindi maipagkakailang anak nga siya ni La Greta at very proud siyang sabihin na she’s Gretchen’s daughter.

Sabi nga ng mga netizens, ang beauty ni Dominique ay nagmula sa mga Barretto.

Sa video ay proud din niyang isinuot ang t-shirt na may mukha ng ina.

Komento ng netizens: 

“Kayumanggi version ng mommy n’ya, ganda talaga n’ya.”

“So pretty just like your mama.” 

“Stunning execution of gorgeousness courtesy of Gretchen & Mr. Tony Boy Cojuangco.”

“I thought si Julia M sa thumbnail."

“Yes, may hawig sila.”

“She said she hates it when ppl (people) say that.”

Pero may mga nega comments din sa beauty ni Dom.

“Ito 'yung ugly duckling turned swan. Ganda n’ya.”

“Best beauty secret: money.”

“There’s no such thing as ugly people. They’re just poor.”

“Enhanced na rin ang ganda n’ya, ‘di ‘yan ganyan nu’ng bata, especially lips and jaw/face shape. Hanapin n’yo mga pics n’ya nu’ng bata pa s’ya. Pareho sila ng pinsan n’ya na si Dani, prominent gums and teeth, kaya nagpaganyan s’ya ng lips and malamang nagpaayos na rin ng gums.”

“‘Pag may pera…”

“Ang laki ng ginanda n’ya ngayon.”

Ayon naman sa isang commenter, “I wonder if nakasulat sa t-shirt ‘yung title ni Greta na ST Queen, that was her title back then.”

---

NIREGALUHAN ni Angel Locsin ng aso si Vice Ganda.

Sa kanyang bagong vlog, naibahagi ni Meme Vice ang natanggap na regalo mula sa kaibigang si Angel Locsin, pati na rin sa asawa nitong si Neil Arce.

Ayon sa It’s Showtime (IS) host, nalaman daw ni Angel na labis siyang nalungkot sa pagpanaw ng aso niyang si Chip In.

Binigyan siya ng mag-asawa ng bagong pet, isang giant poodle na anak din ng alagang aso nina Angel. 

Nang malaman ito ng mga netizens, marami ang lalong naka-miss sa mahusay na aktres. Matagal na rin kasing hindi nagpaparamdam maging sa socmed (social media) ang misis ni Neil.

Ayon kay Vice, labis niyang ikinalungkot ang pagkawala ni Chip In, kaya’t nagbigay ng bagong pag-asa sa kanya ang regalo ng mag-asawa. 

Samantala, maraming mga fans na ang nag-e-expect na magpapakita na ang aktres sa showbiz. Feeling daw nila ay unti-unti nang nagpaparamdam si Angel na sinimulan niya kay Meme Vice. 

---

TULAD ng amang si Vic Sotto ay malawak din ang sense of humor ng anak niyang si Pasig Mayor Vico Sotto sa aktres na si Coney Reyes.

Kamakailan ay nag-file ng Certificate of Candidacy (COC) si Pasig Mayor Vico. Kasama niya ang mga magulang na very supportive sa kanyang political career. 

Kung tutuusin ay puwedeng-puwedeng mag-artista ang butihing alkalde tulad ng kanyang mga magulang, pero mas pinili niya ang pulitika.

Habang iniinterbyu ang alkalde after niyang mag-file ng COC para sa last term niya bilang mayor ay may sumigaw ng: “I love you, Mayor!”

Maingay man ang kapaligiran ay narinig pa rin ni Vico ang sigaw ng netizen. Kahit busy ang alkalde sa pagsagot sa mga tanong ay naisingit din niyang sagutin ito.

Aniya, “I love you too pero quiet muna, ha!”

Nagtawanan ang mga taong nakapaligid kay Vico at maging ang mga nakapanood ng viral video.

Komento ng mga netizens, handsome raw kasi at charming si Vico katulad ng kanyang ama na si Vic.

Ang lakas daw ng charming personality, style, at charisma niya tulad ng ama kaya maraming nabibighaning kababaihan.

Sabagay, may kasabihang: "Like father, like son."