Sey mo, Liza? JANINE, MALA-HOLLYWOOD STAR HABANG RUMARAMPA SA TOKYO INTERNATIONAL FILMFEST

ni Beth Gelena @Bulgary | Nov. 1, 2024

Photo: Janine Gutierrez rumampa sa International Tokyo Filmfest - IG

Personal na dinaluhan ni Janine Gutierrez ang Tokyo International Film Festival (TIFF) kung saan kasama ang movie niyang Phantosmia na idinirehe ni Lav Diaz.

Naglakad sa red carpet ang aktres habang ipinapakilala siya sa wikang Hapon.

Sa kanyang Instagram (IG) page ay makikitang naglalakad siya sa red carpet ng TIFF at naglagay ng caption na: “Another ‘pinch me’ red carpet moment. Thank you for the warm welcome for @phantosmiafilm Tokyo IFF. We hope you can catch our screenings on Nov. 2 and Nov. 5.”

Gandang-ganda ang mga netizens sa look ng anak nina Lotlot de Leon at Monching Gutierrez.

Anila, “Hay, ano ba, Janine, napakaganda mo, sobraaaa. Hollywood star lang naman ang dating mo.”

Ano’ng say mo, Liza Soberano?

“Classy na classy ang ganda ni Janine, sobra!”

“You’re so pretty like your Mamita."

“You can be a superstar like your Lola Nora.”

O, ‘di ba? May pinagmanahan both on her lolas.

---

Pinabulaanan ni Ana Jalandoni na nagkabalikan na sila ni Kit Thompson. 

May nag-viral kasing post sa socmed kung saan tila kinukumpirma na sila ay muling in good terms sa isa’t isa.

Agad namang inalam ni Ogie Diaz kay Ana kung totoo nga ba ang mga kumakalat na posts.

“Kaya tinanong ko si Ana Jalandoni sa IG, tinanong ko nga kung nagkabalikan na ba sila. Fake news daw ‘yun. Wala raw siyang ganu’ng sinasabi, wala raw s’yang ganu’ng quote. Tapos, gawa-gawa lang daw ‘yun ng mga tao. Kung hindi manira, gumawa ng kuwento, o may mapag-usapan,” ang sabi raw ng aktres. 

Natanong din ni Ogie kung magkaibigan pa rin ba sila ng dating kasintahan.

“‘Di na kami nag-uusap,” ang tanging nasabi nito. 

---

NAKAKAALIW ang sagot ni Heart Evangelista sa tanong ng netizen sa kanyang ipinost na Labubu doll.

On her Instagram (IG), may uploaded video siya na binubuksan ang naka-box na Labubu.

Tanong ng isang netizen sa comment section, “Ano’ng gagawin mo, Heart, pagtingin mo sa gabi, biglang gagalaw ang mata?”

Ang bilis ng reply ng misis ni SP Chiz Escudero, “Tatapon ko kung may ganu’n na ganap.”

Nakakatakot nga kung sakaling gumalaw ito, lalo na’t malalaki ang mata at matutulis ang ngipin ng Labubu dolls.

JAKE, KINUKULIT SA REAL SCORE NG KIMPAU

ni Beth Gelena @Bulgary | Oct. 31, 2024

Photo: Jake Cuenca, Paulo Avelino at Kim Chiu - Instagram

Ang daming nangungulit kay Jake Cuenca kung ano na raw ba ang real score between Paulo Avelino at Kim Chiu.

Nang mainterbyu ang aktor sa isang panayam ay muli siyang natanong hinggil sa rumored celebrity couple.

Ayon kay Jake, mula raw nang matapos na ang kanilang Pinoy adaptation teleserye na What’s Wrong with Secretary Kim (WWWSK) ay hindi na sila gaanong nagkikita.

Magkaibigan sina Paulo at Jake. Pero ang masasabi lang daw niya ay Pau and Kim were very good to one another.

Aniya pa, hindi siya makakapagsabi ng iba pang detalye dahil baka magalit sa kanya ang kaibigang si Pau.

Paglalahad niya, “I can only say that on the set, they were very good to one another, parang nakikita ko ang impluwensiya n’ya kay Paulo.”

Kinulit siya ng tanong kung ano'ng klaseng “influence” ang sinasabi niya.

“I can’t go into details,” aniya.

Wika pa ng aktor, “Kim always manages to bring that radiance on the set and no matter what she’s going through, she always manages to lift everyone, and that she gets to do the same for Paulo.”

Sabagay, obvious naman na very close na ang dalawa. Though, ayaw pa nilang umamin sa real score ay marami na rin ang nagtatanong na co-hosts ni Kim sa It’s Showtime (IS) like Ogie Alcasid.

Even ang beshie ni Kim na si Darren Espanto ay kinukuyog ng tanong hinggil sa KimPau. 

Sey nga ng singer, wala siyang alam tungkol sa dalawa, “Ayaw kong magsalita, ayaw kong mangialam. Bahala si Beshie d’yan.”

Eh, si Kim, bubungisngis lang at sasabihin kay Darren, “Love you Beshie!”

Sabagay, one time naman ay nabanggit ni Chinita Princess na may aaminin sila ni Pau kapag pinalabas na ang movie nilang My Love Will Make You Disappear (MLWMYD).

At 'yan ang hinihintay ng KimPau sa dalawa.

---

KC, NAGREAK SA VIDEO NG PASASALAMAT NI SHARON AT GABBY SA PMPC

NAG-REACT si KC Concepcion sa video nina Sharon Cuneta at Gabby Concepcion matapos manalo ng Best Concert 2024 award sa 16th Star Awards for Music na ginanap last Sunday night.

Nagpasalamat ang ex-couple matapos kilalanin ang kanilang Dear Heart (DH) concert bilang Best Concert of the Year.

Nag-post si KC sa Instagram (IG) ng ina para batiin ang mga magulang sa karangalang natanggap.

Kasalukuyang nasa North America sina Gabo at Shawie para sa kanilang DH US-Canada concert tour.

Nagbigay ng bagong sigla ang muling pagtatambal ng ShaGab para sa kanilang mga loyal na tagahanga.

Sa IG, nag-post si Megastar ng video kung saan makikita sila ni Gabo na nagpapahayag ng pasasalamat para sa kanilang natanggap na parangal. 

Sa kanyang caption, isinulat ng singer-actress, “Thank you PMPC for awarding Dear Heart the Best Concert for 2024. 

“Sorry, guys. This award is very timely as we are currently on our North America tour. This is for you all, our ShaGab fans!”

Sabi naman ni KC, “Woohoo!!! Congratulations, team DEAR HEART.” 

Maraming netizens ang natuwa sa komento ni KC at nagpahayag ng kanilang paghanga sa tambalang ShaGab. Sana raw ay kasama na si KC sa next show ng mga ito.

Kung si Echo, may Janine… JODI-ALBERT, BENTANG-BENTA SA FANS

ni Beth Gelena @Bulgary | Oct. 30, 2024

Photo: Jodi Sta. Maria at Albert Martinez - Lavender Fields

Nagbigay ng panalangin si Jodi Sta. Maria para sa mga naapektuhan ng Bagyong Kristine.

Ang dasal ni Jodi, “Lord we pray for all those affected by Typhoon Kristine. May they find hope, healing, and strength in the days ahead. Surround them with love and support as they rebuild their lives, Amen.”

Si Jodi ay isa sa mga bida sa Lavender Fields (LF) kasama sina Janine Gutierrez at Jericho Rosales.

Pinagpipiyestahan ngayon ng mga avid viewers ang karakter niya bilang si Jasmin Flores dahil sa pagtulong sa kanya ni Agent Zandro Fernandez played by Albert Martinez.

Ang daming nagsasabing may chemistry sina Jodi at Albert kung saan may fandom na ang dalawang Kapamilya artists, ang JodiBert.

Nagsanib-puwersa ang mga fans nina Jodi at Albert na buoin ang kanilang tandem.

Katulad ng Jericho Rosales-Janine Gutierrez, kinikilig sila kapag magkasama ang dalawang ito, lalo na ang mga fans ni Albert na mga OGs.

Bagay daw ang kanilang idol kay Jodi dahil napakaguwapo pa rin nito. Sa titig pa lang daw ni Albert, kahit sino'ng babae ay mai-in love sa kanya. 

Sabagay, may katotohanan ang obserbasyon ng mga faney. Pinapanood din kasi ng inyong lingkod ang LF at masasabi naming malakas maka-attract ang titig ni Albert sa isang babae. Ang dami ngang nag-aabang kung sina Jasmin at Agent Fernandez ang magkakatuluyan.

---

SB19, HUMAKOT NG TROPHIES SA 16TH STAR AWARDS FOR MUSIC

SB19 - Instagram

Humakot ng major awards ang SB19 sa 16th Star Awards for Music nitong nakaraang October 27 na ginanap sa RCBC Plaza, Makati.

Ang kanilang mga awards ay Song of the Year (Gento), Album of the Year (Pagtatag), Duo/Group Performer of the Year at Dance Recording of the Year (Gento).

Hindi personal na natanggap ng grupo ang kanilang tropeo dahil may nauna na silang commitment.

But beforehand naman ay nagpasabi na silang hindi makakadalo dahil may concert din sila sa Araneta nu'ng gabing ‘yun.

Gayunpaman, buong pusong nagpapasalamat ang Pinoy Pop male group sa PMPC sa pagpapahalaga sa kanilang mga awitin.

Sa totoo lang, ang daming fans ng SB19 na pumunta nu'ng gabing ‘yun na karamihan ay mga GenZ.

May nakausap kaming parents ng isang 17 years old. Ani ng ina, sinamahan daw niya ang kanilang anak with her hubby dahil gusto nitong mapanood nang personal ang SB19.

Anyway, congratulations sa lahat ng mga winners sa 16th Star Awards for Music. 

Mapapanood ang kabuuan ng awards night sa November 9, Saturday, 10:15 PM sa A2Z, under Airtime Marketing at idinirek ng dating actor na si Eric Quizon.