Binilang daw talaga ng BFF… SIGAW NI ANGELICA: KIM AT PAULO, FRIENDS LANG DAW PERO GANU’N MAGHALIKAN

ni Beth Gelena @Bulgary | Mar. 28, 2025

Photo: Kim Chiu at Paulo - IG

Um-attend sina Angelica Panganiban at Bela Padilla sa premiere night ng pelikula ng kaibigan nilang si Kim Chiu na My Love Will Make You Disappear (MLWMYD) kapareha si Paulo Avelino. 

Ani Angge, “Congratulations, Kim. Parang si Kim lang talaga ‘yung gusto kong i-congratulate, panalung-panalo s’ya sa lahat ng ginawa niya kay Pau.”  

Dagdag naman ni Bela, “Grabe, Kim in her most daring role!”

Hanggang matapos ang movie ay binilang nina Angge at Bela kung ilang beses naghalikan ang KimPau.  

“84 million!” sey ni Angge.  

“I loved it, feel good. Tawang-tawa kami,” pakli naman ni Bela.  

Aniya pa, “Mula umpisa hanggang sa natapos, talagang ngumingiti ka lang. Of course, may mga moments na makikinig ka, pero most of the time, talagang mapapasigaw ka, matatawa ka nang malakas. Laugh out loud film siya.”  

Sabi rin ng mga beshies ni Kim, “Nakaka-proud bilang mga kaibigan dahil kitang-kita mo na tinrabaho talaga ni Kim 'yung buong pelikula at bagay na bagay talaga sila ni Pau. Dito ko na-confirm na bagay nga sila.”  

May nagtanong kina Angelica at Bela bilang close friend nila si Kim, “What do you think is the real score between Kim at Paulo?” 

Ang bilis ng sagot ni Angelica, “Friends daw sabi nila sa movie, pero ganu’n maghalikan!”  

Aside from other celebrities na sumuporta sa KimPau movie, present din ang mga ABS-CBN executives na sina ABS-CBN Chairman Mark Lopez, CEO and President Carlo Katigbak, COO Cory Vidanes, Star Magic head Laurenti Dyogi, ABS-CBN Films head Kriz Gazmen, Corporate Communications head Kane Choa, Star Music head Roxy Liquigan, and a lot more.

---

NAPAKOMENTO naman si Angelica Panganiban sa “midnight snack post” ni Kathryn Bernardo ng mga sexy bikini photos niya para sa kanyang birthday photoshoot.

Naka-black top and bottom with a sultry ‘wet hair’ look si Kathryn at talaga namang ang yummy ng dating ng ex ni Daniel Padilla sa kanyang suot. 

Ang caption ni Kathryn sa kanyang post, “Welcoming my 29th with a midnight snack,” kung saan may hawak siyang junk food.  

Maraming celebrities ang nagpadala ng birthday wishes kay Kathryn tulad nina Ina Raymundo, Cassy Legaspi, Heart Evangelista, Kyline Alcantara and Rabiya Mateo, pero nakaagaw-pansin sa mga netizens ang reaksiyon ni Angge sa posted photo ni Kath dahil sa funny comment nito.

Sey kasi ni Angelica, “‘Di ako ganyan nakain ng chicha... Hay, how to be you? Happy Birthday, Katreng!”

May nagtanong naman sa aktres, “Angge, kailan ka ba babalik sa showbiz? It’s been a long time na. Malaki na si Bean, miss ka na namin. Gawa ka na uli ng TV series o movie.” 

“Tuloy na ba ang AngBeKi movie n’yo nina Kim Chiu at Bela Padilla?”

Kahit mas angat ang career ng ex ni Daniel… KATHRYN AT JULIA, FRIENDS PA RIN

ni Beth Gelena @Bulgary | Mar. 27, 2025

Photo: Kathryn Bernardo at Julia Montes - IG

Magka-birthday month ang magkaibigang aktres na sina Julia Montes at Kathryn Bernardo. March 19 ang kaarawan ni Julia while March 26 naman si Kath.  

Sa Instagram (IG) ni Julia ay nag-upload siya ng photo nila ni Kath.  

Ang caption, “On your special day, I just want to remind you how much you mean to us. I’m so proud of you and grateful for all the unforgettable moments we’ve shared. 

“May this year bring you endless happiness, success, and all the love you deserve. Keep shining, keep thriving, and never stop being the incredible person you are!” “Love you, always!” ani Julia.  

Magmula nang nagkasama ang dalawang aktres sa hit series na Mara Clara (MC) noong 2010 ay naging mag-best friend ang dalawa until now.  

After MC, nagkahiwalay na ng landas ang dalawa. Nagkaroon sila ng kani-kanyang programa kung saan sila na ang lead star.  

Mas umangat ang career ni Kathryn Bernardo, pero hindi ito naging hadlang sa kanilang pagkakaibigan. Very supportive si Julia Montes sa career ng kaibigan at aniya, sila ang original love team.

---

Ifinlex ni Sharon Cuneta ang pag-uusap nila ng asawang si Kiko Pangilinan sa kanyang Instagram (IG) account.  

Sa conversation nilang dalawa ay naroroon ang kanilang paglalambingan habang siya ay nagke-crave ng Japanese cuisine.  

Ini-screenshot ni Sharon ang kanilang convo at saka ipinost sa kanilang family group chat.  

Ani Sharon, “Dada, tempura and sukiyaki. Please!”

“Your wish is my command,” sagot naman ni Kiko.  

Nag-react si Frankie, “Help us, God,” nang mabasa ang cute interaction at lambingan ng mga magulang sa chat.  

Ang caption ni Megastar sa kanyang screenshot convo, “From our family thread weeks ago, when I took a break from my diet and craved Japanese food! Kiko was on his way home and so was I so I asked if he could make pabili for me. Our babies always comment funny stuff when their dad and I message each other.”

Komento ng mga netizens, “Help! Super cute n’yo talaga.

“Your family is very sweet, Mami! Ang cute-cute n’yo pong lahat, tamang panggulo lang si Ate Kakie sa lambingan, Hehehe!”

---

MASASABING tunay na “working congressman” ang aktor-pulitiko na si Rep. Arjo Atayde ng 1st District ng Kyusi. Unang termino pa lang ni Arjo bilang mambabatas, pero ang dami na niyang na-achieve sa Unang Distrito na kanyang nasasakupan.  

Nagkaroon ng SODA (State of the District Address) si Cong. Arjo na ginanap sa Skydome, SM North nu’ng Lunes. “Aksyon Agad” ang slogan ng butihing kongresista.  

Proud niyang sabi, “Over 400,000 residents benefit from Aksyon Agad in QC’s first district.”  

Year 2022 nang unang manungkulan ang aktor bilang public servant. Idinetalye niya ang impact ng kanyang office initiatives sa employment, education, health, youth development, disaster response, and infrastructure. Ini-isa niya sa SODA ang kanyang mga na-accomplish.  

Lahad ni Cong. Atayde, “Sa bawat pisong inilalaan ng gobyerno para sa ating distrito, sinisigurado nating walang nasasayang—lahat ay napupunta sa programang direktang makakatulong sa inyo.”Sa pagsasara ng kanyang SODA, pinasalamatan ni Arjo ang misis na si Maine Mendoza, pati ang buong pamilya niya sa suportang ibinibigay ng mga ito sa kanya.  

Aniya, “Wala po ako rito kung hindi dahil sa inyong tiwala—isang tiwalang hindi ko kailanman ipagwawalang-bahala. Maraming-maraming salamat, Distrito Uno! Thank you for believing in me; I won’t let you down. LET'S MOVE ON TO NUMBER 2.”  

Masigabong palakpakan ang iginanti ng mga constituents ng Distrito Uno kaya naman tumulo ang luha ng aktor.  

Ang parents ni Arjo na sina Sylvia Sanchez at Papa Art Atayde ay na-amazed sa napakagandang speech ng kanilang anak.  

Sey nga ni Ibyang sa amin, “Alam n’yo ba na sinabi ni Senator Ping Lacson, na sa lahat ng kongresista na nakita n’ya, si Cong. Atayde ang nakita niyang nagtatrabaho ng kanyang tungkulin. Hindi niya idinadaan sa salita lamang kundi talagang ginagawa n’ya.”

Ipinost din daw ng dating senador sa kanyang Facebook (FB) official page ang sinabi niya kay Arjo.  

Sabi nga namin kay Cong. Arjo, “Ang husay mo, Cong. What’s next? Puwede ka nang maupo sa Malacañang.”  

Mukhang may posibilidad, dahil ang pagpapakumbabang sagot ni Cong Arjo, “One at a time po. Step by step po.” 

Barbie, out na? KATHRYN-DAVID, APRUB SA FANS

ni Beth Gelena @Bulgary | Mar. 26, 2025

Photo: Kathryn Bernardo at David Licauco - Instagram

Marami ang nagsasabing may chemistry umano sina Kathryn Bernardo at David Licauco.  

Napansin ng mga netizens ang dalawang celebrities nang sabay silang rumampa sa Bench Body of Work kamakailan, ang lakas ng chemistry nila in the same frame.  

Sa Instagram (IG) ng Pambansang Ginoo, ibinahagi niya ang kanilang larawan kung saan may candid shot din sila na nag-uusap.  

Makikita ring manghang-mangha si David sa simpleng beauty ng Kapamilya actress.  

Komento ng mga netizens:

“Sana, magka-movie or teleserye kayo ni Kathryn. May chemistry kayo.” 

“May chemistry. Kilig ako ‘pag nagtitinginan kayo ni Kath.” 

Noong Marso, 2024, nagkasama na rin sa isang frame ang KathVid sa Bench Fashion Week, pero nito lang napagtuunan ng pansin ang dalawang celebrities.  

Sey ni David, happy siya “as a fan” na makita si Kath at open siyang makatrabaho ang aktres if the opportunity comes.

Teka, paano na si Barbie Forteza na ka-love team ni David Licauco?

---

Hirap daw labanan ang monster sa utak niya…

RYZA, 2 BESES NAGTANGKANG MAGPAKAMATAY 

IBINULGAR ni Ryza Cenon na muntik na siyang magpakamatay ng dalawang beses.  

Sa isang panayam, hindi nagdalawang-isip ang aktres na ibahagi ang pag-attempt niyang kitlin ang sarili dahil sa struggles with depression.  

Nangyari raw ang una noong 17 years old siya, when she was living independently and dealing with personal problems in silence.  

“That time po kasi, as in independent lang po ako na nandu’n lang ako sa bahay, mag-isa. So kini-keep ko lang po sa sarili ko ang lahat, hanggang sa ‘yun po, nagkaroon ako ng depression. May isang araw na pa-give-up na po talaga ako, as in suicide na po,” pag-alala ng aktres.  

Para matigil ang nararamdamang depression, tinawagan niya ang kanyang kuya para samahan siyang magdasal.  

Kapag nakakita raw siya ng sign na sagot ni God, nag-promise siya na hindi na itutuloy ang balak.  

Overwhelmed with her emotions, tumulo ang luha ni Ryza at nag-apologize sa kanyang kuya at kay Papa God.  

But years later, muling naharap ang aktres sa another dark period after niyang ipanganak si Night.  

Nilabanan niya ang kanyang postpartum depression na na-trigger dahil sa lockdown at wala sa tabi niya ang kanyang partner na si Miguel Antonio Cruz dahil kailangan nitong magtrabaho sa malayo.

Feeling daw niya ay nag-iisa siya that time, especially wala na ang kanyang ina na namatay nu’ng toddler pa lang siya.  

“Wala po akong parang nanay na masasandalan o mahihingan ng advice… Walang ganu’n,” aniya.  

Dagdag niya, “Minsan, kinukuwestiyon ko rin ang sarili ko. Ang hirap labanan minsan 'yung sarili mong monster sa utak mo. Ang lakas po, masyadong malakas po ‘yung sa ‘kin.”  

Ang passion niya sa painting at commitment as a wife and mother ang nakatutulong para malagpasan niya ang mga problema.