Pag-IBIG Fund, magbibigay ng 6 months grace period sa pagbabayad ng loan

ni Thea Janica Teh - @Bulgarific | October 20, 2020

Hello, Bulgarians! May magandang balita sa atin ang Pag-IBIG Fund, dahil mas pinahaba na sa 6 na buwan ang pagbabayad ng mga loan, abot-kayang amortization at pagpapa-waive ng penalty sa ilalim ng special restructuring program nito para sa lahat ng home loan borrowers.

Ayon kay Secretary Eduardo D. del Rosario na siya ring Chairman ng 11-member Pag-IBIG Fund Board of Trustees at head ng Department of Human Settlements and Urban Development na nag-o-offer ang ahensiya sa ilalim ng Special Housing Loan Restructuring Program upang lalong matulungan at mapagaan ang pagbabayad ng mga loan ng mga miyembro sa panahon ng pandemya.

Sa ilalim ng programang ito, matutulungan ang mga housing loan borrower na pababain ang kanilang monthly payment sa pamamagitan ng pagpapalawig pa ng kanilang loan term, hati-hatiin ang hindi pa nabayarang loan at i-waive ang penalty.

Aniya, “We are also giving them the option to resume payment of their restructured loans by as late as March 2021. This gives them up to six months of payment relief.”

Ibinahagi naman ni Pag-IBIG Fund Chief Executive Officer Acmad Rizaldy P. Moti na maaaring mag-apply ang mga miyembro sa online para sa mas mabilis at ligtas na pagpoproseso. Hindi rin umano ito maniningil ng down payment o processing fee sa kanilang application.

Kaya naman para sa mga miymbrong gustong magpasa ng aplikasyon, maaaring bisitahin ang kanilang website sa www.pagibigfundservices.com/virtualpagibig/HLR/Restructuring.aspx. Tatanggap ng mga aplikasyon ang ahensiya hanggang Disyembre 15, 2020.

SSS, nagbabala sa mga miyembro, pensyonado laban sa online fixers

ni Thea Janica Teh - @Bulgarific | October 9, 2020

Hello, Bulgarians! Pinaalalahanan ng Social Security System (SSS) na hindi konektado at awtorisado ang anumang social media accounts at pages na nanghihingi ng bayad sa mga miyembro at pensiyunado nito kapalit ng paggawa ng kanilang SSS account.

Kasama rin dito ang pag-sumite ng kanilang mga aplikasyon sa mga benepisyo tulad ng retirement at mga aplikasyon ng pautang sa SSS.

Pinapayuhan ang lahat na ingatan ang kanilang SSS accounts sa mga mapanlinlang na mga indibidwal at siguraduhin na lahat ng gagawing aplikasyon online ay sa pamamagitan lamang ng My.SSS accounts na maaaring i-access sa www.sss.gov.ph at SSS Mobile App.

Binabalaan din ng SSS ang mga online fixer na sila ay may kriminal at sibil na pananagutan. Ito ay paglabag sa Section 17 ng Batas Republika 11199 o ang SS Act of 2018 at may karampatang multa na aabot hanggang P5,000 o pagkakakulong na hindi bababa sa 6 na buwan at maaaring umabot ng 1 taon, o parehong kaparusahan, depende sa magiging desisyon ng korte.

Bukod pa rito, ang paggamit ng online fixers ay labag din sa Batas Republika 11032 o ang Ease of Doing Business and Efficient Government Service Delivery Act of 2018.

Upang isumbong ang mga pinaghihinalaang nagsasagawa ng online fraud at mga online fixer, maaaring mag-email sa SSS Special Investigation Department sa fid@sss.gov.ph o magpadala ng mensahe sa alinmang social media accounts ng SSS gaya ng SSS Facebook page, “Philippine Social Security System,” Instagram account, “mysssph,” at Twitter account, “PHLSSS.” Hinihimok din naman sila na sumali sa SSS Viber Community, “MYSSSPH Updates,” upang makatanggap ng tamang impormasyon mula sa SSS.

Breath testing, dadalhin ng Go Negosyo sa ‘Pinas

ni Thea Janica Teh - @Bulgarific | September 29, 2020

Hello, Bulgarians! Pinag-uusapan na nina Presidential Adviser for Entrepreneurship at Go Negosyo founder Joey Concepcion, Israeli-based Terra Group at Black Seal Advisors ang paggamit ng breath testing sa bansa upang malabanan ang COVID-19.

Ayon kay Concepcion, marami ng paraan ang sinubukan, rapid antibody test kits, RT-PCR at pooled PCR, kaya naman, malaki rin umano ang potensiyal ng paggamit ng saliva at breath test na galing sa Israel.

Ang breath testing ay gawa ng BioSafety Technologies Ltd. sa ilalim ng Terra Group na sumisiyasat sa industrial application ng Terahertz (THz). Ang Black Seal Advisors ang tutulong upang makarating ang technology na ito sa Pilipinas.

“We are the choice of Israeli government for fast, rapid, cheaper test,” sabi ni Oren Sadiv, Chairman & CEO ng Terra Group.

Dagdag pa ni Sadiv, ang terahertz wave ay matatagpuan sa electromagnetic spectrum, ngunit ito ay “last uncommercialized segmentz” o mas lamang pa sa x-ray, infrared at UV technologies, combined!

Sa pamamagitan ng breath testing, malalaman agad sa loob lamang ng 1 o 2 araw kung ang tao ay positibo sa COVID-19. Kaya rin nitong mag-test ng halos 1,000-2,000 katao kada araw. Bukod pa rito, hindi na kinakailangan pang ma-expose ng mga medical frontliner habang nagte-test dahil madali lang itong gawin.

Kinakailangan lang humipan ng tatlong beses sa disposable breath testing tube at dito, malalaman na agad kung clear o suspected.

Bukod pa rito, dumaan na rin sa clinical trial ang BioSafety sa limang malalaking ospital sa Israel. Pagdating naman sa regulatory approval, mayroon na rin itong clearance mula sa US Food and Drug Administration at counterpart nito sa Israel noong July 2020.

Lubos itong sinuportahan ni Presidential Spokesperson Harry Roque. Aniya, “We’re still looking for a cheaper and faster alternative to RT-PCR testing...Without efficient and cheap testing, we would not know who's afflicted with COVID, and we would not know who to track and treat,” he said. “[I] believe that anything and everything that would benefit the people should be utilized on a wide-scale basis.”