Lab For All: Bagong love language ng Pag-IBIG Fund

ni Fely Ng @Bulgarific | June 3, 2024

Hello, Bulgarians! Inilunsad ng Pag-IBIG Fund ang Lingkod Pag-IBIG on Wheels (LPOW) habang nasa Lab For All sa Subic Bay Exhibition & Convention Center noong Mayo 21, 2024.

Ang Lab for All, mula sa inisyatiba na pinamumunuan ni First Lady Liza Araneta-Marcos, ay naglalayon na palawigin ang mga serbisyong medikal at mga benepisyo sa social security sa mga komunidad sa buong bansa. Bilang bahagi ng pagsisikap na ito, ang LPOW ng Pag-IBIG Fund ay nasa site, na nagdadala ng mahahalagang serbisyo tulad ng membership registration, cash loan, housing loan applications, at pag-iisyu ng Pag-IBIG Loyalty Plus card, sa mismong komunidad na pinaglilingkuran nito.

Ipinahayag ni Pag-IBIG Fund Chief Executive Officer Marilene C. Acosta ang kanyang suporta sa pangunguna. “We are happy to continue participating in future Lab for All deployments. Our LPOW is prepared to mobilize nationwide. As Lingkod Pag-IBIG, we are committed to ensuring our members feel the warmth of Pag-IBIG through our programs and services, wherever they may be,” sabi ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Maynilad at Metrobank, joint force sa paghatid ng dekalidad na serbisyo sa mga customer

ni Fely Ng @Bulgarific | May 26, 2024

Pumirma ang Maynilad sa Metrobank para sa P10 bilyong loan

Hello, Bulgarians! Pumirma ang West Zone concessionaire Maynilad Water Services, Inc. (Maynilad) sa Metropolitan Bank & Trust Co. (Metrobank) para sa P10 bilyong loan para i-bankroll ang capital requirements nito ngayong taon dahil layunin nitong magbigay ng mas magandang water service coverage at availability sa mga consumer.

Bilang bahagi ng patuloy na pangako nito na mapabuti ang water management, pahusayin ang kalidad ng serbisyo, at mag-ambag sa pagbuo ng mas sustainable at resilient water utility sector, sinabi ng Maynilad na ang 10-taong loan, na magtatapos sa 2034, ay gagamitin para pondohan ang mga kinakailangan sa capital expenditure nito ngayong taon.

“With this loan, we are in a better position to pursue our capital expenditure program that will further enhance water services for our over 10.3 million customers. This supports our commitment to meet our service obligations and achieve sustainable growth,” pahayag ni Maynilad Chief Operating Officer Randolph T. Estrellado.

“Enabling our partners to empower Filipinos with essential resources is in line with our goal of helping communities grow. We are happy to support Maynilad through this loan deal because it is part of our commitment to ensure that every community in the country thrives,” sabi ni Metrobank Institutional Banking Sector Head Mylene Caparas.

Ang Maynilad ang pinakamalaking pribadong water concessionaire sa Pilipinas in terms of customer base. Ang MWSS para sa West Zone ng Greater Manila Area ay binubuo ng mga lungsod ng Maynila (lahat maliban sa mga bahagi ng San Andres at Sta. Ana), Quezon City (west of San Juan River, West Avenue, EDSA, Congressional, Mindanao Avenue, Makati (west of South Super Highway), Caloocan, Pasay, Parañaque, Las Piñas, Muntinlupa, Valenzuela, Navotas at Malabon all in Metro Manila; ang mga lungsod ng Cavite, Bacoor at Imus, ang mga lungsod ng Cavite, Noveleta at Rosario, ay pawang nasa lalawigan ng Cavite.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga nais lumahok sa ika-71 Palanca Awards, ipasa na ang akda bago ang Mayo 31, 2023

ni Fely Ng @Bulgarific | May 29, 2023

Hello, Bulgarians! Ang Carlos Palanca Foundation, Inc., isponsor at tagapangasiwa ng ika-71 Carlos Palanca Memorial Awards for Literature, ay nagpapaalala sa mga nais lumahok sa patimpalak na ipasa na ang kanilang akda bago ang takdang petsa na Mayo 31, 2023.

Ngayong taon, tumatanggap ang pinakamatagal at pinaka-prestihiyosong patimpalak pampanitikan ng mga entry para sa 20 kategorya, kabilang ang:

• English Division – Short Story, Short Story for Children, Essay, Poetry, Poetry Written for Children, One-act Play, at Full-length Play

• Filipino Division – Maikling Kuwento, Maikling Kuwentong Pambata, Sanaysay, Tula, Tula Para sa mga Bata, Dulang May Isang Yugto, Dulang Ganap ang Haba, at Dulang Pampelikula

• Regional Languages Division – Short Story-Cebuano, Short Story-Hiligaynon, at Short Story-Ilokano

• Kabataan Division – Kabataan Essay at Kabataan Sanaysay

Kabataan Essay: “Emerging out of the Pandemic, what are the most pressing issues surrounding mental health among youth and how can Society and Government help in addressing these concerns for the growth and well-being of our younger generations?”

Kabataan Sanaysay: “Sa pagsulong mula sa Pandemya, ano ang mga pinakamabibigat na isyung pumapalibot sa kalusugan ng isip ng mga kabataan, at paano makatutulong ang Lipunan at Pamahalaan na tugunan ang mga ito para sa ikauunlad at ikabubuti ng ating mga nakababatang henerasyon?”

Maaaring ma-sumite ng isang entry lamang bawat kategorya. Ang mga gawang nakatanggap ng parangal sa ibang paligsahan sa araw mismo o bago ang Mayo 31, 2023 ay hindi tatanggapin. Ang mga gawang nailimbag o naisa-produksyon na sa pagitan ng Hunyo 1, 2022 hanggang Mayo 31, 2023 at mga gawa na hindi pa naisa-produksyon o hindi pa nailimbag ay maaring ipasok sa patimpalak. Tanging mga gawang hindi pa naisa-produksyon ang maaaring ipasa sa kategoryang Dulang Pampelikula.

Matatagpuan ang mga tuntunin at entry forms sa opisyal na website ng Palanca Awards, <http://www.palancaawards.com.ph/>.

Lahat ng mga akda ay dapat ipasa ONLINE sa opisyal na website ng CPMA. Ang Carlos Palanca Foundation ay HINDI TUMATANGGAP NG MGA PRINTED AT EMAIL SUBMISSIONS para sa lahat ng kategorya.

Ang mga papalaring manalo ay pararangalan sa isang espesyal na seremonya bago matapos ang taon. Makipag-ugnayan sa tanggapan ng CPMA sa <CPFoundation@palancaawards.com.ph> o sa (632) 8843-8277 / (632) 8478-7996 para sa iba pang katanungan. Hanapin si Ms. Leslie Layoso o Ms. Susan Castillo.