Implementasyon ng bagong schedule ng kontribusyon at WISP ng SSS, magsisimula ngayong Enero 2021

ni Thea Janica Teh - @Bulgarific | December 27, 2020

Hello, Bulgarians! Inanunsiyo ng Social Security System (SSS) na magkakaroon ng bagong implementasyon sa contribution schedule at Worker’s Investment and Saving Program (WISP) na magsisimula sa Enero 2021 sa ilalim ng Republic Act No. 11199 o Social Security Act of 2018.

Sa isang virtual conference, sinabi ni SSS President and CEO Aurora Ignacio na tataas sa 13% ang contribution rate mula sa dating 12%.

Bukod pa rito, tataas na rin ang minimum monthly salary credit (MSC) sa P3,000 mula sa dating P2,000, maliban sa Kasambahay at OFW members na may minimum MSC na P1,000 at P8,000 habang ang maximum MSC naman ay P25,000 mula sa P20,000.

Aniya, “As to the contribution share of the employer and employee, the additional one percent will be equally divided, thus the employer share will be at 8.5 percent from 8 percent, while the employee share will be at 4.5 percent from 4 percent. It applies to employed members, land-based OFW members in countries with Bilateral Labor Agreements with the Philippines, and sea-based OFW members.”

Matatandaang, 4 na beses lamang simula 1980-2016 tumaas ang contribution rate, habang ang pensiyon ay tumaas ng 22 beses.

Noong 2017, nagpatuad ng P1, 000 additional monthly benefit sa mga pensioner nang walang pagtaas ng contribution rate. Kaya naman naapektuhan nito ang fund life ng SSS ng halos 10 taon.

“Thus, a year later, the Social Security Act of 2018 was enacted. The new law provided, among others, a schedule of increases in contribution rate as well as the minimum and maximum MSCs up to 2025. Upon full implementation, the reforms under it will offset the adverse financial impact of the additional monthly benefit granted in 2017,” sabi ni Ignacio.

Samantala, ibinahagi rin ang mas piabilis, pina-safe at mas pinadali at tax-free na WISP kung saan maaaring kumuha ang mga miyembro ng retirement savings plan.

Ang coverage ng WISP ay lahat ng private-sector employees, self-employed individuals, OFW at voluntary members na wala pang final claim sa regular SSS program.

Ang kontribusyon sa WISP ay ikakaltas kasabay ng regular SSS program.

“It allows faster accumulation of a worker’s savings because of the employer share in the contribution. Moreover, WISP contributions will be invested following the principles of safety, high yield, and liquidity, and as provided under the SS Act of 2018, which will yield additional pension income for contributing members,” Ignacio said.

Para sa iba pang katanungan, maaaring bisitahin ang kanilang Facebook Page sa “Philippine Social Security System”; Instagram sa @mysssph; Twitter sa PHLSSS o sumali sa SSS Viber Community sa MYSSSPH Updates.

Pensioners na nagbayad ng loan noong April at May, ini-refund ng SSS

ni Thea Janica Teh - @Bulgarific | December 21, 2020

Hello, Bulgarians! Simula Disyembre 9, 2020, ni-refund na ng Social Security System (SSS) ang lahat ng April at May 2020 loan payments ng mga pensioner na humiram sa ilalim ng Pension Loan Program (PLP).

Ayon kay SSS President and Chief Executive Officer Aurora Ignacio, ito ay may kabuuang P253,584,557.76 sa 56,750 pensioner-borrowers.

Dagdag pa ni Ignacio, ang mga entitled sa refund na ito ay mga pensioners na nabawasan ang pension noong April at May sa ilalim ng PLP at kasalukuyang nag-amortize sa implementation date.

Ipinaliwanag naman ni Ignacio na makatatanggang ng 2 buwang refund ang mga pensioner na nakapagbayad ng loan amortization noong April at May 2020. Ang mga nagbayad ng May ay isang buwan lamang ang mare-refund.

“We want to advise our pensioners that they no longer have to visit SSS to apply for the said refund. Starting December 9 and 10, we automatically credited the refunds to qualified pensioners through their respective Union Bank QuickCard savings accounts where the proceeds of their pension loans were also credited,” sabi ni Ignacio.

Bukod pa rito, sinabi rin ni Ignacio na extended ang loan payment term ng mga pensioners ng isa hanggang dalawang buwan ng walang additional interest o penalty. Ito ay extended hanggang June 2021.

Samantala, maaari namang mag-renew ng loan ang mga pensioners matapos ma-expired ang kanilang original loan payment term. Ngunit, ibababawas na ng SSS ang remaining balance mula sa una nitong loan.

Nagsimula ang PLP noong September 2018 upang matulungan ang mga retiree-pensioners sa kanilang short-term financial needs sa pmamagitan ng low-interest loan.

Mula January hanggang November 2020, nakapaglabas na ang SSS ng P3.17 bilyongworth ng pension loans para sa halos 69,813 pensioners.

Para sa iba png katanungan, maaaring i-follow ang SSS sa kanilang social media accounts Facebook (Philippine Social Security System); Instagram (@mysssph); Twitter (@PHLSSS) o sumali sa kanilang Viber community sa MYSSSPH Updates.

Dumagat, tuloy sa pagprotekta ng kanilang ancestral homeland laban sa Masungi

ni Thea Janica Teh - @Bulgarific | December 18, 2020

Nagsalita na ang Tribal leaders of the Kaksaan Ne Dumaget De Antipolo, Inc. nitong Disyembre 15, 2020 sa isang press conference tungkol sa akusasyon ng mga opisyal ng Masungi Georeserve na pinangungunahan ni Benjamin Dumaliang, President ng Blue Star Construction at Development Corp at operator ng Masungi na sila umano ay mga illegal loggers, squatter at land grabber na naging dahilan ng pagbaha sa Marikina City.

Ayon kay Tribal Chiefstain Ernesto Doroteo na isang Bayaning Filipino Awardee noong 2006, puro kasinungalingan umano ang sinabi ng Masungi at sila umano kasama ang mga military ang kumukuha at nagpapalayas sa kanilang property noong Oktubre 2020. At kung hindi umano sila tinulungan ni Retired Gen. Luizo Ticman simula 1990, wala na umano ang kanilang mga ancestral homeland.

Ibinahagi naman ni Enrico Vertudez, Kaksaan president; Alex Bendaña, chieftain at ng security guards ng Dumagats ang mapa ng kanilang nasasakupan na kinuha umano ng Masungi kasama ang kanilang Sacred Ground.

Dagdag pa ni Doroteo, matagal na umanong magka-partner ang Dumagat at Ticman sa pagprotekta sa kalikasan sa pamamagitan ng ilang livelihood projects simula pa noong 1990.

Kaya naman noong 2019, lumapit ang mga ito kay Ticman upang matulungan sila sap ag-develop ng kanilang kalupaan at ito ay nagresulta ng pagkakaroon ng proyektong kung tawagin ay Sustainable Integrated Development Plan (SIDP).

“Through the media, we are seeking the help of President Duterte and the National Commission on Indigenous People (NCIP) and DENR to uphold the rule of law and not to believe the lies peddled by Masungi. We, as the legal and real stakeholders, are culturally and legally-bound to preserve and conserve our ancestral domain,” sabi ni Doroteo.

Ayon naman sa abogado ng mga ito na si Juancho Botor, magsasampa na umano ito ng kaso laban sa Masungi upang maprotektahan ng mga Dumagat ang kanilang lupain at hindi na sakupin pa ng Masungi.

Nakapaglabas na rin ang mga Dumagat ng Certificate of Ancestral Domain Title (CADT) upang makapaglagay ng border sa kanilang ancestral domain.