Adyenda sa pangangalaga ng mga nanganganib na wika, isinusulong ng KWF!

ni Fely Ng - @Bulgarific | July 10, 2022

Hello, Bulgarians! Nagtipun-tipon muli ang kinatawan ng mga Katutubong Pamayanang Kultural at mga ahensya ng pamahalaan para isapinal ang Adyenda sa Pangangalaga ng mga Nanganganib na Wika noong 30 Hunyo hanggang 2 Hulyo 2022.

Sinimulang buoin ang Adyenda na ito noong 2019 na may pangunahing layunin na ilatag ang pambansang plano para sa pangangalaga, pagpapalakas at pagpapaunlad ng mga katutubong wika ng Pilipinas, lalo na ang mga wikang nanganganib nang mawala.

Layunin din nitong ibalangkas ang mga programa at gawain na magsisilbing gabay ng KWF at ng iba pang ahensya at institusyon na nais makibahagi sa pangangalaga ng mga wika ng Pilipinas. Inaasahan din na sa pamamagitan nito ay mabibigyan ng prayoridad at magkakaroon ng kaisahan at direksyon ang lahat ng mga inisyatiba at pagsisikap na pangalagaan ang mga katutubong wika ng bansa.

Sa pagsasapinal ng Adyenda binibigyang-diin nito ang kahalagahan ng holistikong tugon sa suliranin ng panganganib ng wika na kadalasan ay dulot ng kahirapan, diskriminasyon at kawalan ng access sa serbisyong panlipunan gaya ng edukasyon at kalusugan. Nais ding kilalanin ng Adyendang ito ang angking kakayahan ng mga Katutubong Pamanayan para pamunuan ang kanilang sarili at pangalagaan ang kanilang wika at kultura.

Ibabahagi naman ang naisapinal na Adyenda sa Pambansang Kongreso para sa mga Nanganganib na Wika na gaganapin sa 24 hanggang 26 Oktubre 2022.

Ang mga dumalong kinatawan ay mula sa Katutubong Pamayanan Kultural ng Karolano, Isinay, Manobo, Tboli, Blaan, Subanën, Ayta Magbukun, Yakan, Kinamiging, Mënuvu Ubo, at Banwaon at mula sa mga tanggapan ng DepEd, DOH, NCCA, NCIP, BFAR-DA, NEDA. NAPC, at KWF.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SSS kumita ng P28-B noong 2021; iniulat na net loss dahil lamang sa bagong accounting standards

ni Fely Ng - @Bulgarific | June 9, 2022

Hello, Bulgarians! Nakapagtala ang Social Security System (SSS) ng kita na P28 bilyon noong 2021 mula sa mga operasyon nito dahil nahigitan ng pumasok na kontribusyon at kita sa investment nito ang lumabas na pera para sa benefit payments at operating expenses. Base sa 2021 unaudited financial statements nito, ang pumasok na pera sa SSS ay umabot sa P262 bilyon habang ang lumabas naman na pera ay umabot sa P234 bilyon.

Noong huling anim na taon naman, nakapagtala ang SSS ng cumulative earnings na P202 bilyon, kahit pa naglabas ito ng record-breaking P1.1 trillion para sa benefit payment at P254 bilyon para sa loan releases sa mga miyembro at pensioner nito. Ang pag-adopt ng SSS sa Philippine Financial Reporting Standards (PFRS) 4, kung saan kinilala ang Social Benefit Liabilities (SBLs) kabilang ang Margin for Adverse Deviation (MfAD), ang dahilan para sa pagtaas ng policy reserves nito ng P872 bilyon na nagresulta sa accounting net loss na halos P844 billion noong 2021.

“Nais naming ipaliwanag na ang increase sa aming policy reserves ay hindi aktuwal na pera na lumabas sa pondo ng SSS. Ito lamang ay estimates ng kinakailangang reserba para pondohan ang benefit claims sa hinaharap,” ani SSS President at CEO Michael G. Regino.

“Kinikilala namin ang future liabilities na ito ngayon pa lamang para mas maging transparent sa pamamahala ng pondo ng SSS at makabuo ng mas malinaw na larawan ng aming long-term financial standing. Sinisiguro naming hindi ito nakakaapekto sa aming kasalukuyang cash flows at nananatili kaming financially viable para makapagbigay ng benepisyo sa aming mga miyembro,” dagdag niya.

Ang SSS ay mayroong estimated fund life na hanggang 2054. Ang estimated fund life naman social security institutions ng ibang ASEAN countries gaya ng Vietnam at Thailand ay 2027 at 2054, habang ang United States Social Security Administration fund ay inaasahang magtatagal hanggang sa 2034 lamang.

Ayon kay Regino, ang SSS ay palaging bukas para makipag-usap sa mga mambabatas, na maaaring maging plataforma para matulungan ang mga stakeholder nito na maunawaan ang kasalukuyang accounting standard na sinusunod nito para sa pagre-report ng financial performance.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Lucky Manzano, bagong endorser ng BingoPlus!

ni Fely Ng - @Bulgarific | June 7, 2022

Hello, Bulgarians! Sa maikling panahon pagkatapos ng debut nito, inilagay ang BingoPlus bilang isa sa mga pinaka-promising na kontribyutor sa sektor ng gaming. Pagkatapos ng serye ng mga sponsorship, charity at collaboration sa loob lamang ng limang buwan, nagpapatuloy ang excitement para sa BingoPlus, dahil pormal nitong ipinakilala ang bago nitong celebrity endorser, na si Luis Manzano sa first BingoPlus Day event.

Sa talumpati ni LRWC President Andy Tsui, sinabi niya, “BingoPlus day is a culmination of what the brand has been since it was launched in January 2022. We are only four months old since launching. As they say, very young, but not on the prizes that we have given away. Adding all our prizes, BingoPlus has given away a total of 5.1 billion pesos! I believe there’s no other way of celebrating this achievement than having it with you and with our dear players.”

Ipinagmamalaki ng BingoPlus ang pagkakaiba nito bilang pinakaunang online bingo game na lisensiyado ng Philippine Amusement and Gaming Corporation (PAGCOR). Ito ay breakthrough technology na may tradisyunal na laro na binigyang-buhay upang mapunan ang puwang para sa mga nag-e-enjoy sa paglalaro ng bingo, ngunit hinahamon ayon sa lokasyon at mga sitwasyon. Pagkatapos makatanggap ng napakalaking suporta mula sa merkado, binigyang-diin ng BingoPlus ang integridad, saya, kilig at iba’t ibang produkto na hatid sa mga parokyano nito. Ang brand nito ay sumasalamin kay Luis Manzano na ginawa siyang BingoPlus’ first and newest celebrity endorser.

“Mr. Manzano is a familiar face to all of us, as we all know him as the country’s ‘Pambansang Host.’ We are happy to be part of his long list of endorsements, a proof of our commitment to uphold our brand’s integrity and be among the most reputable brands in the gaming sector,” ipinahayag ni Jasper Vicencio, ABLE president.

“I am very happy to have been chosen as the first celebrity endorser of BingoPlus. The ability of the brand to bring happiness to people and keep them aspiring for greater things is exactly the reason why I am in the entertainment business. BingoPlus and I both love to bring joy to people and show them that despite challenges brought about by problems such as the pandemic, we can always choose to be mentally active and positive in our thinking. We have so many more in store for everyone,” pahayag ni Luis Manzano.

Ang mga manlalaro ay na-treat ng online concert sa BingoPlus Day event na may mga espesyal na pagtatanghal mula kina Yeng Constantino, Erik Santos at mga host na sina Marco Gumabao, Lance Edward at Ogie Diaz.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.