DoubleDragon at SSS, lumagda sa kasunduan

ni Fely Ng @Bulgarific | Mar. 22, 2025

Nasa larawan sina Social Security System (SSS) President and Chief Executive Officer Robert Joseph Montes De Claro (2nd mula kaliwa) at si DoubleDragon Chairman Edgar “Injap” Sia II (3rd from left) ay pormal na pumirma ng isang kasunduan para sa Contribution Subsidy Provider Program noong 13 Marso 2025 sa SSS Main Office sa Quezon City. Kasama rin sa larawan (mula kaliwa) SSS Executive Vice President for Investments Sector Ernesto D. Francisco, Jr. at DoubleDragon Legal Department Head Joselito L. Barrera, Jr.

Hello, Bulgarians! Pormal na nilagdaan nina SSS President and Chief Executive Officer Robert Joseph Montes De Claro at DoubleDragon Corporation Chairman Edgar “Injap” Sia II ang isang Memorandum of Agreement (MOA) para irehistro ang DoubleDragon bilang Contribution Subsidy Provider.

Pinasalamatan ni De Claro si DoubleDragon Chairman Sia sa pagdinig sa panawagan ng SSS noong Enero para sa gobyerno at mga nagnenegosyo na suportahan ang mga manggagawang Pilipino at kanilang mga pamilya sa pamamagitan ng SSS Contribution Subsidy Provider Program (CSPP).

Sinabi niya na ang DoubleDragon ay magbibigay ng tulong sa mga kontribusyon sa SSS para sa 2,000 manggagawa sa impormal na sektor sa Iloilo City at Roxas City sa loob ng 12 buwan – na may kabuuang P18.2-M - pagtugon sa mga financial barriers na humahadlang sa mga manggagawa sa pag-access ng mga mahahalagang benepisyo sa social security.

“This SSS contribution subsidy will not only support the 2,000 recipients but will also benefit their extended families,” paliwanag ni De Claro. “It will provide these informal sector workers with the opportunity to join the SSS and gain access to its benefits,” aniya pa.

Nagpahayag siya ng pasasalamat sa DoubleDragon at sa chairman nito sa pagsuporta sa SSS sa kanilang bagong tungkulin bilang Contribution Subsidy Provider. 

“By offering access to social security, DoubleDragon is empowering these informal sector workers to have a safety net to rely on in times of need,” sabi ni De Claro.

“After all these years, almost three (3) decades since Mr. Injap Sia took out a corporate loan from SSS in 1997 followed by continuing SSS participation in capital market issuances of DoubleDragon up to the present, we are beaming with pride to have DoubleDragon give back to SSS and Filipino workers as a Contribution Subsidy Provider,” saad pa niya.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

45-day benefit limit, tinanggal na ng PhilHealth

ni Fely Ng @Bulgarific | Mar. 21, 2025

Hello, Bulgarians! Muling pinatunayan ni PhilHealth Acting President and CEO Dr. Edwin M. Mercado na isakatuparan ang utos ni Pangulong Ferdinand R. Marcos Jr. na tiyaking “tuluy-tuloy ang serbisyo ng PhilHealth” sa pagtanggal ng polisiya nitong 45-day benefit limit.

“Ang 45-day limit sa paggamit ng benepisyo ay lumang estratehiya sa pagkontrol ng gastos. Ngunit sa pagbabago ng ating payment mechanism, napapanahon nang repormahin ito dahil hindi natin mahuhulaan kung kailan mangangailangan ng serbisyong medikal ang mga kababayan natin. Marami sa mga serbisyo ang kinakailangan higit sa 45 araw. Kaya naman nagpapasalamat tayo sa PhilHealth Board sa pag-apruba ng patakarang ito,” paliwanag ni Dr. Mercado.

Para sa detalye ng PhilHealth Circular 2025-0007, maaaring tumawag ang miyembro sa PhilHealth’s 24/7 touch points sa (02) 866-225-88 o sa mobile numbers (Smart) 0998-857-2957, 0968-865-4670, (Globe) 0917-1275987 or 0917-1109812. Maaari rin itong i-download sa www.philhealth.gov.ph.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Philippine Book Festival 2025, tagumpay

ni Fely Ng @Bulgarific | Mar. 19, 2025

Hello, Bulgarians! Isang masaya at matagumpay na kaganapan ang pagbabalik ng Philippine Book Festival (PBF), ang premier all-Filipino book festival sa bansa, para sa 2025 na edisyon nito, na ginanap sa Megatrade Hall sa SM Megamall noong, Marso 13 hanggang 16.

Ang pinakaaabangang festival ay nagbukas ng mga pinto sa mga mahilig sa libro, may-akda, artist at publisher sa buong bansa para sa apat na araw na karanasan na nagtatampok ng author meet-and-greet.

Ang pagdiriwang ay opisyal na inilunsad noong Marso 13 hanggang 16 sa pamamagitan ng ceremonial rites na pinamagatang ‘Fiesta Simula’, na nagtampok ng mga dramatikong pagbabasa, mga pagtatanghal sa musika at mga mensahe mula sa mga kilalang tao mula sa mga sektor ng paglalathala ng aklat, edukasyon at kultura ng bansa.

Dumalo sina National Artist for Literature Virgilio Almario at National Artist for Film & Broadcast Arts Ricky Lee, mga pangunahing opisyal mula sa Kagawaran ng Edukasyon (DepEd) at ang Executive Director ng National Book Development Board (NBDB) na si Charisse Aquino-Tugade, na nagtatag ng festival noong 2023.

Bukod sa libu-libong aklat na ibinebenta, mga eksibit na nagpapakita ng kasaysayang pampanitikan ng bansa, hindi mabilang na mga kaganapan at eksklusibong mga diskuwento sa libro, dumagsa ang mga festivalgoer sa new activation spaces gaya ng Pakyawan Plaza, kung saan naglalaman ng Pahiyas Festival-inspired bahay kubo at isang live mural. 

Ang PBF sa taong ito ay higit na pinagtibay ang misyon na ipagdiwang ang lahat ng bagay na Filipino, fiesta-style sa pamamagitan ng pagsasama ng mga elemento ng disenyo sa pakikipagtulungan sa mga kilalang artist ng librong pambata Juno Abreu, Pepot Atienza, Danielle Florendo at Paul Eric Roca.

Higit sa lahat, taos-pusong pasasalamat ang aming ipinaaabot sa mga avid reader ng BULGAR, at ni Maestro Honorio Ong, na sinikap na makarating sa minsang pagkakataong ito upang makapagpa-book signing, makatanggap ng personalized giveaways mula sa ating pahayagan, makipag-selfie at makadaupang palad si Maestro Honorio. Maraming salamat po!

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.