783 preso, laya na — BuCor

ni Eli San Miguel - Trainee @News | April 1, 2024

Inihayag ng Bureau of Corrections (BuCor) nitong Lunes na 783 persons deprived of liberty (PDLs) ang nakalaya noong Marso mula sa iba't ibang bilangguan at mga penal farms sa bansa.

Sa isang pahayag, sinabi ng BuCor na nagdadala ito sa bilang ng mga PDLs na nakalaya sa panunungkulan ni Pangulong Ferdinand "Bongbong" Marcos Jr. sa 12,836.

Sa mga nakalaya noong Marso, 132 ang napawalang-sala, apat ang pinalaya sa piyansa, dalawa ang nasa 'conditional pardon,' 528 ang nagserbisyo ng kanilang pinakamahabang sentensya, 20 ang may 'granted probation,' at 97 ang may 'granted parole.'

Samantala, inilipat ng BuCor ang 2,248 PDLs mula sa New Bilibid Prison (NBP) patungo sa Leyte Regional Prison, Iwahig Prison and Penal Farm, Davao Prison and Penal Farm, Sablayan Prison and Penal Farm, at San Ramon Prison and Penal Farm mula Enero.

Kotse ng BuCor chief, binaril

ni Eli San Miguel - Trainee @News | March 19, 2024

Binaril ang isang sasakyan na pag-aari ni Bureau of Corrections (BuCor) Director General Gregorio Pio P. Catapang Jr. nitong Martes ng umaga.

Inihayag ng BuCor na isang Toyota Hilux na may plate number na WDQ-811 ang binaril ng mga hindi kilalang salarin, habang papunta ito para sunduin si BuCor Deputy Director General Al Perreras.

“Catapang said that both he and Perreras have been receiving death threats since they implemented various reforms in the agency and this incident will not deter them from continuing what they started,” pahayag ng BuCor.

“Perreras refused to comment at the moment,” dagdag nito.

Nangyari ang insidente bandang 6:30 ng umaga sa Skyway.

Ayon sa BuCor, wala sa loob ng sasakyan si Catapang o Perreras nang maganap ang pamamaril.

Sa oras ng pangyayari, sakay ng sasakyan ang mga security escorts na sina CO1 Cornelio Colalong at CO1 Leonardo Cabaniero.

Walang iniulat na nasaktan sa insidente.

1,312 PDLs, nabakunahan laban sa influenza

ni Eli San Miguel - Trainee @News | November 20, 2023

Nabakunahan ang may kabuuang 1,312 Persons Deprived of Liberty (PDLs) sa Sablayan Prison and Penal Farm (SPPF) sa Occidental Mindoro, ayon sa Bureau of Corrections (BuCor).

Bukod sa mga PDLs, sinabi rin ng BuCor na 99 personnels at correction officer trainees ang nabakunahan.

“Influenza and flu-like symptoms are very rampant nowadays and consistently the highest number in morbidity case,” saad ng BuCor.

“To lessen the high number of individuals consulting with the doctor and to lessen the morbidity rate of influenza, flu vaccination was rendered to personnel and PDLs,” paliwanag pa nito.

Sinabi ng BuCor na isinagawa ang flu vaccinations ng mga tauhan ng ospital ng SPPF na pinamumunuan ni C/T CInsp. Joey A. Belvis.