Undisputed champ Inoue, aangat sa featherweight

ni Gerard Arce @Sports | June 20, 2024

Nakahanda nang lisanin ni two-time undisputed champion Naoya “Monster” Inoue ang super-bantamweight division upang umakyat sa mas mabigat na featherweight class sa 2025, na siya ring magbibigay ng malaking pagkakataon sa mga Filipino boxers na puntiryahin ang isa sa apat na titulong mababakante.

Inanunsiyo ni Top Rank head Bob Arum na nakatakdang iwan ng 4-division World titlist ang junior-featherweight upang pumasok sa matitigas na 126-pound boxers na kinabibilangan ng mga Mehikanong boksingerong kampeon na sina unbeaten World Boxing Organization Rafael Espinoza, International Boxing Federation (IBF) titlist Luis Alberto Lopez at World Boxing Council (WBC) title belt holder Rey Vargas at interim titlist Brandon Figueroa, gayundin si World Boxing Association (WBA) champ Nick Ball ng United Kingdom.

Nasambit ni Arum ang naturang pahayag matapos nitong ipagwalam-bahala ang pag-uutos ng WBA na labanan ni Inoue ang mandatory challenger na si dating unified champion Murodjon “MJ” Akhmadaliev ng Uzbekistan at nakahandang bitawan ng Japanese slugger ang titulo, dahil nakatutok ang atensyon ng boksingero sa dalawang title defense kina TJ Doheny sa Set. 9 sa Tokyo, Japan at Sam Goodman sa Disyembre.

“[Doheny] has become a big, big draw over there, and that matters. Look at what Luis Nery did as the bad boy [following a positive PED test], helping sell out the Tokyo Dome,” wika ni Arum, na minsan ng naihayag ang planong laban kay Doheny na umakyat sa ring matapos ang pagpapabagsak ni Inoue kay Nery. 

Dahil sa naturang pahayag ng American promoter, mas lumaki ang tsansa ng Pinoy boxers na kinabibilangan nina dating unified champion Marlon “Nightmare” Tapales, rising star Carl Jammes “Wonderboy” Martin at kontrobersyal na three-division World titlist John Riel “Quadro Alas” Casimero. 

Sumampa na sa 2024 Olympics si Paalam

ni Gerard Arce @Sports | June 1, 2024

File photo: Carlo Paalam

Magpapaalam na sa second Olympic Qualifying Tournament si Tokyo Games silver medallist Carlo Paalam dahil magtutungo na ito sa 2024 Paris Olympics matapos masuntok ang isang silya matapos higitan si Sachin Siwach ng India sa bisa ng 5-0 unanimous decisio, Sabado ng gabi sa Hua Mak Indoor Stadium sa Bangkok, Thailand.

Naungusan ng two-time Southeast Asian Games champion ang 2019 South Asian Games at 2017 Commonwealth Youth Games titlist sa lahat ng limang hurado na bumanat ng husto pagdating sa ikatlong round upang sapat na mapaniwala ang mga ito tungo sa ikalawang sunod na suntok sa Summer Olympics.

Matagumpay na nakamit ni Paalam ang panalo sa quarterfinals laban kay Jose De Los Santos ng Dominican Republic sa iskor na 5-0 nitong nagdaang Biyernes upang lumapit sa tsansang makaka-usad sa Olympics, kung saan papasok lamang ang dalawang finalists, habang maglalaban ang dalawang talunan sa semifinals para sa huling pwesto.

Tangkang mahabol ang nalalabing tatlong pwesto para sa Paris Olympics sa men’s bantamweight upang masigurong makaka-usad sa Olympics, na naunang dinaig si Alexei Lagkazasvili ng Greece sa bisa ng 5-0 sa Round-of-64, habang nakabawi naman ito kay Shukur Ovezov ng Turkemnistan ng dominahin ang laban sa Round-of-32 sa 5-0 unanimous decision at natakasan 2018 Jakarta-Palembang Asian Games bronze medalists ang kanyang diskarte sa laban kay Arthur Bazeyan ng Armenia sa 4-1 split decision.

Makakasama ng 25-anyos mula Talakag, Bukidnon ang dalawang naunang Pinay boxers na sina Tokyo silver medalists Nesty Petecio sa women’s featherweight division at Aira Villegas sa women’s flyweight na nakakuha ng silya sa Paris Games, kasama si Olympic bronze medalist Eumir Felix Marcial sa men’s 80kgs ng umabante ito sa Finals ng 19th Asian Games sa Hangzhou, China.

Isang panalo na lamang ang kinakailangan ni Hergie Bacyadan sa women’s under-75kgs middleweight division matapos matakasan si Hungarian Veronica Nakota sa iskor na 3-2 split decision sa Round-of-16 para makatapat sa quarterfinals si Maryelis Yriza ng Venezuela. 

Pacio kay Brooks: "Patutunayan ko kung sino ang astigin"

ni MC - @Sports | May 7, 2022

Napanood pa ni ONE Strawweight World Champion Joshua “The Passion” Pacio ang bakbakan sa pagitan nina Bokang “Little Giant” Masunyane at Jarred “The Monkey God” Brooks sa ONE 156 noong nakaraang buwan. Dito niya malalaman kung sino ang next challenger sa korona.

Pagdating sa huli, nakasampa si Brooks sa susunod na pagsubok at maging ONE World Champion nang iligpit si Masunyane sa first round – hindi pa naman iyon ang resulta na inaasahan ni Pacio.

“I expected a unanimous decision win by Brooks, but he displayed his wrestling and grappling prowess. I must say, I’m very impressed,” saad ng Team Lakay mainstay.

“Bokang is equally a fine wrestler, and I think he wants to prove that, but Brooks was very slick taking his back.”

Habang hawak na ng 26-anyos na titleholder ang momentum dahil sa ginawang submission game ni Brooks, atat na rin ang Pinoy na pumasok muli sa Circle upang harapin ang katunggaling may 3-0 record sa ONE.

“Any time soon,” ayon sa Baguio City-based fighter. “I’m ready to go.”

Higit pang aanghang ang balitaktakan sa magkabilang panig nina Pacio at Michigan-based competitor kapag malapit na ang kanilang bakbakan. Ayon sa current division king, bahagi lang ng palabas ang lahat ng ito at hindi siya padadaig sa mga satsat ni Brooks.

“I think I have a fair idea about this sport’s business side, and I’ve seen a lot of guys like him talk to market themselves, so I understand what he’s playing,” ani Pacio. “As for me, I’m just focused on my training and our game plan. I’m just happy he talks a lot and doing all that hype.”

Pero maangas ang Mash Fight Team representative dahil sa hawak na tatlong panalo sa ONE Championship. Isa rito ay nang talunin ang teammate ni Pacio na si Lito “Thunder Kid” Adiwang.