Ex-CJ sa Comelec: Mga petisyon vs. BBM resolbahin

ni Chit Luna | December 7, 2021

Hinimok ni retired Chief Justice Artemio Panganiban ang Comelec 2nd Division na agarang resolbahin ang mga petisyon laban sa kandidatura ni presidential aspirant at dating Senador Bongbong Marcos lalo’t maaari itong makarating hanggang Korte Suprema.

Dalawa sa pitong petisyon na ito ang humihiling sa poll body na ibasura ang certificate of candidacy ni Marcos habang ang isa ay nais siyang ipadeklarang nuisance candidate.

Ang ikaapat naman ay inihain ng grupo ng mga biktima ng human rights violations noong Martial Law at iginiit na convicted ang dating senador dahil sa kabiguan umanong magbayad ng income tax returns mula 1982 hanggang 1985.

Ipinunto ni Panganiban na iba ang petisyong inihain upang kanselahin ang certificate of candidacy ni Marcos sa mga mas bagong petisyon na inihain naman para ipa-diskuwalipika siya sa 2022 presidential election.

Nilinaw ng dating Punong Mahistrado na ang disqualification ay maaari lamang i-file laban sa isang kandidato na nakagawa ng election offenses sa ilalim ng Omnibus Election Code.

Hindi katulad ng cancellation ng CoC, pinapayagan sa disqualification na magkaroon ng substitution, ng isa pang kandidato mula sa isa pang political party na may kahalintulad na apelyido.

Sakali aniyang kanselahin ang CoC ni Marcos ay hindi na maaaring magkaroon ng substitution dahil mangangahulugan itong hindi kailanman umiral ang CoC.

Dahil dito, hindi mabibilang ang mga boto para kay Marcos at ang kandidatong may susunod na mataas na bilang ng boto ang idedeklarang panalo.

Sa pagsuporta sa BBM-Sara tandem.. 4 na partido, bumuo ng alyansa

ni Lolet Abania | November 25, 2021

Bumuo ng isang alyansa ang Partido Federal ng Pilipinas, Lakas-Christian Muslim Democrats (Lakas-CMD), Hugpong ng Pagbabago (HNP) at Pwersa ng Masang Pilipino (PMP) ngayong Huwebes para sa May 2022 national at local elections.

Tinawag na UniTeam Alliance Agreement, ang koalisyon na binuo ng apat na political parties na nangakong susuporta sa kandidatura nina dating senador Ferdinand “Bongbong/BBM” Marcos Jr. at Davao City Mayor Sara Duterte para sa pagka-pangulo at pagka-bise presidente.

Nangako rin ang alyansa na ipagpapatuloy ang pagkakaroon ng tinatawag na good governance, reforms to reboot and rebound the economy, sustenihan ang kampanya para malabanan ang pandemya ng COVID-19, isulong ang national unification at healing, at pagtuunan ang iba pang malaking problema na kinakaharap ng Pilipinas.

“Whereas, in view of the shared vision of the Convenor and Partners, all parties have agreed to forge this alliance that will pave the way for unity, strength and continued positive change for the country,” batay sa statement ng two-page agreement ng koalisyon.

Ang kasunduan ay nilagdaan nina Lakas-CMD president at House Majority Leader Martin Romualdez, PFP president at South Cotabato Governor Reynaldo Tamayo, Jr., HNP president at Davao Occidental Governor Claude Bautista, at PMP president Jinggoy Ejercito Estrada.

Si Marcos na dumalo sa event na ginanap sa Sofitel ng Philippine International Convention Center sa Pasay City ay nagsabing ang kasunduan ay kinakailangan bilang hakbang para tipunin at buuin ang magkakaibang political forces para sa 2022 elections.

“This is a very important step. This is the beginning of our consolidating of the political forces at least on this side. As we have been experiencing, it has been a very tumultuous campaign already, we are still six months away from the national election,” ani BBM.

“It is with these unifying steps that we hope to bring stability back, well first to the political arena, which now is in the middle of the decision-making process that our people will have to come to when May comes, the election comes,” dagdag ni Marcos.

Sa isang video message naman, sinabi ni Mayor Sara, anak ni Pangulong Rodrigo Duterte, na ang alyansa ay hindi lamang nagpapakita ng matibay na mithiin ng partido para sa ikabubuti ng bansa aniya, “[i]t also echoes loudly of our triumph to peacefully unite and stand side by side in the pursuit of continued development and positive change for our fellow Filipinos and the Philippines.”

“The UniTeam has done something remarkable in a time when political noise and bickering drown the issues and problems confronting the Filipino people -- that is, to forge a partnership as one organization, setting aside political rivalries and differences, to become strong partners of the people and the nation. Our alliance is built on friendship, trust, and the commitment to serve the Filipinos and the country,” dagdag ni Mayor Sara.

Bongbong Marcos, negatibo ang resulta ng cocaine test

ni Lolet Abania | November 23, 2021

Sumailalim na si dating senador at presidential aspirant Ferdinand “Bongbong/BBM” Marcos, Jr. ngayong Martes sa isang cocaine test at isinumite nito ang resulta sa law enforcement agencies.

Nag-isyu ng statement si Marcos, matapos na ipahayag ni Pangulong Rodrigo Duterte na may isang presidential aspirant na gumagamit ng cocaine, isang ipinagbabawal na gamot.

“I really don’t feel that I am the one being alluded to. In spite of that, I believe it is my inherent duty as an aspiring public official to assure my fellow Filipinos that I am against illegal drugs,” ani Marcos, Jr.

“This is why I took a cocaine test yesterday and the result was submitted this morning to the Philippine Drug Enforcement Agency (PDEA), the office of the Chief of the PNP (Philippine National Police) and the National Bureau of Investigation. Let me reiterate my assurance to my fellowmen, especially to the supporters of BBM-Sara Uniteam, that I am, and will remain, a vigilant anti-illegal drugs campaigner,” dagdag pa niya.

Ang tinutukoy na running mate ni Bongbong ay ang anak ni Pangulong Duterte na si Davao City Mayor Sara Duterte.

Ayon sa chief-of-staff ni BBM na si Vic Rodriguez, sa isang hiwalay na text message, ang presidential aspirant ay negative sa drug testing at ang resulta nito ay ipinadala na nila sa mga awtoridad.

Nanawagan naman si BBM sa mga kapwa niya aspirante na sumailalim na rin sa drug testing kahit pa ipinahayag na ng Supreme Court na ang pag-require sa mga kandidato na kumuha ng isang drug test ay ilegal, dahil anila hindi ito nakasaad sa ilalim ng Constitution.

“I’m calling again all elective aspirants to take the drug test to ensure our people, particularly the young generation, that no elected leader is into illegal substances,” sabi pa ni Marcos Jr.

Nauna nang nagpa-drug tests nitong Lunes sina Senador Panfilo Lacson at Senate President Vicente Sotto III, na tatakbo sa pagka-pangulo at bise presidente, ayon sa pagkakasunod, sa 2022 elections at ipinakita sa publiko ang kanilang negative results.