Hirit na ideklarang nuisance candidate si Marcos, ibinasura ng Comelec

ni Lolet Abania | December 18, 2021

Nag-isyu ng isang resolution ang isang division ng Commission on Elections (Comelec) nitong Biyernes hinggil sa pagtanggi nito sa petisyon na ideklara si Ferdinand “Bongbong/BBM” Marcos Jr. bilang isang nuisance candidate na tatakbo sa pinakamataas na posisyon sa 2022 elections.

“The petition filed by Danilo Lihaylihay, seeking to declare former Senator Ferdinand Marcos Jr. a nuisance candidate, has been denied by the 2nd Division of the COMELEC,” ayon kay Comelec spokesperson James Jimenez sa isang mensahe na ipinadala sa mga reporters.

“In a decision promulgated on the 16th of December 2021, the 2nd Division ruled that Marcos’ candidacy did not fall under any of the three broad categories of nuisance candidates, i.e., one who has a filed a candidacy to throw the election process in mockery of disrepute, or to cause confusion among voters by the similarity of names, or that there are acts or circumstances which clearly demonstrate the lack of a bona fide intention to run for office,” paliwanag ni Jimenez.

Nilagdaan nina Comelec Second Division Presiding Commissioner Socorro Inting at Commissioner Antonio Kho Jr. ang resolusyon hinggil sa pag-deny sa petisyon na inihain ni Lihaylihay.

Si Marcos ang standard bearer ng Partido Federal ng Pilipinas habang ang kanyang running mate ay si Davao City Mayor Sara Duterte, anak ni Pangulong Rodrigo Duterte.

Samantala, inaasahan na ng kampo ni Marcos ang desisyon na i-dismiss ang petisyon dahil anila, “there was no legal basis” tungkol dito.

“The dismissal of the case is expected as this is among the multiple nuisance petitions filed against presidential aspirant Bongbong Marcos,” sabi ng spokesperson ni BBM na si Atty. Vic Rodriguez.

“We have always maintained that there exist no legal basis to cancel the certificate of candidacy nor disqualify UniTeam presidential aspirant Bongbong Marcos and that elections are won & settled through the ballots on election day not by maliciously filing nuisance petitions. We call on every Filipino to be vigilant in safeguarding our right to freely choose our leaders and respect the voice of the people,” dagdag pa ni Rodriguez.

MMDA naglabas ng traffic advisory para sa Marcos-Sara caravan

ni Jasmin Joy Evangelista | December 12, 2021

Naglabas ang Metro Manila Development Authority (MMDA) ng traffic advisory para sa motorcade nina dating senador Ferdinand "Bongbong" Marcos Jr. at Davao City Mayor Sara Duterte-Carpio na gaganapin sa Metro Manila ngayong Linggo, December 12.

Ayon sa advisory, manggagaling ang "green group" sa PITX papuntang Quezon Memorial Circle.

Ang caravan naman ng "red group" ay magsisimula sa South Road o Kalaw Avenue papuntang Quezon Memorial Circle.

2 lane ng mga tunnel at flyover sa EDSA ang ookupahin ng mga dadalo pero hindi nila maaaring gamitin ang EDSA Busway.

Ito ay matapos magdulot ng matinding traffic ang caravan nina Marcos at Duterte-Carpio noong Miyerkules, December 8.

Dahil sa matinding trapiko sa QC... Kampo ng BBM-Sara UniTeam, nagsori

ni Lolet Abania | December 8, 2021

Humingi ng paumanhin ang kampo ni presidential aspirant Ferdinand “Bongbong/BBM” Marcos Jr. sa publiko, partikular sa mga motorista at mga traffic enforcers na naapektuhan ng kanilang caravan, na ginanap sa Quezon City ngayong Miyerkules ng umaga.

Sa isang statement, ayon sa tagapagsalita ni Marcos na si Atty. Vic Rodriguez na kahit na mismong mga organizers ng motorcade ay hindi inaasahan ang bulto ng mga tao na dumagsa sa Commonwealth Avenue para makiisa sa naturang caravan.

“Humihingi na rin ng paumanhin at pang-unawa ang BBM-Sara UniTeam sa mga motorista, biyahero, pamahalaang lungsod at maging sa MMDA (Metropolitan Manila Development Authority) kung ang nasabing Unity Caravan ay nagdulot ng pagsikip sa daloy ng trapiko,” sabi ni Rodriguez.

Una nang nag-abiso ang Quezon City government sa mga motorista na maghanap ng alternatibong ruta para maiwasan ang mabigat na daloy ng trapiko na idudulot ng nasabing political event.

Hanggang sa katanghalian ng Miyerkules, umabot sa humigit-kumulang sa 6,000 ang mga tao sa lugar, batay sa estimasyon ng Quezon City Police District. Kasama sa motorcade si vice presidential aspirant at Davao City Mayor Sara Duterte ni Marcos sa isang meet-and-greet event sa kahabaan ng eastbound lane ng Commonwealth Avenue, sa harap ng opisina ng Commission on Audit.

Nakasuot ng pula at berdeng shirts ang mga BBM-Sara supporters, kabilang na ang mga motorcycle riders, patungo sa highway upang ipakita ang pakikiisa para sa political aspirants sa 2022 elections.

Pinangunahan ni Anakalusugan party-list Rep. Mike Defensor, na tatakbo sa pagka-mayor ng Quezon City, ang grand caravan kasama ang kanyang running mate na si Councilor Winnie Castelo, House Majority Leader Martin Romualdez, at Quezon City lawmakers na sina Precious Castelo at Onyx Crisologo at si dating Quezon City Rep. Bingbong Crisologo.

Labis na nagpasalamat naman ang kampo ni Marcos sa Quezon City local government para sa pagbibigay nito ng assistance sa kanilang caravan kahit pa magkaiba ang kanilang mga pulitikal na paniniwala.

Si Marcos ang standard-bearer ng Partido Federal ng Pilipinas habang ang kanyang running-mate na si Mayor Sara ay vice presidential aspirant ng Lakas-Christian Muslim Democrats, kung saan siya ang chairperson.