Wala raw moral ascendancy… BBM hindi kayang pamunuan ang bansa — Pacquiao

ni Jasmin Joy Evangelista | March 5, 2022

Naniniwala umano si Senator Manny Pacquiao na walang moral ascendancy si former senator Ferdinand “Bongbong Marcos” Jr. para pamunuan ang bansa dahil sa tax-related case nito.

Sa panayam ng mga reporters kay Pacquiao sa Nueva Ecija, pinuna ni Pacquiao ang mga botante na sumusuporta umano sa mga politikong may maduming record at kilala bilang corrupt.

“Basta ako, nagreremind ako sa kanila, ang pinakabobo talaga ’yung mga boboto ng mga nagnanakaw, kasi ninakawan ka na, boboto mo pa,” ani Pacquiao.

Nang tanungin kung naniniwala siyang may right o moral ascendancy si Marcos Jr. na maging pangulo, sagot ni Pacquiao: “Para sa akin, siyempre, kandidato rin ako, siyempre masasabi ko na wala.”

“Bayan, alalahanin natin ha, kasali siya doon sa Napoles case. Baka nakalimutan ng taumbayan ’yung Napoles.”

Kampo ni Marcos, itinangging sasali sa Comelec debate

ni Lolet Abania | February 24, 2022

Naglabas ng pahayag ang kampo ni presidential candidate Ferdinand “Bongbong/BBM” Marcos, Jr. at itinangging sumang-ayon na itong sumali sa March 19 debate na sponsored ng Commission on Elections (Comelec), ilang oras matapos na ianunsyo ng poll body ngayong Huwebes na lahat ng prexy bets ay kumpirmadong dadalo rito.

Sa isang statement, idineny ng spokesman ni Marcos na si Vic Rodriguez ang pahayag ni Comelec spokesman James Jimenez sa mga reporters na lahat ng 10 presidential candidates ay dadalo sa debate.

“Marcos has not yet confirmed his participation in the Comelec-sponsored debate, which was scheduled from 7 p.m. to 9:30 p.m. on March 19, 2022,” giit ni Rodriguez.

Ayon kay Rodriguez, ang partisipasyon ni Marcos sa debate aniya, “only be confirmed if his hectic campaign schedules permit.”

Si Marcos, kung saan frontrunner sa mga surveys sa ngayon, ay paulit-ulit nang tinanggihan na makiisa sa mga debate.

Subalit, sa Twitter, inilabas naman ni Jimenez ang isang liham mula sa kampo ni Marcos na may petsang Pebrero 11, kung saan nakasaad dito, “Marcos’ readiness to join” sa debate.

Ang liham ay isinulat ni national campaign manager ni Marcos at dating Metropolitan Manila Development Authority (MMDA) chief Benhur Abalos.

“If more confirmation is needed, the COMELEC awaits the same with bated breath. Nevertheless, preparations for the #PiliPinasDebates2022 push thru,” sabi ni Jimenez.

Robin Padilla ika-12 senatorial candidate ng Marcos-Duterte Uniteam

ni Jasmin Joy Evangelista | February 17, 2022

Inanunsiyo ni Lakas CMD Vice presidential aspirant Mayor Sara Duterte-Carpio na ang aktor na si Robin Padilla ang kukumpleto sa senatorial slate ng BBM-Sara UniTeam.

Ito ay inanunsiyo ni Duterte-Carpio sa isinagawang campaign rally sa Paoay, Ilocos Norte.

"Twelve na po kaming ngayong araw na ito," aniya.

Ang iba pang miyembro ng Unitem slate ay sina:

* former Public Works secretary Mark Villar

* former Palace spokesperson Harry Roque

* former Quezon City Mayor Herbert Bautista

* former Defense secretary Gibo Teodoro

* former senator Loren Legarda

* lawyer Larry Gadon

* Senator Migz Zubiri

* Senator Sherwin Gatchalian

* former Information and Communications secretary Gringo Honasan

* former senator Jinggoy Estrada

* House Deputy Speaker Rodante Marcoleta

Si Padilla, na nanumpa bilang miyembro ng ruling party na PDP-Laban noong Oktubre, ay sinuportahan at ikinampanya si Pangulong Rodrigo Duterte noong 2016 national elections.