BBM pormal nang inendorso ng PDP-Laban sa pagkapangulo

ni Jasmin Joy Evangelista | March 22, 2022

Pormal nang inendorso ng PDP-Laban Cusi faction ang kandidatura ni dating Sen. Ferdinand "Bongbong" Marcos Jr. sa pagkapangulo.

Sina Marcos at running mate nitong si Davao City Mayor Sara Duterte-Carpio ay tumatakbo sa ilalim ng UniTeam slate ng Lakas-Christian Muslim Democrats and the Partido Federal ng Pilipinas. Nauna nang nagdeklara ng suporta ang PDP-Laban kay Mayor Duterte — anak ni President Rodrigo Duterte, na siyang party chairman.

Sa isang resolusyon, sinabi ng National Executive Committee ng partido na nagdesisyon ito matapos ang "careful and exhaustive deliberations" that it will "[endorse] the candidacy of Senator Ferdinand 'Bongbong' Marcos Jr. for president of the Republic of the Philippines [in] the forthcoming 2022 National Elections."

Sinabi rin ng committee na ang plataporma ni Marcos ay "most aligned with the development program of President Rodrigo Roa Duterte" at sa legislative at political agenda ng partido.

Sa inilabas na pahayag, nagpasalamat naman ang kampo ni Marcos sa suporta ng PDP-Laban.

"We appreciate deeply the PDP-Laban’s kind endorsement of presidential frontrunner Ferdinand ‘Bongbong’ Marcos Jr," ani Vic Rodriguez, tagapagsalita ni Marcos.

"The trust it placed in him inspires us beyond measure, for it signals that our message of national unity is gaining ground."

"Again, we thank PDP-Laban for joining the crescendoing chorus of national unification as we call on our supporters not to blink, not yet, for victory may only be claimed when votes have already been cast and every ballot counted on election day," dagdag pa ng kampo ni BBM.

"Mabuhay ang pagkakaisa! Sama-sama tayong babangong muli!"

Comelec sa umano’y cash distribution sa Uniteam campaign rally: We need complainants

ni Jasmin Joy Evangelista | March 18, 2022

Hindi umano tatanggapin ng Commission on Elections (Comelec) bilang sole evidence ang video ng mga supporters ni dating senador Ferdinand “Bongbong” Marcos na diumano ay tumatanggap ng pera matapos ang campaign rally sa Nueva Ecija.

Ayon sa Comelec, kailangan ay mayroong proper complaint bago magsagawa ng imbestigasyon hinggil dito.

Ilang news outlets ang nag-report hinggil sa distribusyon umano ng mga puting envelope na may lamang P500 bills sa mga dumalo sa campaign rally ng Uniteam standard-bearer at ng kanyang running mate na si Davao City Mayor Sara Duterte-Carpio noong Martes.

Naging usap-usapan ang cash distribution sa Marcos-Duterte rally matapos ulanin ng kritisismo mula sa iba’t ibang grupo at social media users.

Ngunit ayon kay Comelec Commissioner George Garcia nitong Huwebes, hindi maaaring gumawa ng aksiyon ang poll body nang dahil lamang sa naturang sa video, at naghihintay umano sila ng complainants hinggil dito.

“In cases like this, it is part of any investigation that before we formally conduct… there is a need to have complaints,” ani Garcia sa isang press briefing sa Comelec office sa Maynila.

Siniguro rin ni Garcia na “if they (organizers) were found to have faults, we will definitely prosecute.”

Umapela rin ang veteran election lawyer sa publiko na huwag agad gumawa ng mga konklusyon dahil mayroong presumption of innocence until proven guilty.

BBM: ‘Sandro ‘very qualified’ na maging kongresista

ni Jasmin Joy Evangelista | March 16, 2022

Inihayag ni presidential candidate Ferdinand “Bongbong” Marcos na ‘very qualified’ ang kanyang anak na si Sandro para tumakbo sa pagka-Congressman.

“Marami na siyang natutunan, sabi ko nga kung matuloy kang congressman very qualified ka na,” ani Marcos Jr. sa pahayag na inilabas ni House Majority Leader Martin Romualdez.

“Mas qualified ka doon sa mga ibang bagong pasok na walang pinagdaanan na ganyan,” dagdag niya.

Si Sandro ay tumatakbo sa congressional post ng unang distrito ng Ilocos Norte.

Sa kanyang birthday celebration noong March 8, inihayag ni Sandro ang kanyang appreciation kay Romualdez, pinsan ng kanyang ama, sa pagte-train sa kanya sa larangan ng lehislatura.

Sinabi naman ni Romualdez na ‘highly qualifed’ si Sandro at swak sa nasabing posisyon.

“Sandro Marcos is very much qualified and ready for the congressional job that he is aiming for. He has been trained and was very familiar with the legislative process and its nitty-gritty,” ani Romualdez.