Walang tigil ang malasakit at serbisyo para sa mas ligtas at komportableng buhay sa mga Pinoy

ni Bong Go - @Bisyo Magserbisyo | July 02, 2021

Natutuwa tayong ibahagi na nitong nakaraang linggo, tatlong Malasakit Centers ang ating binuksan. Ito ay matatagpuan sa Masbate Provincial Hospital, Bicol Region General Hospital and Geriatric Medical Center sa Cabusao, Camarines Sur at sa Camarines Norte Provincial Hospital sa Daet, Camarines Norte.

May 124 Malasakit Centers na handang tumulong sa lahat nang mga Pilipino saan man sila sa ating bansa upang mapadali at mapabilis ang pagkakaloob ng medical assistance ng gobyerno, lalo na sa mahihirap nating kababayan.

Bukod dito, patuloy din ang pag-iikot natin para tulungan ang ating mga kababayang nangangailangan. Nitong buong linggo lamang, nag-abot tayo ng tulong sa mga indigenous workers, OFWs, frontline health workers at iba pa.

Ilan sa kanila ay ang 1,114 transport workers sa Metro Manila; 1,148 transport workers sa Sto. Tomas, Davao del Norte; 158 caddies sa Zamboanga City; 200 na mahihirap na manggagawa sa Balanga City, Bataan; 3,368 transport at market workers sa Iba, Zambales; 600 TODA members sa Caloocan City; 640 indigents sa Tanza, Cavite; at 400 na magsasaka at mangingisda sa Pilar, Dapa, San Isidro at General Luna sa Surigao del Norte.

Nagbigay din tayo ng dagdag-suporta sa 375 medical frontliners ng Masbate Provincial Hospital; 763 medical frontliners ng Bicol Region General Hospital and Geriatric Medical Center; at 220 medical workers sa Camarines Norte Provincial Hospital.

Walang tigil din ang pagtulong natin sa mga biktima ng sunog, tulad ng walong pamilya sa Bgy. Kalawaan sa Pasig City; limang pamilya sa Paco at 55 na pamilya sa Tondo sa Maynila; 112 na pamilya sa Project 6 at 45 na pamilya sa Commonwealth sa Quezon City; dalawang pamilya sa Tagbina, Surigao del Norte; at 209 na pamilyang nawalan ng tirahan sa Navotas City.

Patuloy din ang pagbibigay ng dagdag-ayuda sa mga biktima ng mga nakaraang bagyo, tulad ng 2,224 na indibidwal sa San Miguel, Surigao del Sur; 27 na mga benepisyaryo sa Hinatuan at Tagbina, Surigao del Norte; at 475 na pamilya sa Hinoba-an, Negros Occidental.

Sa ating pag-iikot, namahagi tayo ng iba’t ibang tulong, tulad ng pagkain, masks, face shields at mga bitamina bilang proteksiyon din laban sa COVID-19. Sinigurado nating nasusunod palagi ang health and safety protocols upang maiwasan ang pagkalat ng sakit. Kasama rin ang iba’t ibang ahensiya ng pamahalaan na may hiwalay ding tulong para sa mga kuwalipikadong benepisaryo base sa kanilang programa.

Hinihikayat din na magpabakuna na ang lahat dahil ito ang susi at solusyon upang malampasan ang krisis at makabalik tayo sa normal na pamumuhay. Huwag tayong matakot sa bakuna. Kung gusto nating maproteksiyunan ang ating sarili at mga mahal sa buhay, magpabakuna tayo alinsunod sa ating vaccine rollout guidelines.

Bukod sa tulong at serbisyo sa tao, hindi rin natitinag ang laban kontra korupsiyon, ilegal na droga at kriminalidad — para sa ating hangarin na mabigyan ng mas komportableng buhay ang bawat Pilipino. Sa natitirang isang taon ng Administrasyong Duterte, hindi tayo titigil upang ipaglaban ang kapakanan ng bawat Pilipino at mabigyan ng mas maayos na kinabukasan ang ating mga anak.

Marami tayong nagawang mabubuting pagbabago sa nakaraang mga taon — mula imprastruktura, kalusugan, edukasyon, kabuhayan at lalung-lalo na pagdating sa kaayusan at kaligtasan sa lipunan. Hayaan na nating ang taumbayan mismo ang humusga kung masaya sila sa pagpapatakbo ng gobyerno ngayon, kung ramdam nila ang mabubuting pagbabago, at kung ligtas na silang nakalalakad sa kani-kanilang komunidad dahil nawala na ang pangamba nila na dulot ng masasamang elemento sa lipunan.

Tanging kayong Pilipino na lang ang makapagsasabi kung nanaisin ninyong maipagpatuloy pa ang mga nasimulan ng ating mahal na Pangulo hanggang sa susunod na mga taon. Gagawin natin ang lahat upang makapagserbisyo — ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Kapag inuna ang kapakanan ng kapwa, hindi tayo magkakamali!

ni Bong Go - @Bisyo Magserbisyo | June 25, 2021

Nitong nakaraang mga linggo, walang tigil na nagtatrabaho ang gobyerno upang tuluyang wakasan ang pandemya na dulot ng COVID-19 at maproteksiyunan ang buhay ng mga Pilipino.

Unti-unti na rin tayong nabibigyan ng bagong pag-asa ng pagbabalik sa mas maginhawa at normal na pamumuhay sa pamamagitan ng mas pinaigting na pagbabakuna sa mga komunidad. Bakuna ang susi at solusyon upang malampasan ang krisis kung kaya’t hinihikayat natin ang lahat na kapag oras n’yo nang magpabakuna, ayon sa prayoridad na sinusunod, huwag na na mag-alinlangan pa!

Gayunman, huwag munang magpakakumpiyansa dahil delikado pa rin ang panahon habang nand’yan pa ang COVID-19 sa ating paligid. Sumunod tayo sa mga patakaran at magtiwala tayo sa payo ng mga eksperto at awtoridad na wala namang ibang hangarin kundi ang kapakanan ng buong sambayanan.

Bilang Chair ng Senate Committee on Health, palagi nating ipinaaalala na ang pinakamalaking bahagi ng bayanihan ay ang ating sariling pag-iingat at disiplina upang maiwasang bumagsak ang health system. Ang kooperasyon ay tulong sa health workers na ibinubuwis ang kanilang sariling buhay para makapagligtas ng buhay ng iba.

Samatala, mula June 19 hanggang 24, nagbigay tayo ng tulong sa tatlong pamilyang nasunugan sa Bgy. San Dionisio, Parañaque City; at mahigit 930 na indibidwal naman na nasunugan sa Cagayan de Oro City sa Misamis Oriental. Samantala, tinulungan din natin ang mahigit limang libong kababayang nabiktima ng nakaraang Bagyong Auring sa San Miguel, Surigao del Sur.

Nagbigay din tayo ng dagdag-tulong sa mahigit 1,030 senior citizens at iba pang indigents sa Quezon City; 612 na trabahador sa Caloocan City; 750 na mahihirap sa Calumpit, Bulacan; 200 na apektadong manggagawa sa Lagawe, Ifugao; at 758 market vendors at TODA members sa Caibiran, Biliran.

Sa Southern Leyte, namigay din tayo ng tulong sa 200 senior citizens at PWDs sa Hinunangan; 200 TODA members at market vendors sa Liloan; at 150 market vendors sa St. Bernard.

Sa South Cotabato naman, rumesponde tayo sa mga pangangailangan ng halos 300 displaced workers at 150 PWDs sa bayan ng Tupi sa ating pagbisita doon upang magbigay-solusyon sa kanilang suliranin at mag-iwan ng ngiti sa oras ng kanilang pagdadalamhati.

Dagdag pa nito, nag-abot tayo ng pagkain, masks, face shields at bitamina bilang proteksiyon sa COVID-19, at iba pang klase ng suporta na kailangan ng mga komunidad, habang sinisiguradong nasusunod ang mga patakaran upang maiwasan ang pagkalat ng sakit. Kasama ang iba’t ibang ahensiya na nagbibigay din ng tulong base sa kanilang mga programa.

Tandaan, anumang kabutihan o tulong ang puwede nating gawin sa kapwa, gawin na natin ngayon dahil hindi na tayo babalik sa mundong ito. Kapag inuna natin ang kapakanan ng ating kapwa, hindi tayo magkakamali.

Bayanihan, malasakit, at walang tigil na serbisyo — ito ang mga kailangan upang malampasan ang mga pagsubok na kinahaharap ng ating bansa at mabigyan ng ligtas at mas komportableng buhay ang bawat Pilipino.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Magpabakuna na para muling guminhawa ang buhay

ni Bong Go - @Bisyo Magserbisyo | June 23, 2021

Habang patuloy ang paglaban sa COVID-19, gusto nating himukin ang mga kababayang kasali sa priority groups na magpabakuna na sa kanilang pinakamalapit na vaccination site upang makuha ang proteksiyon na kailangan laban sa patuloy pa ring kumakalat na COVID-19 na sakit at iba’t ibang variants nito.

Kung tataas ang bilang ng pagbabakuna at patuloy na bumaba ang bilang ng kaso ng COVID-19 sa mga komunidad, maaari na luwagan ang community restrictions at mas buksan pa ang ekonomiya. Kaya ang panguhaning prayoridad sa ngayon ay ang mapanatiling maayos at mabilis ang implementasyon ng vaccine rollout sa bawat sulok ng bansa, lalo na sa mga kritikal na lugar.

Hindi lingid sa ating kaalaman na mahirap makabili ng bakuna dahil nag-aagawan ang mga bansa na makakuha nito. Gayunman, patuloy na ginagawa ng gobyerno ang lahat para magarantiya na mayroon tayong sapat, ligtas, epektibo at libreng bakuna na maipapamahagi sa mga Pilipino. Kaya ni isang bakuna ay dapat hindi masayang.

Sa kasalukuyan, nakakuha na tayo ng mahigit na 14.2 milyon na vaccine doses, ayon kay National Task Force Against COVID-19 Chief Implementer and Vaccine Czar Secretary Carlito Galvez, Jr. Inaasahan nating aabot sa four million doses pa ang darating ngayong buwan at mahigit 149 milyong doses mula sa iba’t ibang sources bago matapos ang taon tungo sa pagkakaroon ng herd immunity.

Nalampasan na rin ang eight-million mark at pumapangalawa na ang Pilipinas sa Southeast Asian region para sa kabuuang bilang ng mga bakunang naiturok. Dagdag sa mga nabili natin, nagpaabot na rin ng intensiyon ang iilang bansa at ang COVAX Facility na magbibigay sila ng karagdagang supplies.

Para walang masayang na oras at bakuna, nakikiusap tayo sa mga Local Chief Executives na siguraduhing makatatanggap ng oportunidad para makapagbakuna ang mga kababayan nating nakatira sa malalayo at liblib na lugar at iyung mga hirap lumabas ng bahay, tulad ng senior citizens at persons with disabilities.

Paigtingin pa ang vaccine rollout at suyurin ang mga pamamahay ng mga hindi makapunta sa vaccination sites upang masigurong mabigyan sila ng proteksiyon laban sa sakit at walang maiiwan tungo sa muling pagbangon ng ating bansa.

Huwag pabayaan ‘yung mga walang masyadong access sa impormasyon, hindi alam kung ano ang bakunang ito. Iparating sa kanila na ang bakuna ang pinakamabisang paraan upang malampasan ang pandemyang ito.

Bilang mamamayan, ang bawat isa ay may tungkuling dapat gampanan para maiwasan ang pagkalat ng COVID-19. Pangunahin ang pagbabakuna upang maiwasang magkaroon ng malubhang sakit na makakadagdag pa sa pasakit ng ating health system.

Patuloy ding sundin ang mga panuntunan ng gobyerno, tulad ng pag-iwas sa paglabas ng bahay kung hindi kinakailangan, pag-obserba ng social distancing, pagsuot ng facemask at face shield, paghugas ng mga kamay at pagpapanatiling malinis at ligtas ang ating kapaligiran.

Hindi ito kaya ng mag-isa ng gobyerno. Hindi rin kakayanin ng medical frontliners kung patuloy na darami ang bilang ng mga kailangan dalhin sa ospital.

Importante ang kooperasyon dahil lahat ng desisyon ng gobyerno ay base sa pag-aaral at siyensiya upang balansehin ang interes at kapakanan ng bawat Pilipino.

Bayanihan, malasakit at walang tigil na serbisyo — ‘yan ang kailangan upang malampasan ang pandemya.

Magpabakuna na’t huwag nang mag-alinlangan pa para mas mabilis tayong makabangon bilang nagkakaisang bansa!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.