VETERAN SINGER NA MABENTA SA MGA SHOWS, WA’ NAIPON DAHIL WINALDAS NG USER NA BF, NAUNTOG, NAKIPAGHIWALAY NA

ni Erlinda Rapadas - @Teka nga | March 16, 2024

Blind item:

Sa wakas, natauhan na rin ang isang magaling na veteran singer na ilang taon na nagtiis at nagpaka-martyr sa piling ng user niyang karelasyon. 

Maraming tinatanggap na shows ang veteran singer na nagdaraan sa boyfrirend niyang singer na tumatayo niyang manager. At kahit na mataas ang kanyang talent fee ay kinukuha siya dahil sulit sa kanyang performance. 

Pero, sa kabila ng kanyang maraming shows ay wala pala siyang nahahawakan sa kanyang kinikita at napupunta lang ang bayad sa kanyang karelasyon. 

Kaya, hindi man lang nakapagpundar ng sariling bahay ang veteran singer na ilang dekada nang kumakanta at mabenta sa mga shows. 

Totoo na may hangganan din ang lahat. Isang araw ay nagising sa katotohanan ang veteran singer at humiwalay na sa karelasyong user. Tinapos na niya ang kanyang pagpapaka-martyr.

Ayaw na niyang mabuhay sa mapait na mundo ng dating karelasyon. Natuto na siyang pahalagahan ang kanyang sarili. 

Kaya masaya ang mga kaibigan at fans ng veteran singer, dahil nakawala na siya sa walang kuwentang boyfriend na kumita nang malaki  dahil sa pagiging user.

Great, ha? Sana all, aaang pogi… MAY-EDAD NANG SEKSING AKTRES, IPINAGPAPATAYO NG BAHAY NG BIGTIME BUSINESSMAN NA DYOWA NG SOSYAL NA AKTRES

ni Janiz Navida - @Showbiz Special | March 16, 2024

Blind item:

Ang bongga naman ng may-edad na pero sexy pa ring aktres dahil ipinagpapatayo raw siya ng bahay ng kanyang 'secret papa' na big time businessman sa Ayala, Alabang.

Sinabi naming 'secret papa' kasi 'di naman lantad sa showbiz ang relasyon nila lalo't ang nakikitang kasa-kasama ng big time businessman ay ang sosyal na aktres na matagal nang napapabalitang dyowa nito.

Iba na talaga ang mapera, imagine, kahit 'di naman hunk o heartthrob ang naturang bigtime businessman, aaang pogi-pogi niya sa paningin ng mga babae para makuha niya ang may-edad na pero sexy pa ring aktres at ang mala-diyosang sosyal na aktres.

'Yun na!

Kasal, ayaw nang matuloy ng mga kamag-anak ng guy… AKTRES, PAINOSENTE NANG MA-BASH ANG EX-BF SA HIWALAYAN NILA

ni Reggee Bonoan @Sheet Matters | Marso 9, 2024

BLIND ITEM:

Naguguluhan ang aming source tungkol sa ex-lovers na aktres at aktor dahil lagi pa ring magkasama gayung inamin naman nilang hiwalay na sila.

Sabi, inamin ng dalawa na okay naman sila kahit hiwalay na dahil mananatili raw silang magkaibigan.

Ang tanong lang ng lahat ay kung matutuloy ba ang kasal ngayong taon?

Kuwento ng aming source, “Base kasi sa tsikahan ng friends namin, parang oo na hindi na.  Oo, kasi nanghihinayang ang mga nakapaligid sa dalawa na hindi matuloy, especially ang mga friends nila. 

“Hindi na, kasi ‘yung sa relatives ni boy ay sobra silang nasaktan kasi lumabas na siya ang may kasalanan at sobrang binash siya.

“Si girl naman, feeling innocent kaya dedma siya sa nangyayari, pero actually, malaki ang part niya sa hiwalayan.

“Saka ang laki na ng nagastos para sana sa kasal nila, ang sosyal ng prenup shoot na si girl mismo ang namili ng lugar, sayang talaga.” 

Binanggit sa amin kung saan ginanap ang prenup shoot at talagang napa-"Wow!" kami. 

Then, sa pagkakaalam namin ay isang couple pa lang ang kinunan para sa prenup sa naturang lugar.