Kahit deserving naman, nabudol pa rin… P.5 M, KAPALIT NG PARANGAL NG AWARD-WINNING PERSONALITY

ni Ambet Nabus @Let's See | June 1, 2024

BLIND ITEM:

Uy, gaano kaya katotoo na halos kalahating milyong piso diumano ang ibinayad ng isang award-winning personality sa isang grupo ng namahala ng isang award-giving body-event?

Ayon sa aming ka-Marites, dahil nga raw sa pang-eengganyo ng ilang members ng grupo na kakilala nitong award-winning personality ay nakumbinse itong mag-sponsor kapalit ng awards.

Yes, take note, awards, ha? 

Kasi pala ay tila nai-lobby din ng ilang members ng grupo na isabay na ang pagpaparangal sa kasamang bida ng personalidad na hindi na nga raw pagdududahan dahil multi-awarded nga rin ito. Kumbaga, two-in-one ang atake kaya’t push na. 

So, nangyari nga ang gusto ng ilang members ng grupo pero nawindang diumano si award-winning personality dahil last minute raw ay hindi nagpakita ang multi-awarded co-star niya.

Ang tsismis kasi, humihingi ng “something” si multi-awarded co-star para ganahan daw itong mag-ayos, magpa-parlor, magbihis at pumunta sa venue kahit may napapabalitang may karamdaman ito.

And yes again, ang diumano’y ‘something’ na hinihingi ni multi-awarded co-star ay halos hindi nalalayo sa talent fee niya sa movie. 

Kaya ang ending, mag-isang tinanggap ni award-winning personality ang award eliciting questions tuloy from the showbiz insiders. 

Kawawa naman kahit mukhang deserving naman siya talaga.

'Kalokahhhh!!!

Kasi nga, isip-bata pa… TOPAKING SINGER-ACTRESS, ‘PAG MAY IBANG GUY NA NATIPUHAN, BIGLANG BFF LANG DAW ANG KA-LOVE TEAM

ni Ambet Nabus @Let's See | April 13, 2024

BLIND ITEM:

Ay, nakakaloka naman ang pa-blind item na naibahagi sa amin just recently lang.

Gaano kaya katotoo ang tsismis na naikuwento umano ng isang kilalang male singer-actor sa isang umpukang tsikahan ng mga kapwa niya performers sa isang concert kamakailan na sinusunod lang o sumasakay lang siya sa "trip" ng isang young actress na akala ng lahat ay jowa niya?

Diumano'y trip ngang ipamalita ni young actress na wala nga silang naging relasyon o never naman talagang naging sila ni singer-actor, except for being very close friends.

Meron daw kasing trip ang batang aktres na kapag may natitipuhang ibang cute na guy, nagda-drama itong single o 'di kaya naman ay sobrang magpapa-close sa aktor-singer, either to test kung mapapansin siya o dededmahin ng napagtitripang other guy.

Eh, mukhang seryoso pa naman daw si singer-actor na i-pursue ang anumang "deeper closeness" nila ni young actress, pero madalas nga raw na nag-iisip-"bata" ang huli.

At nito ngang may mga nauugnay na kapwa young actresses kay singer-actor, panay naman ang pa-emote ni young actress sa socmed na feeling nagseselos o may right siya sa singer-actor bilang ka-tandem, love team o jowa?

Napagkakamalan tuloy na 'natural na topakin" o 'di kaya'y malaki raw ang mali sa immature nitong emotions.

SINGER, WALANG PR, SUPER TAMAD PA KAYA ‘DI SUMISIKAT

ni Reggee Bonoan - @Sheet Matters | March 18, 2024

Blind item:

Kaya naman pala hirap i-push ang singer/actress sa kanyang karera dahil walang PR sa media at sa iba pang co-workers nito.

Sa tuwing ipapakilala kasi ang singer/actress ay ngingiti lang at hindi man lang nag-e-effort na tumayo at makipagkamay. Tila ang bigat ng balakang niyang tumayo.

Ilang beses na rin siyang sinabihan ng handler niyang si ganito, si ganyan ‘yan, pero dedma ang singer/actress at lumilingon lang. 

Para siguro sa kanya ay sapat nang ngumiti siya. 

May nakausap kaming director na nakatrabaho na ng singer/actress at sabi ay mahiyain daw kasi siya kaya siguro bihirang ngumiti at bumati.

Ang nakakataka ay okay naman ang social media niya dahil milyones ang followers pero bakit hindi malakas ang movies at TV shows niya?

“Wala naman kasi siyang dating, mahina ang appeal, hindi na siya sikat, ‘no?  Buti nga nasama pa siya sa movie ng sikat na aktor kaya kahit paano, umingay ang name niya,” say naman ng mataray na broadsheet editor.