Unang kaso ng bird flu sa bata sa U.S. naitala sa California

ni Eli San Miguel @Overseas News | Nov. 23, 2024

Photo: Representation

Kinumpirma ng mga opisyal ng kalusugan nitong Biyernes, ang bird flu sa isang bata sa California, na siyang unang naiulat na kaso sa isang batang Amerikano.

Ayon sa Centers for Disease Control and Prevention, mayroon ang bata ng banayad na sintomas, binigyan ng antiviral na gamot, at nagpapagaling na sinabi ng mga opisyal ng estado, na pumapasok ang bata sa daycare at nakatira sa Alameda County, kabilang ang Oakland at mga kalapit na lugar, ngunit wala nang ibang detalye na ibinigay. ​​

Ayon sa CDC, nagdala ang impeksyon ng kabuuang bilang na 55, ng mga naiulat na kaso ng bird flu sa U.S. ngayong taon, kabilang na ang 29 sa California.

Karamihan sa mga ito ay mga manggagawa sa farm na nagpositibo na may banayad na sintomas.

Sinabi ng mga opisyal na iniimbestigahan nila kung paano nahawa ang bata. Walang ebidensya na kumalat ang bird flu mula sa bata patungo sa ibang tao.

Pagkalat ng bird flu, ibinabala ng WHO

ni Joy Repol Asis @Overseas News | July 15, 2023

Naglabas ng babala ang World Health Organization (WHO) kaugnay ng lalo pang pagkalat ng bird flu virus, kasama na ang pagkakalipat nito sa mga tao.

Ito ay matapos i-present ng WHO ang umano’y labis na pagtaas sa bilang ng mga bird flu outbreak sa mga nakalipas na taon.

Kinabibilangan ito ng sunud-sunod na outbreak sa Europe, North America at South America kung saan milyun-milyong manok at iba pang uri ng ibon ang pinatay o

isinailalim sa culling operation.

Nangangamba ang mga eksperto ng WHO na ang labis na pagkalat ng bird flu ay maging daan upang mailipat ang nasabing virus sa mga tao, at iba pang mga hayop.

Ayon pa sa WHO, mayroon nang outbreak sa 26 na uri ng mga hayop sa buong mundo.

Kasama rito ang mga mink sa Spain, sealion sa Chile, at mga pusa sa Poland.

Sinasabing mataas ang maidudulot na mortality ng bird flu kapag nailipat sa mga tao.

Para maiwasan ang bird flu — DA… Poultry products i-ban sa Western Visayas

ni Jasmin Joy Evangelista | March 13, 2022

Hinimok ng Department of Agriculture (DA) sa Western Visayas sa mga local governments sa rehiyon na pansamantalang i-ban ang pagpasok ng poultry products mula sa ibang lugar upang maiwasan ang pagkalat ng bird flu.

Ayon kay DA-Western Visayas Director Remelyn Recoter, tanging ang probinsiya ng Negros Occidental ang nag-release ng kautusan na i-ban ang poultry products mula sa labas ng lalawigan.

“Like the ASF (African swine fever), we are praying, with the efforts also of the local government units in terms of surveillance to control the entry of the (bird flu) viruses in Western Visayas,” ani Recoter sa isang radio interview.

Samantala, ang temporary ban sa pork products na papasok sa rehiyon ay ipinagbabawal pa rin dahil sa ASF outbreak sa ibang parte ng bansa.

As of March 11, ang Western Visayas ay nananatiling ASF free.