P500M budget sa bike lane

ni BRT @News | August 29, 2023

Naglaan ng P500 milyong budget upang ayusin at magtayo ng karagdagang linya na madadaanan ng mga bisikleta sa bansa, para sa taong 2024.

Ang nasabing pondo ay maaaring gamitin sa pagtayo ng dagdag na bike lanes, at pag-aayos sa iba pang mga linya na una nang nasira dahil sa iba't ibang kadahilanan.

Ito ay bahagi rin ng malawakang active transport program (ATP) ng kasalukuyang administrasyon.

Una nang sinabi ng Department of Transportation na plano nitong makapagtayo ng hanggang 2,400 na kilometro ng mga bike lanes sa buong bansa, bago matapos ang termino ni Pangulong Bongbong Marcos.

DOTr, hiniling sa Google na isama ang bike lane routes map app

ni Jasmin Joy Evangelista | November 26, 2021

Ni-request ng Department of Transportation (DOTr) sa Google na maisama sa popular real-time navigation app na Google Maps ang mga bike lane routes sa Pilipinas upang upang matulungan ang mga siklista sa kanilang daily commutes.

“This will be a very good innovation for Google Maps considering that many Filipinos now are riding bikes as their main mode of transportation which brings significant health and environmental benefits especially amid the pandemic,” ani Transportation Secretary Arthur Tugade.

Ayon kay Tugade, naghihintay pa sila sa approval ng Google ngunit kumpiyansa naman daw sila na  mapagbibigyan nito ang kanilang kahilingan, dahil ito’y tagasuporta rin ng active transport.

“We have asked Google to consider this suggestion top priority considering the increasing number of Filipino cyclists. We are confident that we can win their support on this,” dagdag niya.

Sinabi rin nito na nakumpleto na ng DOTr ang kanilang 500-kilometer bike lane network sa mga metropolitan cities sa buong bansa, na kinabibilangan ng Metro Manila - 313.12 kilometers, Metro Cebu - 129.47 kilometers, at Metro Davao - 54.74 kilometers.

Ang mga naturang bike lanes ay mayroong pavement markings, physical separators, solar-powered road studs, thermoplastic paints, road signages, at bike racks.

Ang naturang proyekto ay pinondohan ng pamahalaan sa ilalim ng Bayanihan to Recover as One Act.

500 KM bike lanes sa Metro Manila, Cebu at Davao, matatapos na

ni Lolet Abania | June 1, 2021

Target na matapos ngayong buwan ang mahigit sa 500 kilometro ng bike lanes na isinasagawa sa Metro Manila, Metro Cebu at Metro Davao, ayon sa isang opisyal ng Department of Transportation (DOTr).

Ito ang kinumpirma ni Assistant Secretary Steve Pastor sa ginanap na motu proprio investigation ng House Committee on Transportation hinggil sa pagkaantala umano ng konstruksiyon ng proyektong bicycle lanes ngayong Martes.

Ayon kay Pastor, may kabuuang P1.3 bilyong pondo ang inilaan ng gobyerno para sa pagsasaayos ng pedestrian at pagpapatayo ng bicycle lanes sa ilalim ng Bayanihan 2.

Paliwanag ni Pastor, sa nasabing pondo, P1.1 bilyon ang ilalaan para sa bike lanes habang ang natitirang P200 milyon ay ilalaan naman para sa tinatawag na bike sharing stations.

Kinuwestiyon naman ni Samar Representative Edgar Mary Sarmiento, ang panel chairperson, si Pastor kung kailan ang target na petsa ng DOTr para makumpleto ang mga bicycle lanes.

“Magkakaiba po. Para po sa Cebu, matatapos na po ito by June 15. Para po sa Davao, ganoon din po, sa June 15... Para po sa National Capital Region, June 30 po,” ani Pastor.

Sinabi ni Pastor na ang planong haba at layo ng bike lane network sa nabanggit na mga lugar ay ang mga sumusunod:

• Metro Manila - 338.53 kilometers

• Metro Cebu - 129.65 kilometers

• Metro Davao - 54.51 kilometers

Tinanong ni House Minority Leader Joseph Stepen Paduano ang Department of Public Works and Highways (DPWH) kung kayang matapos sa target date ng DOTr ang isinasagawang bike lanes, lalo na sa Metro Manila.

Positibo naman ang naging tugon ni DPWH-NCR Director Eric Ayapana na ito ay matatapos sa oras.

Samantala, magsasagawa ang mga miyembro ng nasabing komite ng actual site inspection sa mga bike lanes sa Metro Manila.