5 libong residente, inilikas dahil sa sagupaan ng militar at BIFF

ni Ronalyn Seminiano Reonico | May 9, 2021

Aabot sa 200 armadong miyembro ng Bangsamoro Islamic Freedom Fighters (BIFF) ang nakaengkuwentro ng mga militar sa public market sa Datu Paglas, Maguindanao noong Sabado.

Ayon kay Lt. Col. John Paul Baldomar ng 6th Infantry Division, inokupa ng BIFF na nasa ilalim ng Kagui Karialan faction ang naturang public market at hindi umano pinaalis ng mga rebelde ang mga nagtitinda at sibilyan sa naturang lugar.

Sumuko naman ang mga gunmen noong hapon matapos ang palitan ng putok ng baril at tumakbo sa mga kabundukan ng Maguindanao at Sultan Kudarat. Wala ring naiulat na nasawi sa hanay ng militar.

Kinumpirma naman ni Abu Jihad ng BIFF na ang mga gunmen ay kasapi ng Kagui Karialan faction ngunit aniya ay walang balak okupahin ng grupo ang Datu Paglas.

Saad pa ni Jihad, “Our men were there to rest and were about to return to our camps when soldiers arrived and started firing at us.”

Samantala, ayon kay Mayor Abubakar Paglas, mahigit 5,000 residente ang inilikas habang patuloy na nagsasagawa ng clearing operations sa naturang lugar. Ayon kay Baldomar, natagpuan ang 4 na improvised bombs na kaagad namang na-deactivate ng awtoridad.

Daan-daang motorista at pasahero rin ang na-stranded dahil isinara ang Datu Paglas-Tulunan highway at binuksan lamang matapos makontrol ng tropa ng pamahalaan ang sitwasyon.

7 miyembro ng BIFF, sumuko

ni Lolet Abania | February 21, 2021

Pitong miyembro ng Bangsamoro Islamic Freedom Fighters (BIFF) ang sumuko sa militar sa tulong ng ilang lokal na opisyal ng pamahalaan.

Nagpasyang sumuko ang mga kasapi ng BIFF sa headquarters ng 2nd Mechanized Infantry Battalion na pinamumunuan ni Lt. Col. Omar Orozco sa Barangay Midtimbang, Datu Anggal Midtimbang, Maguindanao.

Ayon kay Orozco, ang ginawang ito ng pitong BIFF ay pagpapatunay na nakikiisa sila sa programang pangkapayapaan ng gobyerno.

Iniharap naman ni Orozco kina 6th Infantry Division Assistant Commander BGen. Jose Narciso, 1st Mechanized Brigade Commander Col. Pedro Balisi at Mayor Midpantao Midtimbang, Jr. ng Guindulungan ang mga nagbalik-loob na BIFF.

Kasama sa isinuko ng mga ito ang isang 60 mm mortar launcher, isang. 50-caliber barret sniper rifle, isang M-16 rifle, isang Garand at isang converted M14 rifle.

Labis naman ang pasasalamat ni 6th ID Chief MGen. Juvymax Uy sa tulong na ibinigay ng mga local officials na naging daan para sumuko ang pitong BIFF.

Umabot na sa 78 miyembro ng BIFF, kabilang ang kanilang mga armas, ang sumuko at nagbalik-loob sa pamahalaan.

3 motibo sa pag-atake sa Maguindanao, iniimbestigahan

ni Twincle Esquierdo | December 5, 2020

Iniimbestigahan ng Philippine National Police ang tatlong posibleng motibo sa likod ng pag-atake nitong Huwebes sa Datu Piang, Maguindanao matapos makipagpalitan ng putok sa mga pulis at sundalo ang mga hinihinalang miyembro ng Bangsamoro Islamic Freedom Fighters (BIFF).

Ayon sa mga militar unang nagpaputok ng baril ang mga miyembro ng BIFF sa mga pulis at nagtungo sa town central at muling nagpaputok.

Kinilala ng pulisya sina Salahudin Hasan alyas “Salah” at Muhiden Animbang Indong alyas “Kumander Karialan” na pinuno ng 50 kalalakihan na sumugod sa poblacion area.

Sinunog din ng grupo ang sasakyan ng mga pulis, simbahan at paaralan ngunit wala namang naitalang nasugatan o namatay sa nasabing pag-atake.

Samantala, inalerto naman ang ibang Municipal Police Stations sa pobinsiya na malapit sa pinangyarihan ng pag-atake.

Batay kay PNP Chief General Debold Sinas, isa sa mga tinitingnang anggulo ng mga imbestigador ay ang tunggalian ng mga local executives sa nasabing lugar at paghihiganti sa pagkamatay ng ibang miyembro ng Bangsamoro Islamic Freedom Fighter.

“Among the motives that investigators are considering are political rivalry among the town’s local executives, revenge for the death of Bangsamoro Islamic Freedom Fighter member Abu Suffian in a police operation in Cotabato City last Dec. 1, and personal grudge against the Chief of Police of Datu Piang for the recent arrest of 2 BIFF members on drugs and firearms charges.”

The third motive is highly likely, said Sinas, because the Chief of Police was sought out by the armed men over the earlier arrest of its members who are relatives of the town’s vice-mayor,” sabi ni PNP Chief General Debold Sinas.