Balik-basketbol at nagpagupit na rin dahil sa GF… KOBE, SUNOD-SUNURAN KAY KYLINE

ni Nitz Miralles @Bida | Oct. 8, 2024

Si Lolit Solis lang pala ang makakapagpaamin kay Kobe Paras ng status ng relasyon nila ni Kyline Alcantara. 

Nai-post ni Lolit ang encounter nila ni Kobe kung saan sinabi niyang mas bagay sa anak ni Benjie Paras ang girlfriend na ka-level nina Sharon Cuneta at Kris Aquino.

Ang sagot daw ni Kobe, “Please, walang bastusan. Kyline is my girlfriend,” sabay irap at talikod diumano. Hindi raw nagpaalam sa kanya si Kobe at umalis na. 

O, ‘di ba, kung hindi pa sa pang-ookray ni Lolit kay Kyline, hindi mapapaamin si Kobe na GF niya ang Kapuso actress?

Ang lagi nitong sinasabi kapag natatanong sa kanilang dalawa ay “We’re just good friends” at sinabi naman niya ito sa first interview nila ni Kyline. ‘Yun daw ang lagi niyang line na of course, nagbibiro dahil alam naman kung mag-ano sila.

Sa susunod na mainterbyu si Kobe, sasabihin na siguro ang real status nila ni Kyline. Babaguhin na rin siguro ng Shining Inheritance (SI) actress ang linyahan niyang, “I don’t owe anyone an explanation” dahil umamin na si Kobe.

Sa interview pala ni Lhar Santiago kina Kobe at Kyline, nabanggit ni Kobe na ang mga mata ni Kyline ang pinakagusto niyang feature nito. Ang eyes daw ng GF ang una niyang napansin agad sa first meeting nila at kinainlaban na rin.

Maiinis din tiyak si Kobe sa mga netizens na sobra ang panlalait kay Kyline dahil hindi nila gets kung bakit siya minahal ng basketbolista. Wala raw magandang magagawa si Kyline para sa kanya. 

Hindi alam ng mga ito na dahil kay Kyline, babalikan ni Kobe ang basketball dahil sinabi ng aktres sa BF na balikan ito dahil doon siya magaling.

Pati ang pagpapagupit ng buhok ni Kobe, impluwensiya rin ni Kyline dahil sinabi nito sa kanya na he will look better at mas guwapo with short hair. Kaya ayun, nagpagupit si Kobe at tama ang nakararami, he looks better with short hair.

---

Hindi na kailangan ng caption sa post ni Gardo Versoza tungkol sa naging pahayag ng late Comedy King na si Dolphy kaugnay sa pagpasok niya sa pulitika. 

Nataranta rin siguro si Gardo sa dami ng mga taga-pelikula na papasok sa pulitika at nakita naman natin na nag-file sila ng Certificate of Candidacy (COC).

Sabi noon ni Dolphy, “Kung ako ay papasok sa pulitika, isa lang ang ikinatatakot ko, ito ay ang “manalo” dahil ‘pag nandoon na ako, baka mapahiya lang ako kasi hindi ko alam ang gagawin ko, at sayang lang ang pagboto sa akin ng mga tao.”

Kasamang ipinost ni Gardo ang comment na, “Sa mga tatakbo sa 2025, lalung-lalo na ang mga artista at sports icons, dapat bang maging gabay ang sinabi ni Dolphy?”

Marami ang nag-comment at nag-agree sa post na ito ni Gardo at may dumepensa rin sa mga artista at sports icons na tatakbo. 

May nagtanong din kung hindi ba nagtampo kay Gardo Versoza ang mga kaibigang artista na tatakbo sa 2025 midterm elections dahil sa post niyang ito?

---

PAREHONG present sa mall show nina Alden Richards at Kathryn Bernardo para sa movie nilang Hello, Love, Again (HLA) sa Ayala Mall Solenad sa Nuvali, Sta. Rosa sa Laguna ang kani-kanyang pamilya nila. 

Kaya lang, parang hindi nagkita ang mom ni Kathryn na si Min Bernardo at dad ni Alden na si Daddy Bae dahil wala silang photo together.

Kasama ni Daddy Bae ang anak na si Angel at sa taas ng mall sila pumuwesto. Si

Min, kasama ang kapatid ni Kathryn at apo nitong si QQ at sa activity center kung saan ginanap ang mall show sila pumuwesto, kaya nakita sila ni Alden.

In fact, may photo na karga ni Alden si QQ at magkakasama sila ng mom at sister ni Kathryn. Karga pa rin ni Alden si QQ nang ihatid sila sa kanilang car at ang tsika ng mga fans, “Tito Tisoy” at “Onong Alden” ang tawag ni QQ sa aktor. Ang ibig sabihin ay

“Ninong Alden” na posibleng mangyari kung ‘di pa nakukumpilan ang bagets.

Sa Oct. 8 ang susunod na mall show nina Alden at Kathryn at sunud-sunod ang mall shows nila. Aabot sila sa Cebu, Iloilo, GenSan at iba pang parte ng NCR to promote their movie. 

Inilabas na rin ang official poster na mixed ang reactions ng mga fans at mga bashers ng dalawa.

Ang susunod na aabangan ay ang official trailer ng movie na dapat na talagang mapanood. Inuunahan kasi ng mga bashers ang story ng movie, may pinatay silang main character kahit hindi pa napapanood ang movie ni Direk Cathy Garcia-Sampana.

Aktres, kahit nakipag-unahan sa tiket at nasa harapan ng stage… OLIVIA RODRIGO, SA ANAK NI MARIAN NAG-HI SA CONCERT, ‘DI KAY ANDREA

ni Nitz Miralles @Bida | Oct. 7, 2024

May pagkukumpara kina Marian Rivera at Andrea Brillantes na parehong nanood ng concert ni Olivia Rodrigo last Saturday sa Philippine Arena. 

Obvious daw na hindi gumamit ng connection si Marian sa pagbili ng tiket nila ng anak na si Zia dahil medyo malayo sa stage ang kanilang seat, at pinuri siya dahil dito.

Para sa mga netizens, gumamit daw ng connection si Andrea para mabigyan ng VIP seat dahil nasa harap siya at nasa center pa. 

Dahil dito, na-bash ang Kapamilya actress, na hindi naman kasalanan kung totoong gumamit ng connection para sa kinainggitang seat niya sa concert.

Pero kahit wala sa mismong harapan ng stage, napansin pa rin ni Olivia si Zia, kumaway ito at bumati ng “Hi, up there!” 

Sabi ni Zia na nakangiti, “Mama, she said ‘Hi!’ to me.” 

Kita ang saya ni Zia sa pagkaway sa kanya ni Olivia.

Ipinost ni Marian ang reels at may caption na: “Kung saan ka masaya, Anak. Nandito lang kami para suportahan ka! We love you! @oliviarodrigo Salamat, pinasaya mo si Ate Zia.”

In fairness kay Andrea Brillantes, nakita namin ang Instagram (IG) Stories nito na nagpapaypay habang nakapila sa entrance ng Philippine Arena. May selfie ito at may caption na: “I was the first one to line up sa queue number lane namin. OMG! HAHAHAHAHAHAHA.”

---

This is it, guys! 

SAM KAY RHIAN: I FOUND MY DREAM PARTNER

Sa halip na awayin ang nag-comment na she is aging backwards, nag-post si Rhian Ramos ng photo niya na parang bagong silang at nakabalot pa ng blanket. 

Natawa ang mga friends ng aktres at binati na rin siya sa kanyang 34th birthday.

Birthday post ang sunod na post ni Rhian, blanket at sheer cloth lang ang nakatakip sa hubad niyang katawan. Kita ang malaking tattoo sa right thigh niya.

“Birthday suit, birthday shoot.

“I’m not gonna lie, when I look at the mirror, my mind tells my body all sorts of harsh, mean things. But they say that one day, we’ll all reach an age when we’ll wish we had our old bodies back. We’ll realize we were never as “ugly” as we thought we were. It’s taking some work but I don’t wanna wait for that day, I wanna appreciate me now, NOW! This is it. This is 34.”

Sa credits ng photo shoot, nakasulat na si Michelle Dee ang nag-compile at nag-edit ng photos at si Rhian ang mismong nag-make-up sa sarili.

Ang ganda rin ng comment ni Michelle na, “WOMAN OF THE YEAR!!! Happy birthday,” na sinagot ni Rhian ng, “Wind beneath my wings.”  

“Wifey” din ang tawag ni Michelle kay Rhian na housemate niya.

Of course, maganda ang comment ng boyfriend ni Rhian na si Sam Verzosa sa kanyang birthday shoot, “Yet your sexyness is just icing on the cake. Your beauty, compassion, intellect and your pure heart are your best qualities. I found my dream partner. Happy birthday, Boo.”

---

Gusto ring laging holding hands sila ng GF…

KYLINE, IPINAGHIHIMAY PA NG HIPON NI KOBE

Lalong maiinggit at magiging bitter ang mga bashers ni Kyline Alcantara na hindi matanggap na mahal ni Kobe Paras ang aktres. 

Tuwing may post ang dalawa sa kanilang mga ganap, laging maraming sinasabi ang mga naiinggit patungkol kay Kyline.

May nag-comment na mas in love at mas kinikilig daw si Kyline kay Kobe, kaya super-asikaso ito kapag magkasama sila. 

Mababago ang reaction ng mga bashers ni Kyline kapag nakita nila ang latest reels na kuha sa bakasyon ng dalawa sa Infanta, Quezon.

Ipinaghihimay ni Kobe ng hipon si Kyline na actually, kaya namang gawin ng aktres, pero si Kobe ang gumawa at saka ibibigay kay Kyline para diretso kain na. 

May reels pa na ayaw bitawan ni Kobe ang aktres at sa kanilang paglalakad, gusto nitong lagi silang holding hands. Kapag bumitaw si Kyline, kinukuha ni Kobe ang kamay nito para holding hands na uli sila.

Ang pamilya at mga kaibigan ni Kyline ang kasama nila sa beach vacation na ‘yun. Tinanong si Kobe ng friend ni Kyline kung kumakain siya ng dried fish o tuyo? 

“Opo” ang sagot ni Kobe sa tanong. Hindi lang nakunan ng reels na kumain siya ng tuyo.

Kailan kaya kami makakabasa ng positive comments from the netizens sa relasyon nina Kyline at Kobe, lalo na sa aktres. 

Mabuti na lang, marami ang nagtatanggol kay Kyline at sabi ng mga ito, kung hindi masaya ang mga bashers para kay Kyline Alcantara na minahal siya ni Kobe Paras, sila ay masaya... masaya ang puso. Kaya manigas daw kayo sa inggit.

'Di lang sa movie, Daniel… ALDEN AT KATHRYN, MAGKASAMA NA RIN SA ENDORSEMENT

ni Nitz Miralles @Bida | Oct. 6, 2024

Makakasama na si Alden Richards ni Kathryn Bernardo bilang Bench endorser. 

Tinapos muna ni Alden ang kontrata niya sa Boardwalk. In fairness sa kanya, hindi niya iniwan ang Boardwalk kahit may ibang clothing line na ini-offer sa kanya. 

Pasasalamat at pagtanaw niya ito ng utang na loob sa brand na kumuha sa kanya noong hindi pa siya sikat. Nanatili siyang endorser kahit naba-bash dahil siya na lang daw ang A-lister na wala sa Bench.

Well, heto na nga, Bench endorser na siya at masaya ang mga fans nila ni Kathryn dahil malaki ang chance na magkasama sila sa ad campaign. 

Looking forward din ang KathDen fans na magtataas ng billboard ang Bench in support of the November 13, 2024 showing of Hello, Love, Again (HLA).

And speaking of the movie, bago ang regular screening ng 10:00 AM, may midnight screenings sa cinemas sa Megaworld, Ayala Malls, Robinsons Malls at SM Malls. 

Sa gustong maunang makapanood ng HLA, maghanda sa 12:01 AM screening.

Tama ba kami na last time nagkaroon ng midnight screening ay sa Twilight pa dahil din sa big demand ng mga fans?

Ngayon lang naulit, kaya mali ang sinasabi ng mga bashers nina Alden at Kathryn na kaya may midnight screening at may pre-ticket selling ay dahil walang gustong manood ng HLA.

---

Birthday ni Rhian Ramos noong October 3, at simpleng birthday greetings ang bati sa kanya ng boyfriend na si Sam Verzosa. Hawak ang isang slice ng cake, kinantahan ni Sam ng birthday song ang girlfriend. May kasamang birthday greetings na: “Happy Birthday boo @whianwamos love you!!!”

Sagot ni Rhian, “Thank you for surprising me again and again, Boo! I love you.”

Anyway, nahawa na si Rhian kay Sam dahil sa birthday niya, siya pa ang namahagi ng livelihood food carts sa 20 single moms. 

It’s the actress way of giving back at sa tulong ni Sam, naging successful ang birthday event na ‘yun at ipinangako na marami pa silang ipamimigay.

Every year, walang mintis, tuwing birthday niya ay laging may charity program si Rhian na tinawag nga niyang ‘Rhian Gives Back’.

Ang kapalit nito ay ang patuloy na magandang takbo ng career ni Rhian na after Pulang Araw (PA), mapapanood siya sa Sang’gre. 

Isama na natin ang maganda nilang relasyon ni Sam Verzosa at kasal na lang ang hinihintay sa kanila.

---

Aktor, 27 yrs. old na…  

PRINCE, HININTAY MAG-19-ANYOS SI ALTHEA BAGO LUMANTAD NA MAGDYOWA 

NAALALA namin ang isyu kay Prince Clemente na baby grabber daw ang aktor dahil at 27 years old, 19 years old ang girlfriend nitong si Althea Ablan. 

Wala pang 18 years old nang ligawan ni Prince si Althea at naging sila. In fairness to them, hinintay muna nilang mag-19 si Althea bago ang kanilang relationship reveal.

May mga bashers ang dalawa, lalo na kapag nakikita silang nagpi-PDA (public display of affection) at lagi, si Althea ang pinupuntirya ng bashing. Para bang kasalanan nito na niligawan siya ni Prince, naging sila at masaya sila sa kanilang relasyon.

Nang mainterbyu si Prince sa Regal Studio Presents (RSP), sabi nito, going strong ang relasyon nila at masaya sila, walang problema at kani-kanya ang takbo ng career. Kahit may relasyon, hindi sila laging pinagtatambal.

Si Prince nga, sa episode today ng RSP na The Heartbreak Shop, si Kazel Kinouchi ang partner. Maganda ang story niya, makaka-relate ang mga Gen Zs. Ang maganda, happy ang ending ng love story nina Epoy (Prince) at Tintin (Kazel).