Angel daw niya… HEART, PROUD NA PROUD SA MISTER NA SI SP CHIZ

ni Nitz Miralles @Bida | Oct. 11, 2024

Photo: Instagram / @Heart Evangelista

Birthday kahapon ni Senate President Chiz Escudero at may birthday greetings sa kanya si Heart Evangelista. 

Sa reels na ipinost ni Heart, makikita ang photos nila ng kanyang husband plus ang birthday greetings niya.

Sa isang post na solo picture ni Chiz, sey ni Heart, “Earth angels are meant to struggle here and forget their power and so I shall remind you that you have been one of the greatest archangels in my life.

“Your one true unique power is hidden in your heart of gold. Unconditional LOVE... that has healed a lot of people around you, especially me.

“You have arranged the stars and pulled them down to where I am, I sold my soul and you bought it back for me, you have proven every word of my favorite love song and made it into my reality and just like what I said before.

“I will love and I will love you forever with all my heart (a love letter made for our wedding day). Happy, happy birthday, my darling @escuderochiz. I am so proud of you.”

Ang caption naman ni Heart sa reels ng photos nila ni Chiz, “To our dearest Senate President @escuderochiz happy happy birthday.”

Ang sabi, ang birthday ni Chiz Escudero ang isa sa mga rason kung bakit hindi tinanggap ni Heart Evangelista ang invitation ng Victoria’s Secret (VS) for her to attend VS New York show.

“Thank you @victoriassecret for inviting me! I must stay home but thank YOU for the love.”

Naka-schedule sa October 15 ang VS show. Kababalik lang ni Heart sa pag-attend sa Milan Fashion Show (MFS) at Paris Fashion Show (PFS). Nag-segue pa siya sa Bangkok for an event at habang nasa Paris, nag-photoshoot for her October cover for Vogue Singapore.

---

NAUNANG naglabas ng official statement ang GMA Sparkle kaugnay sa kontrobersiyang kinasangkutan ni Julie Anne San Jose. Hindi kasi nagustuhan ng marami ang performance ng Kapuso singer-actress sa loob ng Nuestra Señora Del Pilar Parish sa Occidental Mindoro.

Na-criticize ang mga songs na kinanta nito gaya ng Dancing Queen (DQ), pati ang gown na isinuot. Hindi raw appropriate ang gown na may slit at kita ang cleavage niya, lalo na’t sa loob ng simbahan siya nag-perform.

Heto ang statement ng Sparkle GMA Artists Center:

“Sparkle would like to officially address the current issue regarding Julie Anne San Jose’s  performance at the Nuestra Señora del Pilar Parish.

“Sparkle GMA Artist Center takes full responsibility for Julie Anne’s attendance at this event. It is our job to coordinate and clear details with the organizers and relay the instructions to our artist.

“Julie Anne only fulfilled her duties and commitment as a true professional. She is a devout Catholic and had no intention of disrespecting the Church or its members.

“We are truly sorry to those we have offended. We hope that this puts the issue to rest. We apologize to Julie Anne as well.

“Moving forward, we will be more vigilant in our coordination efforts to ensure such incidents

do not happen again.”

Kasunod nito, humingi ng tawad si Julie na makikita sa kanyang Facebook (FB) account para sa mga na-offend sa church performance niya. 

Sana raw, mag-move forward na ang mga netizens na mukhang hindi agad mangyayari dahil ang dami ng mga nag-react at marami silang opinyon.

“I am offering my apologies. Even though my only intentions were to share joy and to give support to the church through the benefit concert, many have felt offended about the incident I was in and with my performance which caused distress. I truly, sincerely apologize. This is a lesson learned and it is assured that it will not be repeated.

“I am not perfect but please know that I have strong beliefs and my faith is unbreakable and cannot be shaken. I pray that we can all move forward with compassion in our hearts, thank you.”

Sumugod ang mga netizens sa Instagram (IG) ni Julie at may mga na-disappoint sa kanya. May mga nagtanong kung bakit siya pumayag at kung bakit ang songs na ‘yun ang kanyang napili. Sabi nga ni Julie at ng Sparkle, natuto sila sa nangyari.

Kaugnay nito, this Friday, October 11 na mapapanood sa GMA-7, 9:30 PM ang TV coverage ng Julie X Stell: Ang Ating Tinig. Two-night concert ito at guests sina Rayver Cruz, Pablo, Josh Cullen ng SB19 at Gary Valenciano.

‘Di napilit tumakbo… VIC, NANINIWALANG MAKAKATULONG KAHIT WALA SA PULITIKA

ni Nitz Miralles @Bida | Oct. 10, 2024

Photo: Vic Sotto

Sey ni Vic Sotto sa role niya sa MMFF entry na The Kingdom (TK), “This is not comedy. I have never done anything like this before. Actually, we have never even heard this kind of storyline before, but we’ll save that for another time.”

Kakaibang Bossing Vic nga ang mapapanood dahil for one, si Piolo Pascual ang kasama niya rito. Sa nakita naming behind-the-scenes photo, may tattoo si Vic sa ibabaw ng kaliwang kamay niya. May kalakihan ang tattoo at nakapostura siya sa photo, seryoso at malayo sa masayang Vic.

Nag-training din si Vic kung paano makipaglaban gamit ang kutsilyo at may iba pa siguro siyang pinagdaanang training bago simulan ni Direk Mike Tuviera ang shooting ng pelikula, may nagbiro kay Vic na action star na raw siya.

Kung si Vic mukhang lider ng crime group, si Piolo naman ay ginawa siyang magsasaka at nag-aararo sa bukid. Nag-training naman siya ng arnis para sa gagawing action stunts.

Ang TK ay collab ng MQuest Ventures, M-ZET Productions, at APT Entertainment. Family drama raw ang pelikula na ginastusan pa sa MMFF 2024.

Speaking of Vic, walang makapagkumbinse sa kanyang pasukin ang pulitika at ipinubaya nito sa kapatid na si Tito Sotto at anak na si Vico Sotto. Naniniwala siyang hindi na kailangan ang pulitika para makatulong, nakakatulong daw siya by producing movies and TV shows na totoo naman. Pati sa Eat… Bulaga! tumutulong din sila ng kanyang mga kasama.

---

Kakaiba ang promo ni Marian Rivera para sa simula ng nationwide screening ng Cinemalaya movie niyang Balota sa October 16, 2024. May “Teacher Emmy” (role niya sa movie) challenge siya sa TikTok at siguradong may kakasa sa sinimulan niyang challenge sa 9 million followers niya sa Tiktok.

Due to popular demand ng moviegoers na maipalabas sa mas maraming cinemas na mas malapit sa kanila, kaya nag-decide ang Cinemalaya at GMA Pictures na muling ipalabas ang Balota. Napapanahon ang pelikula dahil katatapos lang ng filing ng COC ng mga tatakbo para sa 2025 midterm elections. Right timing din ang nationwide showing ng Balota dahil katatapos lang i-celebrate ang World Teacher Day at ang Gabay Guro 2024 na taun-taon nagbibigay tribute sa mga guro.

Sobrang memorable kay Marian ang nabanggit na pelikula dahil at 40 years old, nanalo siya ng acting awards at sa Cinemalaya pa. Malaki ang pasasalamat nito sa pelikula at kay Direk Kip Oebanda na naging instrument para siya ay tanghaling best actress.

Samantala, hindi naman siguro mga fans ni Marian ang nag-call out kay Nadine Samonte na gaya-gaya siya kay Marian dahil nagko-collect din siya ng Pop Mart dolls. Tanong ni Nadine, bawal ba na magkapareho sila ng ikinu-collect ni Marian?

Kung si Marian masaya na pareho sila ng collection ni Nadine, bakit ang mga netizens, bina-bash si Nadine? Ang dami ng may ganitong collection, bakit kailangang mambash ng mga netizens?

Si Marian nga, enjoy tuwing nag-a-unboxing siya ng bagong collection, dapat maging masaya na lang ang lahat. Sabi naman ni Nadine, magpo-post na rin siya ng kanyang collection para lalong mainis ang mga bashers.

---

SOBRANG successful ang ginanap na first and biggest Gabay Guro Health and Wellness Festival For Teachers noong October 6, 2024 sa Yñares Sports Complex sa Pasig City.

Katuwang ng Gabay Guro ang mWell sa kakaibang event for teachers na nag-focus sa wellness and health ng mga guro.

Sina Ms. Chaye Cabal-Revilla at Mr. Gary Dujali ng Gabay Guro ang nag-organize ng event, katulong ang iba’t ibang kompanya. Nag-enjoy ang lahat sa Zumba session, naki-sing along sila sa guest performers na sina Kevin Montellano, nakisayaw kay Teacher Georcelle and the G-Force.

May free medical and dental check up pa at pati facial care, meron din sa venue pati masahe at may free medicines and vitamins. Libre rin ang mga snacks, ang daming libre, kaya masaya ang araw na ‘yun.

Of course, marami ang nanalo ng big prizes sa raffle at nadinig namin, may TV, cash at marami pang iba. Mas sumaya pa ang event sa husay ng host na si Michael Ver at co-host na si Nicole Cordoves. Siguradong mauulit next year ang Gabay Guro Health and Wellness Festival for Teachers.

Dahil sa pagrampa sa Paris Fashion Week… SARAH, NABULGAR NA MAY ADHD

ni Nitz Miralles @Bida | Oct. 9, 2024

Photo: Sarah Lahbati / IG

May ADHD pala si Sarah Lahbati na ang ibig sabihin ay Attention Deficit Hyperactivity Disorder, isang medical condition. 

Ang taong may ADHD ay hirap in paying attention at mabilis ma-distract, at hirap din in remembering daily task, sey ni kaibigang Google.

Nabanggit ni Sarah ang pagkakaroon ng ADHD nang ikuwento ang experience niya sa pag-attend sa Paris Fashion Week (PFW). Pahapyaw lang niya itong nabanggit dahil sa toxic schedule ng mga nasa PFW.

Sa part na ito ng post nabanggit ni Sarah ang kanyang kondisyon, “I owe a huge thank you to the Vogue Philippines team for their meticulous organization. 

“As someone with ADHD, having a detailed schedule is a blessing. And the icing on the cake? Being surrounded by an incredible personal team, cheering me on as a Fashion Week newbie. Their support has made this experience not just enjoyable but truly unforgettable.”

Successful nga ang first PFW experience ni Sarah at mukhang masusundan dahil siguro naman, dadalhin pa siya ng Vogue Philippines sa ibang fashion week. 

Nababasa namin ang pangalan ng mga nagla-like sa post ni Sarah at kabilang dito si Heart Evangelista. 

Masipag namang mag-comment sa post niya si Sofia Andres. 

Hindi na nababasa ang pangalan ni Kyline Alcantara sa mga nagla-like at nagko-comment sa post ni Sarah. They unfollowed each other in Instagram (IG) na nga kasi.

---

HINDI kami sinagot ni Juancho Triviño sa tanong namin kung ilan na ang bahay nila ng asawang si Joyce Pring-Triviño. 

Kaya namin naitanong kung ilan na ang bahay nila ay dahil tuwing nagtse-check kami ng Instagram (IG) nito, parang may bago silang bahay lagi.

Hindi nga lang kami sinagot ng aktor, kaya hindi pa rin namin alam kung ilan na ang bahay nilang mag-asawa. 

Hindi nga rin nito sinagot ang tanong ng ibang press kung ipinapa-rent ba nila o ibinebenta ang kanilang mga bahay. Basta, marami silang bahay ni Joyce, period.

Nakausap namin si Juancho sa presscon ng Regal Studio Presents (RSP) kung saan tampok sila ni Arra San Agustin sa episode na I Remember You.

Hindi pa nakukunan ang episode, kaya hindi pa alam ni Juancho kung sino ang director.

Ang nabanggit lang, nagkatrabaho na sila ni Arra dati, kaya wala nang adjustment sa kanilang dalawa. 

Masaya sila to be working together again at thankful sa Regal dahil nagkaroon sila ng reunion ni Arra.

Ang RSP ay napapanood every Sunday, 4:15 PM sa GMA at kaya nagugustuhan ng mga viewers ay dahil iba’t ibang story ang hatid every week.

Nasa cast din si Juancho ng Widows’ War (WW), kaya lang, missing siya sa past episodes. 

Siguro naman, babalik pa ang kanyang karakter bago magtapos ang series lalo na’t extended ito at paaabutin ng GMA ng 100 episodes.

---

NAKABALIK na ng bansa si Pia Wurtzbach after ng New York Fashion Week (NYFW), Milan Fashion Week (MFW), at Paris Fashion Week (PFW). May kasama pa ‘yung side trip sa Bangkok, Thailand para sa Bvlgari event.

Isa sa mga unang ginawa ni Pia pagdating ng Pilipinas ay bisitahin at itsek ang ipinagagawang bahay. Kinunan nito ang ilang parte ng bahay at ipinost sa Instagram (IG). 

May caption na: “Not long now” at “Progress check” ang post ni Pia.

Ang ipinapatayong bahay ang isa siguro sa mga rason kung bakit masipag at hardworking si Pia. 

Ang alam namin, may condo ito, pero iba pa rin ang bahay. 

Natutuwa ang mga fans na iniisip na baka paghahanda na ito ni Pia at ng asawang si Jeremy Jauncey sa pagkakaroon ng baby, kaya nagpatayo ng bahay.

---

SINAMAHAN ni Sharon Cuneta ang asawang si Kiko Pangilinan sa pagpa-file ng COC o Certificate of Candidacy kahapon sa Manila Hotel. 

Tatakbong senador si Kiko sa 2025 midterm elections at suportado pa rin siya ni Sharon.

“And here we happily go again...” ang sabi ni Sharon.

Kung nabasa nina Sharon at Kiko ang comment ng mga netizens, matutuwa sila. 

May nagsabing si Kiko at si Bam Aquino lang ang kanyang iboboto. May mga fans din sina Sharon at Gabby Concepcion na iboboto si Kiko. 

Marami na rin ang nagpahayag ng suporta sa kandidatura ni Kiko Pangilinan at may mga nanawagan sa kapwa fans ng “Let us make him win.”