‘Di raw bagay ang Bible verse dahil sexy star… AJ, PAULIT-ULIT PA RING TINATAWAG NA KABIT NG KAMPO NI KYLIE

ni Nitz Miralles @Bida | Oct. 14, 2024

Photo: Instagram / Kylie Padilla at AJ Raval

Tsinek namin ang Instagram (IG) ni AJ Raval at pansin namin na hindi pa rin naka-move on ang mga netizens at mga fans ni Kylie Padilla sa paghihiwalay nina Kylie at Aljur Abrenica. Kaya namin ito nasabi dahil puno pa rin ang galit sa puso ng mga tao para kay AJ.

Ang sasama pa rin ng mga sinasabi at comments ng ibang tao kay AJ na para bang sila ang hiniwalayan ni Aljur. 

In fairness kay AJ, hindi niya idine-delete ang hate comments at negative na itinatawag sa kanya. Ipinamumukha sa kanya na hindi niya mapapantayan si Kylie. May nag-comment pang hindi bagay sa kanya ang gumamit ng Bible verses dahil sexy star siya.

May paulit-ulit pang tinatawag siyang kabit.

Mag-iisip ka kung saan galing ang matinding galit ng tao kay AJ Raval. Mawala kaya ang galit sa kanya kapag pinakasalan siya ni Aljur Abrenica?

---

May ‘K’ daw…

KORINA, PALIT KAY KARLA SA FACE-TO-FACE

May short teaser ang TV5 tungkol sa programa nilang Face 2 Face (F2F) at sa bagong host nito. 

Sa teaser na “May ‘K’ ka bang harapin ang mga isyu? Kami, MERON NA! Abangan. #KFaceNaTV5,” si Korina Sanchez agad ang hula ng mga netizens na bagong host ng show kapalit ni Karla Estrada.  

Sabagay, nabalita nang si Korina nga ang papalit kay Karla dahil tatakbo raw ang nanay ni Daniel Padilla sa pulitika. Kaya lang, parang hindi nabalitang nag-file siya ng Certificate of Candidacy (COC).

Ang sumunod na teaser patungkol sa F2F, “Humanda na sa mga matitinding HARAPANG magaganap bawat hapon! Abangan sa October 21 sa #KFaceNaTV5.”

Ibig sabihin, sabay sa premiere ng Quizmosa ni Ogie Diaz ang pagpasok ni Korina bilang bagong host ng F2F, Monday to Friday pa rin ang time slot nito, 4 PM sa TV5.

---

SINUKLIAN ni Marian Rivera ang pagiging proud sa kanya ni Dingdong Dantes sa appreciation post nito para sa kanya.

Mensahe ni Marian, “To my husband, my best friend: Thank you for being my biggest supporter and for always standing by my side. I’m so lucky to have you in my life!”

Ang daming nag-like sa post na ito ni Marian na nagpahayag ng pasasalamat sa suporta sa kanya ni Dingdong.

Napanood na ni Dingdong sa gala premiere ng Cinemalaya ang movie at puwedeng hindi na siya pumunta sa premiere night last October 11, lalo na’t kinabukasan, nag-courtesy call siya kay Major General Cuison sa Sangley Point sa Cavite.

Siguradong susuportahan din ni Marian ang nabanggit ni Dingdong na ‘Project Handaan’, ang disaster preparedness program ng YesPinoy Foundation.

Maipapalabas na nga nationwide ang Balota, ano naman kaya ang plano ng GMA Pictures, GMA Entertainment Group at Cinemalaya sa mga request na maipalabas ang pelikula sa ibang bansa? 

May taga-Nigeria pa na nag-request na dalhin sa kanila ang nabanggit na pelikula and obviously, fan siya ni Marian Rivera.

Tatakbo sana, umatras… JANNO: AYOKONG MAPASAMA SA CIRCUS NG MGA TATAKBONG SENADOR

ni Nitz Miralles @Bida | Oct. 13, 2024

Photo: Instagram / Janno GIbbs

Tapos na ang filing ng Certificate of Candidacy (COC) ng mga kakandidato sa 2025 midterm elections, kaya may mga natuwa na hindi na nakahabol si Janno Gibbs sa pagpa-file ng COC. 

Nabanggit kasi nito sa post niya sa Threads na may balak siyang kumandidatong senador.

Ipinost nga ni Janno ang parang poster na may nakasulat na “Janno para sa Senado” at may caption na: “Ituloy ko na ba?”

Kasunod nito ang post niyang, “My feed post of ‘Janno sa Senado’ was not a joke. I’ve been wanting to go into politics these past few years. Those who follow me know I’ve always been politically active in my IG. Sabi nga nila, ‘Puro ka reklamo, bakit ‘di ka tumakbo?’ But my family does not approve. They are scared of the consequences. Still, I was weighing my options. Seeing the circus of who are running, I didn’t want to be included in a ridiculous line-up. Maybe in 2028?”

Kung babasahin ni Janno ang mga comments at feedback, hindi lang ang pamilya niya ang may ayaw na tumakbo siyang senador. Ayaw din ng karamihan ng tao. Ang tanong nila, ano ang gagawin niya sa Senado? Baka raw lagi siyang late kapag may hearing o session.

May nag-suggest naman na tumakbo munang barangay kagawad o barangay captain si Janno at ‘wag maging senador agad ang pangarapin niya. 

Sabi nga nito, sa 2028 national elections pa naman ang balak niya, malay natin, magbago ang isip ni Janno Gibbs at hindi na ituloy ang pagpasok sa pulitika.

---

Kailangan palang mapanood uli kahit ng mga nauna nang nakapanood ng Balota ang movie ni Marian Rivera dahil new cut daw ito na siguradong magiging controversial film.

In fact, sabi ng nakapanood sa Cinemalaya run ng movie, ibang version ang mapapanood ngayon sa regular screening, bagong edit, mas maganda ang sound at mas nakaka-tension ang mga eksena ni Marian.

Aabangan ang mga susunod na eksena at maire-relate sa mga nangyari na at nangyayari ngayon sa pulitika. Mapapa-comment ka na, “Totoo nga, nangyari ‘yan kay Congresswoman, kay Mayor at kay Senador.” 

Hindi mo nga alam kung matatawa ka sa huling eksena ng karakter ni Gardo Versoza na totoong nangyari at ginawa ng ilan sa ating mga pulitiko.

Napapanahon din ang mensahe ni Marian para sa Balota na ang sabi sa isang interbyu, “Ang punto ko sa Balota, bawat isa sa ‘tin, may malakas na boses at ‘yung boses na ‘yun, ‘wag mong ipagkait dahil importante ka.”

Isa sa mga napansin namin kay Marian, fresh ang mga galos niya sa braso. Ibig sabihin, totoong mga galos at hindi dala ng makeup. 

Nabanggit naman nito na hindi siya nagpa-make up habang ginagawa ang pelikula ni Direk Kip Oebanda.

Present si Dingdong Dantes sa premiere night ng Balota at sabi nito, “Experiencing this movie for a second time, and watching my wife dominate in her role, fills me with immense pride. 

“Congratulations, once again, to the whole team!”

Aabangan natin ang feedback ng majority ng audience sa nabanggit na pelikula na sinasabing right timing ang showing para sa 2025 midterm elections.

---

Hindi na si Rob…

HERLENE, SI TONY NA ANG BAGO

HINDI na mali-link kay Rob Gomez si Herlene Budol dahil hindi si Rob ang leading man niya sa Binibining Marikit (BM). Si Tony Labrusca ang nakasulat na isa sa cast ng upcoming GMA-7 series, kaya malamang, siya ang magiging love interest ni Herlene.

Saka, single naman yata si Tony at kung sakaling ma-link sila ni Herlene, walang girlfriend o partner na masasaktan at walang relasyon na masisira.

Remember, naghiwalay si Rob at ang ex niya nang magtambal sina Rob at Herlene sa Magandang Dilag (MG).

Sina Herlene at Pokwang ang pinakabida sa nasabing series at hiniram sa ABS-CBN at Star Magic si Tony para maiba naman ang makakasama sa Kapuso series. 

Nagkakantiyawan na ang mga Kapuso at Kapamilya fans, iiwan na raw ni Tony ang ABS-CBN at lilipat na sa GMA. Sagot ng mga Kapamilya fans, hiniram lang si Tony at babalik din sa ABS-CBN.

Speaking of Herlene, bukod sa afternoon series, may video podcast din ito na Ano Na Tea? kasama si Anjo Pertierra. Kahapon, October 12, ang launching nito sa GMA Public Affairs YouTube (YT) channel. 

Ang daming feedback sa topic sa first episode na “Hanggang saan dapat tumanaw ng utang na loob sa magulang?” 

Mainit ang isyung ito dahil kay Carlos Yulo at sa kanyang mga magulang.

Ayon kay Herlene, tinanong niya ang production team kung bakit sila ni Anjo ang napiling mag-host ng podcast? It turned out na matagal nang friends ang dalawa.

“Wala silang alam sa friendship namin ni Anjo before. Best friend ko kasi s’ya before, kaya nakaka-excite na kami ang magkasama para rito,” sey ni Herlene Budol.

GF, 'di pa niyayaya ng kasal… SAM, SHOCKED NA MAY ENGAGEMENT RING NA RAW SI RHIAN

ni Nitz Miralles @Bida | Oct. 12, 2024

Photo: Rhian Ramos at Sam Verzosa - Instagram

Inakalang si Rhian Ramos ang engaged na kay Sam Verzosa dahil sa reels post nito na tila may suot na engagement ring. 

Pero, pinahulaan lang kung sino ang engaged at hindi raw siya. Ang kaibigan ni Rhian na si Janina Manipol ang engaged.

May nag-tag kay Sam ng post ni Rhian at nag-react ito ng “Grabe!! Boo, pati ako nagulat, Hehehe!” 

May mga na-fake news din at nag-react agad, hindi tinapos panoorin ang reels.

Nakakaloka pa dahil marami ang nagpakalat ng fake news na break na sina Rhian at Sam at walang kasalan na magaganap sa kanila. 

Paano ka naman maniniwala, eh, two weeks ago lang, nakita sila ng press na magkasama? Saka, sa last birthday ni Rhian, magkasama pa rin sila ng kanyang “Boo.”

Anyway, sinagot ni Rhian ang comment na sana, namigay siya ng food cart na hindi panahon ng eleksiyon para hindi masabing para sa kampanya ni Sam ang kanilang ginawa.

Sey ni Rhian, “Actually, matagal na po kaming gumagawa ng mga projects to improve other people’s quality of life. Baka ngayon mo lang pinansin dahil elections nga. Alangan namang itigil namin ang mga charity projects namin just cause elections next year. Mas okay ba kung bag na lang hiningi ko for my birthday?”

Sumagot ang netizen na now lang niya nakita ang post ni Rhian na may mga tinulungan. 

Sagot ng aktres, “There’s always a post, story, vlog or coverage po. That’s how the sponsors know that their help went to the right place.”

Kasunod nito, inilatag ni Rhian ang coverage ng mga ginawa niyang pagtulong before, pati ang pag-extend niya ng tulong sa mga taga-Quezon City at hindi lang sa mga taga-Manila siya tumutulong.

“Hindi naman po, nakiki-argue lang po ako. Sinagot ko lang po kasi nakakasakit ‘yung maisipan ka pa ng masamang motibo. Hindi ko naman mapapalitan araw ng birthday ko.”

---

'Di kinaya ang pamba-bash sa performance niya sa simbahan… JULIE ANNE, NAGPAHINGA SA SOCMED 

PATI si Rayver Cruz, kapatid na si Rodjun Cruz at misis nitong si Dianne Medina ay na-bash dahil lang nagpahayag ng suporta kay Julie Anne San Jose. 

Si Rayver nga, walang sinabi at nai-share lang ang screenshot ng statement ni Nuestra Señora del Pilar Shrine Parish Priest Fr. Carlito Meim Dimaano, sinugod na sa Instagram (IG).

Bakit daw hindi nito pinayuhan si Julie nang dapat niyang kantahin at isuot sa benefit concert sa loob ng simbahan? 

May nagsabi naman na pagsabihan niya ang GF na magbakasyon muna sa socmed (social media) para hindi ma-stress sa mga hate comments at pamba-bash sa kanya, bagay na ginawa nito dahil ilang araw na siyang hindi nagpo-post.

Si Rodjun na nag-comment ng “Love you, Julie @myjaps! Wala kang kasalanan du'n. Professional ka lang talaga at iniisip mo lang palagi na mapasaya at ma-inspire ang mga audience mo. Mahal ka ni Lord, Akap!” ay inabot din ng bashing.

Tanong nga ng mga fans ni Julie, bakit nagalit ang mga netizens sa mga sumuporta sa singer-actress? Sila nga, libreng nagpahayag ng galit, disappointment at panlalait sa singer-actress, bakit bawal ang magpahayag ng suporta?

---

DATI, blind item lang at pinahuhulaan, pero kahapon, kinumpirma na si Ogie Diaz ang napiling maging host ng newest entertainment game show ng TV5 na Quizmosa. 

Airing ito sa October 21, 2:30 PM, Monday to Friday pagkatapos ng Eat… Bulaga! (EB!).

Intriguing ang concept ng show ng TV5 na pinaghalo ang entertainment at game show at may konting tsismis ito dahil sa title. Dahil si Ogie ang host, kering-keri niya ito at magiging masaya ang show dahil hahaluan niya ng comedy.

Ang Quizmosa ang magpapabalik kay Ogie sa free TV at hopefully, magpabalik sa mga quiz shows sa telebisyon at may tweak ang TV5, hahaluan nila ng entertainment. 

Wala pang masyadong detalye sa show, gaya ng kung may co-host ba si Ogie Diaz at kung live ba ito at sino ang director.