Anak, 'wag daw magseryoso, marami pang iba… IBINUKING NI INA: ERIKA AT KOBE, HIWALAY NA

ni Nitz Miralles @Bida | March 1, 2023

Kahit humarap na sa press people at ongoing ang presscon ng Pieta, hindi pa rin nagsi-sink in kay Ina Raymundo na kasama siya sa cast ng movie dahil na rin sa laki ng mga artistang kinuha ni Director Adolf Alix, Jr..

“Ang alam ko, sina Nora (Aunor), Gina (Alajar) at Alfred (Vargas) ang kasama ko. Ngayon ko lang nalaman ang complete cast and with Adolf pa as its director na one of my favorite directors. Exciting and thankful ako na kasama ako sa movie na ito," sabi ni Ina.

Special participation si Ina sa Pieta, pero napa-wow siya sa ganda ng film at cast kaya napa-oo. Looking forward siya to be working again with Jaclyn Jose na mahal niya. Nami-miss daw niyang makipagkuwentuhan sa mahusay na aktres.

Natanong si Ina sa relasyon ng anak na si Erika kay Kobe Paras. Hindi raw natuloy ang relasyon ng dalawa dahil hindi nag-work ang long-distance relationship.

Hanggang dito lang ang maiko-comment niya dahil pinagbawalan daw siyang mag-comment ng anak.

Pero payo niya raw kay Erika, 'wag munang magseryoso sa pag-ibig dahil marami pang makikilala.

Pasabog sa V-day… ALJUR AT AJ, LANTARAN NA!

ni Nitz Miralles @Bida | February 15, 2023

Pa-Valentine’s Day nina Aljur Abrenica at AJ Raval sa mga supporters nila ang ipinost na photo ni AJ na magkasama sila sa beach.

Hindi lang kami sure kung kahapon nag-beach ang dalawa dahil sa Instagram ni Aljur na nasa beach siya, ang nakalagay ay three days ago pa.

Ayun, na-trigger na naman ang mga bashers sa caption ni AJ sa photo nila ni Aljur na holding hands at nasa beach, pero nakatalikod.

Ang caption ni AJ ay “I’ll always give you all the love I have in my heart and love you unconditionally.”

May mga natuwa sa tinawag nilang grand launch nina AJ at Aljur, pero may mga panira sa moment dahil hinahanap ang baby daw nila na sana ay i-flex din nila.

May galit pa rin kay AJ at kung anu-ano na naman ang itinawag sa kanya.

Keber naman ni AJ sa mga bashers niya, basta masaya sila ni Aljur.

Kalat na sa mga waiting shed… VILMA, WANTED!

ni Nitz Miralles @Bida | February 14, 2023

Gumagawa ng ingay ang billboard na may nakasulat na “Nasan Si Vi?” na ang ibang billboard, nakataas pa sa mga waiting sheds, kaya nababasa ng commuters na nag-aabang ng sasakyan.

Tama ang hula na ang ‘Vi’ na tinukoy ay si Vilma Santos, pero kung para saan ang billboard, ‘yun ang hindi natin alam.

Ang hula ng iba, promo raw ‘yun sa anniversary special niya sa ABS-CBN airing on February 18, to celebrate her 60th year in showbiz. May nag-iisip naman na baka early promo ito para sa pagbabalik-pelikula ni Vilma.

May mga iba pang hula kung para saan ang “Nasan Si Vi” billboards at malapit na nating malaman ang tungkol dito. Maghintay lang tayo ng ilang araw.

Speaking of Vilma, isa siya sa mga nagpahayag ng lungkot sa pagpanaw ni Lualhati Bautista, ang sumulat ng istorya ng Bata, Bata, Paano Ka Ginawa at Dekada '70 na parehong pinagbidahan ni Vi.

Nag-post siya sa IG story ng photo ni Lualhati at may caption na “Paalam at Maraming Salamat, BB. Lualhati Bautista. Sumalangit nawa ang iyong kaluluwa. Ipagpapatuloy ko ang pakikipaglaban para sa karapatan ng mga kababaihan.”

Nakasulat din ang mga pangalang “Lea Bustamante” at “Amanda Bartolome” na karakter na ginampanan ni Vilma sa mga pelikulang Bata, Bata Paano Ka Ginawa at Dekada '70.