Para magka-boses ang LGBT community… VICE, NAG-ENDORSO NG PARTYLIST

ni Nitz Miralles @Bida | Oct. 18, 2024

Photo: Vice Ganda - FB

Hindi lang suportado ni Vice Ganda ang Ang Kasangga Partylist, present din siya nang i-announce ni George Royeca, ang CEO ng Angkas, ang pagkandidatong congressman sa darating na 2025 midterm elections. Ine-endorse ni Vice ang kandidatura ni George, hindi lang dahil kaibigan niya ito, naniniwala rin siya sa advocacy ng partylist nito.

Sa pamumuno ni George, isinusulong ng Ang Kasangga Partylist ang pagtulong na maitaas ang buhay at kinabukasan ng informal sector sa bansa. Kabilang dito ang gig workers working in various industry kasama ang entertainment sector.

Saad nila, “The partylist is pioneering an initiative to bring to light the often overlooked and undervalued contributions of informal workers to the national economy.”

Dahil sa endorsement ni Vice, mas lalakas ang boses within the LGBTQ+ community, pati na ang gig at informal workers sa entertainment industry.

---

Sa Tahanang Walang Hagdan (TWH) nag-celebrate ng kanyang 37th birthday kahapon si Bea Alonzo at pinasaya niya ang mga naroon by her presence pati na maraming dala niyang mga regalo. Kasama niya sina Jeric Gonzales at Timmy Cruz, gumaganap na nanay at kapatid niya respectively sa Widows’ War (WW) at kinantahan ang mga nasa TWH. 

Naging host naman ng event si Kakai Bautista na kumanta rin. Nakita rin namin sa reels ang mom ni Bea.

Sey ni Bea, “Spreading joy where it matters most. An early birthday celebration at Tahanang Walang Hagdan, a day filled with laughter, love, and unforgettable moments.

“As you know, my mom’s condition has opened my eyes to the challenges faced by persons with disabilities. It’s a cause that resonates with me deeply. Celebrating my birthday at Tahanang Walang Hagdan didn’t just make my day special; it felt like we were able to share a slice of happiness with an incredible community.”

Kasunod nito, pinasalamatan ni Bea sina Timmy, Jeric at Kakai at ang WW staff pati na ang maraming sponsors. Ang daming sponsors kaya maraming naibigay na regalo si Bea.

Maganda ang birthday messages nina Timmy at Jean Garcia kay Bea, pati na ng mga fans at pinuri siya sa kanyang good deeds. Ang dami raw niyang napasaya at maganda ang balik nito sa kanya.

Isa na siguro sa magandang balik kay Bea sa mga pagtulong niya ay ang extension ng WW hanggang sa January 2025. Aabutan yata ang pagre-renew niya ng kontrata sa GMA Network.

---

Kung kelan magpa-Pasko…

JODI, DUROG ANG PUSO PARA SA 100 NA MATATANGGAL SA ABS-CBN

Photo: Instagram / Jodi Sta. Maria

MAY ‘heartbreaking’ na reaction si Jodi Sta. Maria sa balitang 100 workers ng ABS-CBN ang male-lay-off. May kasama pang emoji ng broken heart ang post ni Jodi na ipinag-react din, hindi lang ng mga Kapamilya fans kundi pati ng mga netizens.

“Ang sakit basahin ng balita.” 

“Bilang Kapamilya, super-sakit nito.” 

“Hugs to everyone affected by the decision.” 

May nag-comment pa ng “Yes... truly heartbreaking. Praying for the God of provision to provide for whatever was lost a hundredfold. Praying for strength for the entire network too.”

Ang mas nakalulungkot nito, malapit na ang Pasko at papasok ang Bagong Taon, makakuha man ng separation pay ang mga mawawalan ng trabaho, mauubos din ‘yun. 

Sana lang, makahanap agad ng bago ang mga mawawalan ng trabaho.

Naalala namin, may nabasa kaming tumulong financially si Jodi Sta. Maria sa ilang empleyado ng ABS-CBN na naunang nawalan ng trabaho. Siguradong gagawin uli ito ng Lavender Fields (LF) actress kapag may lumapit sa kanya at humingi ng tulong.

‘Di raw dapat nag-sorry sa simbahan… NEIL, TODO-KAMPI KAY JULIE ANNE

ni Nitz Miralles @Bida | Oct. 17, 2024

Photo: Neil Arce at Julie Anne San Jose - Instagram

Nagpasalamat ang mga fans ni Julie Anne San Jose kay Neil Arce dahil sa Facebook (FB) post nito tungkol sa kontrobersiyang kinasangkutan ng Kapuso singer-actress dahil sa performance niya sa simbahan.

Sey ni Neil, “Saw the issue about Julie Anne San Jose singing in church. I saw her and her network apologize as well. Why apologize? Let’s all remember, we were made in His image and likeness. We have a sense of humor because God has a sense of humor, we enjoy listening to music and seeing people dance because God likes listening to music and seeing people dance as well! 

“Why would He give us these talents if He doesn’t want us to use it? I guarantee you mas hindi nagustuhan ng Diyos ang mga nag-judge sa kanya.”

Ang daming nag-like sa post na ito ni Neil na ibig sabihin, pabor sila sa sinabi nito. Matutuwa si Julie kapag nabasa ang post na ito ni Neil Arce dahil may mga gaya sa husband ni Angel Locsin na hindi siya kinondena at ipinagtanggol pa nga siya.      

---

PORMAL nang ipinakilala si Ogie Diaz bilang main host ng Quizmosa, ang new variety show ng TV5 na ang description ay “chismis with a quiz”. Kasamang ipinakilala ang mga makakasama niya sa show na sina Ton Soriano na isang viral comedian and content creator, ang social media star na si Tita Jegs at ang heartthrob na si Kid Yambao.

Sa mediacon, nagpa-sample ng isang game na gagawin na tinawag na “Mamili Ka” na ang mga tanong ay tungkol sa showbiz, kaya mahuhulaan ng contestant. 

Ang contestant ay puwedeng from showbiz o non-showbiz peeps at sabi ni Ogie, welcome mag-guest kahit ang mga artistang ayaw, galit o nagdemanda sa kanya.

Hindi lang host ng Quizmosa si Ogie, kasali rin siya sa creative, hindi nga lang sinagot ang tanong namin kung iba ang talent fee (TF) niya bilang host at bilang member ng creative team. Nabanggit nito ang pangalan ni Enrico Santos na isa sa mga writers o kasama sa creative team. Nagkatrabaho na sila ni Ogie sa ABS-CBN.

Kita at ramdam ang rapport ni Ogie with his co-hosts. Maganda ang batuhan nila ng joke at parang ni-rehearse ang batuhan nila ng punchline. Swabe ang datingan at dahil ito sa magagaling sina Ton at Tita Jegs and in fairness, nakasabay si Kid.

Natanong si Ogie sa isyung kapareho ng title ng Quizmosa ang title ng bagong segment ng TikToClock. Ginamit na ng GMA-7 ang segment title sa episode ng kanilang show, samantalang sa October 21, 2:30 PM pa ang pilot ng show nina Ogie sa TV5.

“Bahala na ang MediaQuest Ventures sa isyung ‘yan. Ang alam ko, naka-register sa pangalan ng Mediaquest Ventures ang copyright at trademark at August pa lang, ‘yun na ang title ng show namin,” sagot ni Ogie.

Ang MQuest Ventures at Cignal TV ang producer ng Quizmosa na nangako ng ‘bigger and bolder entertainment package to viewers’. Nangako rin sina Ogie na gagalingan nila ang pagpapatakbo sa show dahil ang goal nila ay bumalik sa panonood sa telebisyon ang mga tao. Goal din nilang paabutin ng 20 years ang show.

---

WORDS of encouragement at ang iba, nag-congratulate pa kay Kylie Padilla for being a good mother to her two sons pagkatapos niyang i-post ang palitan nila ng letters ng kanyang mga anak.

Ang cute ng sulat ng panganay niyang si Alas na ang sabi (as is), “I love you, Mama. In the whole world and universe. Be okay in work.”

Sa isa pang sulat, ang sabi naman (as is), “I wish Bakti will be okay in Heaven and please God takeker of bakti.” 

Ang cute raw na hindi kinorek ni Kylie ang spelling ng “take care” ng anak.

May mga naka-relate naman, lalo na ang mga single moms, sa letter ni Kylie sa mga anak na sina Alas at Axl. May mga naluha pa nga at gustong yakapin ang mga anak ni Kylie.

“Hi babies! Mama misses you. Always thinking of you! Behave kayo, ha? ‘Wag kayo mag-aaway, ‘wag n’yo sigawan mga yaya ninyo. Konting tiis lang, sa work si mama. Bili kayo food n’yo, I love you.”

Ang caption ni Kylie sa kanyang post ay “We are a letter writing family.” 

Ang comment ng mga netizens, iba kapag working mom, gustuhin mo mang hindi iwan ang mga anak, hindi puwede dahil kailangan mong magtrabaho.

At least si Kylie Padilla, may mga projects. Nasa cast siya ng Asawa Ng Asawa Ko (ANAK), may Sang’gre pa siya at kasama sa cast ng MMFF entry ng GMA Pictures at GMA Public Affairs na Green Bones (GB).

Misis ni Chiz, 'di dadalo… HEART AT PIA, PAREHONG INVITED SA VICTORIA SECRET SHOW

ni Nitz Miralles @Bida | Oct. 15, 2024

Photo: Heart Evangelista at Pia Wurtzbach - Instagram

PAREHONG nagko-collect ng Labubu bag charm sina Marian Rivera at Heart Evangelista at pareho silang may partikular na Labubu bag charm. 

Kaya nang mag-post si Marian, napa-comment si Heart ng “Twins tayooooo, gandaaaaa,” na sinagot ni Marian ng emoticon.

Natuwa ang mga fans ng dalawa, patunay daw ito na okay na okay na silang dalawa. 

In fairness to Marian and Heart, nagkita na sila sa isang event at nagkayakapan at nagkakuwentuhan pa. 

Ang kulang na lang sa kanila ay magkita, mag-lunch or dinner at magkakuwentuhan nang walang ibang tao sa paligid.

Dahil sa comment ni Heart at nalaman na pareho silang collectors ng Labubu bag charm, may request na mag-collab sila sa video at ipakita ang kani-kanyang collection. 

Mas naunang nag-collect si Marian, pero si Heart, namakyaw at na-in love yata sa Labubu. Ang kulang na lang kay Heart ay mag-collect din ng Pop Mart dolls kung saan marami si Marian.

Samantala, tanong ng mga fans ni Heart, may sine-shade raw ba siya sa caption niya sa post nila ng photo ng fur baby niyang si Panda? 

Sabi kasi ni Heart, “I didn’t lie...  I said ILY (I love you) @pandaongpaucoescudero.”

Lumabas ang post na ito sa gitna ng isyu kung sino ba talaga sa kanila ni Pia Wurtzbach ang naunang inimbita sa Victoria’s Secret (VS) Fashion Show sa New York City at ngayon na ‘yun, October 15.

Nabanggit ni Heart that she declined the invitation dahil gusto niyang magpahinga after ng Milan at Paris Fashion Week. Saka, nag-birthday si Senate Pres. Chiz Escudero noong October 10 at mapapagod nga naman siya. 

Nagpo-promote pa siya ng docu series niyang Heart World (HW) na airing this October sa

GMA-7.

Si Pia, dadalo at nilinaw ng kampo nito na isa rin siya sa mga unang naimbita. Saka, comment ng Victoriassecretph, “We can’t wait!!!” 

Para wala nang isyu, pareho silang una sa listahan ng mga invited at nagkataon na hindi makakadalo si Heart. 

Magbubukas ng VS store sa bansa, abangan natin kung parehong invited at dadalo sina Heart Evangelista at Pia Wurtzbach. Baka naman magkrus na ang mga landas nila sa event at magbatian na sila.

---

Lalo na sa bilihan ng boto… 

MGA PULITIKO, SAPUL SA MOVIE NI MARIAN 

PULITIKO at tumatakbong mayor ang role ni Gardo Versoza sa Balota at ang description sa karakter niyang si ‘Edralin’ ay isang former sexy star running for mayor. 

Nakakatuwa na may ginamit na old photos niya sa old Seiko movies na pa-sexy pa ang kanyang role at sexy movies ang mga pelikulang ginagawa.

Well, ang husay ni Gardo lalo na sa eksenang hindi pinahawakan kay Marian Rivera ang expensive figurine na naka-display sa mansion niya. 

Nakakatawa pang lalo ang last scene niya na nakaupo sa wheelchair noong huhulihin na siya dahil nangyayari ito sa totoong buhay.

Eye-opener ang Balota at sa nangyayari sa pelikula ni Director Kip Oebanda na mga eksena, nakakatakot, pero alam mong totoo, pati ang bilihan ng boto na hindi itinatago at harap-harapan na ginagawa ng mga tauhan ng pulitiko. 

Curious kami kung ilang politicians ang manonood ng Balota kapag ipinalabas na. Nationwide ang showing nito, mas marami ang makakapanood. Maka-relate kaya sila?

---

Dumalo at kabilang sa nanguna sina Senator Bong Revilla at Congw. Lani Mercado sa ginanap na Bagong Pilipinas Serbisyo Fair (BPSF) sa Philsport Arena, Pasig City last Sunday (Oct. 13).

Sa kanyang Facebook (FB), ipinaliwanag ni Sen. Bong kung para saan ang BPSF, “Sa ngalan ng ating mahal na Pangulong Bongbong Marcos at House Speaker Martin Romualdez ay atin pong pinangunahan ang Bagong Pilipinas Serbisyo Fair (BPSF) para sa mga haligi ng sining dito sa Philsport Arena, Pasig City- bilang suporta sa mga Alagad ng Pelikula, Telebisyon, at Radyo.

“Karangalan po nating maging bahagi ng makabuluhang programang ito, lalo pa’t sa pamamagitan nito ay nailapit ng ating pamahalaan ang mga serbisyo at benepisyo para sa industriyang napakalapit sa aking puso.

"Mabuhay ang Bagong Pilipinas! Mabuhay ang mamamayang Pilipino!”

Bukod kina Bong at Lani, present din sa BPSF sina Cong. Arjo Atayde, MMDA Chair Romando Artes, Cong. Franz Pumaren, DSWD Secretary Erwin Tulfo, FDCP Chair Jose Javier Reyes, former DILG Sec. Benhur Abalos at marami pang iba.

Magkatulong ang MMDA/MMFF, Mowelfund at DSWD para maging successful ang BPSF at matanggap ang tulong na ipinamahagi sa mga manggagawa sa pelikula, telebisyon, at radyo.