AKTOR AT AKTRES, DEDMAHAN NA, WA' NA LIKE SA POST SA SOCMED, 1 MONTH NANG BREAK

ni Nitz Miralles - @Bida | November 28, 2021

BLIND ITEM:

Parang hindi lang two weeks break ang young showbiz couple na ito gaya ng naisulat sa blind item dahil matagal na silang nagdededmahan sa Instagram na isa sa mga batayan ngayon kung may problema o break na ang magkarelasyon.

Magwa-one month nang hindi nila-like ng aktor ang post ng aktres at hindi na rin siya nagko-comment, 'di gaya ng dati na kapag nag-post ang aktres, susunod na ang comment at pagla-like ng aktor.

Ngayon, hindi na nababasa ang pangalan ng aktor sa mga nagla-like at nagko-comment sa post ng aktres.

Actually, ang mga netizens at mga Marites na followers ng dalawa ang nakapansin nito at sila-sila ang nagtatanungan kung break na ba ang dalawa? Hindi nga lang sila sinasagot ng aktor at ng aktres na tuloy ang dedmahan.

In fairness sa dalawa, hindi nila sine-shade ang isa’t isa, hindi sila nag-iingay at mga Marites ang unang nakapansin hanggang sa naisulat na nga thru blind item.

Malapit na ang birthday ng aktor, hintayin natin kung babatiin siya ng aktres at kapag ginawa 'yun ng girl, baka magkabati na rin sila.

Perfect couple ang dalawa, maganda at guwapo at parehong body beautiful, kaya marami ang manghihinayang kapag hindi sila nagkabalikan.

It’s a tie! JAK, TANGGAP KAHIT MAKIPAGTIKIMAN DIN SI BARBIE SA IBA

ni Nitz Miralles - @Bida | October 18, 2021

This Monday, 3:25 PM, ang pilot ng Stories From the Heart: Never Say Goodbye tampok sina Jak Roberto, Klea Pineda at Lauren Young sa direction ni Paul Sta. Ana.

Fan pala si Jak ni Direk Paul dahil sa pelikula nitong Oros, kaya sobrang excited siya nang malamang ito ang magiging director nila. Hindi lang daw siya nagpahalata, pero kinikilig siya habang nag-uusap sila.

First solo lead role ito ni Jak at pinaka-heavy ang kanyang karakter sa mga nagampanan na niya.

“Matagal ko nang ine-aim na ma-prove ang acting ko sa drama. Kaya nang dumating ang project na ‘to, sabi ko, ‘pag ‘di ko pa ibinigay ang best ko, kailan pa? Heavy drama ito at buong series, grabe ang mga eksena ko at na-fulfill ang gusto ko na maipakita ang acting ko.”

May kissing scene si Jak kina Klea at Lauren at tinanong pala niya ang GF na si Barbie Forteza kung okay dito na may kissing scene siya at pumayag naman ang aktres.

“Sa akin, okay din may kissing scene siya, walang selosan,” ani Jak patungkol kay Barbie.

P18 K na lang daw ang pera sa bangko…ALESSANDRA, UMAMING PA-BANKRUPT NA

ni Nitz Miralles - @Bida | August 30, 2020

Isa sa mga guests ni Luchi Cruz-Valdes sa Usapang Real Life na napanood kagabi sa TV5 ay si Alessandra de Rossi at nagustuhan ng mga viewers ang pagiging totoo ng aktres sa ina na P18K na lang ang laman ng kanyang bank account.

Kaya tama rin ang nabanggit niyang “Pa-bankrupt na ang bank account ko” dahil mabilis maubos ang halagang ‘yun lalo na ngayon na matumal ang dating ng mga projects.

Idagdag pa na takot lumabas ng bahay si Alex at pati ‘yung sinabing lumalabas lang siya ng bahay for work, limitado pa rin at pinipili pa rin nito kung aling offers ang tatanggapin.

Kaya malaking tulong talaga sa kanya 'yung sinabi niyang mga nagbibigay ng ayuda, lalo na ng pagkain, dahil hindi na siya mamimili at magluluto. Less gastos. Kaya ang daming posts na food ayuda sa Instagram page ni Alex bilang pasasalamat.

Naikuwento pa ni Alex na nagkasakit ang dad niya sa Italy at dumaan sa three operations at bilang anak, tumulong siya.

Samantala, isa si Alex sa mga nominated sa 43rd Gawad Urian for the movie Lucid at inaabangan na rin ang first directorial job niyang Fuffy and Fream. Si Alex ang director at leading lady ng movie at katambal niya si Piolo Pascual.