Pasabog sa V-day… ALJUR AT AJ, LANTARAN NA!

ni Nitz Miralles @Bida | February 15, 2023

Pa-Valentine’s Day nina Aljur Abrenica at AJ Raval sa mga supporters nila ang ipinost na photo ni AJ na magkasama sila sa beach.

Hindi lang kami sure kung kahapon nag-beach ang dalawa dahil sa Instagram ni Aljur na nasa beach siya, ang nakalagay ay three days ago pa.

Ayun, na-trigger na naman ang mga bashers sa caption ni AJ sa photo nila ni Aljur na holding hands at nasa beach, pero nakatalikod.

Ang caption ni AJ ay “I’ll always give you all the love I have in my heart and love you unconditionally.”

May mga natuwa sa tinawag nilang grand launch nina AJ at Aljur, pero may mga panira sa moment dahil hinahanap ang baby daw nila na sana ay i-flex din nila.

May galit pa rin kay AJ at kung anu-ano na naman ang itinawag sa kanya.

Keber naman ni AJ sa mga bashers niya, basta masaya sila ni Aljur.

Kalat na sa mga waiting shed… VILMA, WANTED!

ni Nitz Miralles @Bida | February 14, 2023

Gumagawa ng ingay ang billboard na may nakasulat na “Nasan Si Vi?” na ang ibang billboard, nakataas pa sa mga waiting sheds, kaya nababasa ng commuters na nag-aabang ng sasakyan.

Tama ang hula na ang ‘Vi’ na tinukoy ay si Vilma Santos, pero kung para saan ang billboard, ‘yun ang hindi natin alam.

Ang hula ng iba, promo raw ‘yun sa anniversary special niya sa ABS-CBN airing on February 18, to celebrate her 60th year in showbiz. May nag-iisip naman na baka early promo ito para sa pagbabalik-pelikula ni Vilma.

May mga iba pang hula kung para saan ang “Nasan Si Vi” billboards at malapit na nating malaman ang tungkol dito. Maghintay lang tayo ng ilang araw.

Speaking of Vilma, isa siya sa mga nagpahayag ng lungkot sa pagpanaw ni Lualhati Bautista, ang sumulat ng istorya ng Bata, Bata, Paano Ka Ginawa at Dekada '70 na parehong pinagbidahan ni Vi.

Nag-post siya sa IG story ng photo ni Lualhati at may caption na “Paalam at Maraming Salamat, BB. Lualhati Bautista. Sumalangit nawa ang iyong kaluluwa. Ipagpapatuloy ko ang pakikipaglaban para sa karapatan ng mga kababaihan.”

Nakasulat din ang mga pangalang “Lea Bustamante” at “Amanda Bartolome” na karakter na ginampanan ni Vilma sa mga pelikulang Bata, Bata Paano Ka Ginawa at Dekada '70.

IG NI PAULO, SI JANINE ANG LAMAN; RAYVER, SI JULIE ANNE NAMAN

ni Nitz Miralles - @Bida | November 28, 2021

IG, rayvercruz / pauavelino

Tsinek namin ang Instagram accounts nina Paulo Avelino at Rayver Cruz to know kung totoong ang IG ni Paulo ay puno ng pictures ni Janine Gutierrez at ang IG naman ni Rayver ay puno ng larawan ni Julie Anne San Jose.

Totoo nga, ang daming pictures ni Janine sa IG ni Paulo at ganu’n din ang IG ni Rayver na maraming pics ni Julie.

Pero, karamihan sa mga pictures ni Janine sa IG ni Paulo ay photos at posters sa series nilang Marry Me, Marry You.

Sa kaso ni Rayver, photos para sa Limitless Part 2: Heal nang mag-guest siya sa concert ni Julie Anne at TikTok nila ng aktres ang ipino-post o kaya’y mga larawan nila sa The Clash.

Naniniwala pa rin ang marami na magkakainlaban ang dalawang pareha. Hintayinna lang daw kung sino sa two couples ang unang magkakainlaban at aamin.