KATHRYN, BINATI SI JULIA DAHIL P30 M NA ANG MOVIE NILA NI ALDEN

ni Nitz Miralles @Bida | October 27, 2023

Mababasa sa Instagram post ni Julia Montes na nagpasalamat na may P30 million gross na ang Five Breakups and A Romance ang comment ni Kathryn Bernardo na nakasulat ang “That’s my girl.”

Natuwa ang mga fans dahil nagsusuportahan daw ang mga reyna.

Ini-repost ni Julia ang “30 Million! Buhay na Buhay Ang Sinehan! Taos-pusong pasasalamat sa lahat ng nanood.”

Post naman ni Alden, “30M pong pasasalamat. Now on our 2nd week.”

May mga tao lang na hindi masaya sa success ng movie dahil ikinumpara ang gross nito sa A Very Good Girl nina Kathryn at Dolly de Leon. May nagalit pa kay Alden dahil bakit daw kailangan pang sabihin kung magkano ang kinita, bakit daw ang iba, tahimik lang ‘pag kumita ang pelikula?

Hindi na nakasagot ang hater ni Alden nang ipaliwanag sa kanya na part ito ng promo para makaengganyo pa ng moviegoers. Sa halip na magkumpara, hindi na lang maging masaya na balik na ang tao sa panonood sa sinehan at sana, magtuluy-tuloy na hindi lang hanggang sa MMFF sa December.

Ito rin ang rason kung bakit kahit showing na ang movie, tuloy pa rin sa pagpo-promote sina Julia, Alden at Direk Irene Villamor. The same reason kung bakit walang kapaguran si Alden sa pag-attend sa mga block screenings na umabot na sa 48 at baka lumampas pa sa 50.

"COCO, ANSWERED PRAYER KO" — JULIA

ni Nitz Miralles @Bida | October 26, 2023

Open na nga si Julia Montes sa kanila ni Coco Martin at sa interview sa kanya ni Bernadette Sembrano para sa vlog nito, nabanggit ng aktres na ‘answered prayer’ sa kanya ang actor.

“Si Coco kasi nu'ng time na lost ako as a person, siya ‘yung nag-guide sa akin. Siya ‘yung answered prayer ko. Na nu'ng mga time na ‘Ano'ng gagawin ko, Lord?' ipinakita niya na siya rin, been through all hardships. Tapos, keep the faith, eh, Nazarene devotee sila ni Lola, so parang na-realize ko na ‘Oo nga 'no?' Basta ‘wag ka lang gi-give-up. Keep the faith. ‘Yun 'yung isa sa mga ipinagpe-pray ko na in-answer ni Lord thru Coco,” sabi ni Julia.

Ayon pa kay Julia, importante sa kanila ni Coco ang privacy, kaya walang masyadong nabalita sa kanila. Inamin din ni Julia na nagseselos siya sa mga nakakapareha ni Coco dahil tao lang siya.

“Pero maturity. Saka work is work. Si Coco naman, sobrang ano 'yan na tao, mabuti, mabait at wala akong masasabi kaya kalma lang,” ayon pa kay Julia.

Suportado rin ni Coco ang career ni Julia. Dito nga sa movie nila ni Alden na Five Breakups and A Romance, nag-promote si Coco at nagpa-block screening pa.

Bea, sure nang pakakasalan… "SOON" — DOMINIC

ni Nitz Miralles @Bida | June 15, 2023

Kinilig ang mga fans nina Bea Alonzo at Dominic Roque sa naging sagot ng aktor sa Mega tungkol sa engagement nila ng dyowang aktres, “It will, it will be next. Soon.”

Kaya ayun, nagwala na ang mga supporters ng celebrity couple at waiting na raw sila kung kailan ang “big day” nina Bea at Dominic.

May isang netizen pa nga ang nakapansin na tila walang hesitation ang aktor sa pagsagot sa tanong kung kailan siya magpo-propose sa girlfriend. Which means, sure na sure na nga ito na si Bea na ang babaeng pakakasalan niya.

Na-interview si Dominic sa The Mega Ball Art and Fashion habang katabi si Bea. Hindi na tinanong pa ang aktres, pero kinilig din ang kanilang mga fans sa sinabi niya patungkol sa boyfriend na, “You were absolutely the best part of my night, @dominicroque.”

Pati ang mga kaibigan ni Bea sa showbiz ay napa-comment na rin. May nabasa lang kaming nakakatawang komento na sinabing sana ay ‘di na nagsuot ng high heels ang aktres dahil nagmukha tuloy mas matangkad siya kay Dominic.

Samantala, may nakita kaming picture ng taping ng newest talent show sa GMA-7 na Battle of the Judges. Makikitang magkatabi sina Bea at Alden Richards na nagkaroon ng issue dahil sa pag-atras ng aktres sa kanilang movie project.

Isa si Bea sa mga judges ng nasabing talent competition habang si Alden naman ang magiging host nito. Natutuwa ang kani-kanyang mga fans nila na muling magkakatrabaho ang dalawa.

Bukod sa host, mga judges at contestants, isa sa mga aabangan sa Battle of the Judges ang stage ng talent show na concept ng kanilang director na si Rico Gutierrez.

Ang ganda-ganda at ang bongga-bongga ng porma at ayos ng stage ng nasabing newest talent competition ng Kapuso Network.