Todo-displey ng puwet… IVANA, HALOS HUBO'T HUBAD NA SA IG POST

ni Nitz Miralles @Bida | Apr. 5, 2025

Ivana Alawi - IG

May aabangan uling collab vlog kina Barbie Forteza at Ivana Alawi, and this time, hindi sila nag-ukay-ukay at namili sa Farmer’s Market, magkasama silang nag-pilates. Hindi na lang nabanggit ng dalawa kung saan sila nag-pilates, makikita lang sa photos na masaya sila sa muli nilang pagkikita.

Sa text overlay ng post ni Ivana, nakasulat ang “ily (I love you) @barbaraforteza,” na sinagot ni Barbie ng “lovely seeing you! @ivanaalawi.”

Dahil beshie na ang dalawa, tiyak na masusundan pa ang pagkikita nila. Kahit hindi sila mag-collab sa vlog, puwede silang magkita para magkape at magkuwentuhan. Ang dami nilang puwedeng gawin together maliban sa pagtakbo na kinahihiligan ni Barbie ngayon.

Hindi lang feel ni Ivana na tumakbo dahil nang matanong ito sa last mediacon niya, naiinitan daw siya at napapagod. Pero, kapag nayaya siya ni Barbie, maganda sanang bonding nila ang pagtakbo.

Isa pala sa mga inire-request ng mga fans kay Ivana ay i-guest niya sa isa niyang vlog sina Barbie at David Licauco at Dustin Yu na na-link sa kanya noong mag-house guest siya sa Bahay ni Kuya. Sana raw, paglabas ni Dustin, magsama-sama silang apat at madali lang ito dahil mag-best friend sina Dustin at David.

Speaking of Ivana, pasabog ang latest post nito na halos hubo’t hubad na, topless siya at pawang bikini na lang ang suot na pang-ibaba. Kita ang puwet nito kaya napa-wow ang mga nakakita.

---

Si Marian Rivera ang unang nag-comment sa Reels post ni Dingdong Dantes ng teaser ng movie nito at ni Charo Santos na Only We Know (OWK).

Walang sinabi ang aktres, nag-post lang ng emojis ng eyes at red heart. Nag-comment din si Charo at itinag si Marian with red heart emoji.

Nakakatuwa ang comment ni Snooky Serna na kinilig siya sa teaser at sinagot siya ni Charo by tagging her with red heart emoji rin. Itinag din ni Direk Irene Villamor si Marian at maganda ang palitan ng comment ng mga netizens.

Maganda rin ang feedback sa teaser na tinatampukan nina Charo at Dingdong at marami na ang excited na mapanood ang movie kahit sa June 11, 2025 pa ang playdate.

Kundi nga, “OMG!” ay “Wow!” “Kilig” at “Can’t wait” ang comment na mababasa.

Sa feedback, comments at pagkakagulo ng mga fans, kikita ang pelikula, susuportahan ng kahit hindi fans ng dalawa. ‘DongCha’ ang tawag sa team-up nina Charo at Dingdong at nakadagdag sa ganda ang theme song na Sariling Mundo ni TJ Monterde.

Collab production ito ng Star Cinema, Cornerstone Studios at AgostoDos Pictures ni Dingdong. Rated G ito ng MTRCB for General Audience.

Samantala, nagkita-kita sina Charo, Dingdong at Marian sa 80th anniversary ng Unilab. Sabi ng mga fans, magkikita uli ang tatlo sa premiere night ng nasabing pelikula.

---

NAKANGITING ibinalita ni Ashley Ortega na pinadalhan niya ng mga flowers ang mom niya na three years na niyang hindi nakikita at nakakausap. Pero hindi siya nagmamadali na tanggapin siya nito agad at lumambot ang puso sa kanya, lalo na’t siya ang umalis sa kanilang bahay.

“Tamang pacing,” na ang ibig sabihin, she’s giving her mom all the time in the world na mag-sink-in na bumabalik sa kanya si Ashley. 

“Siyempre I left her, I haven’t spoken to her,” sabi ni Ashley.

In fairness kay Ashley, kahit wala ang ina at sister lang yata niya ang nakakausap sa years na wala siyang komunikasyon with her mom, nakaya niya. Survivor ito, kaya mapupuri rin ang aktres. Solo siya sa kanyang condo at mga kaibigan lang ang nakakausap. At least ngayon, may Mavy Legaspi na siya na mag-aalaga sa kanya.

---

PATULOY na gumagawa ng ingay sa ibang bansa ang Voltes V: Legacy (VVL) dahil kalahok ang series sa Golden Horse Fantastic Film Festival sa Taipei, Taiwan. 

Ipapalabas ang series sa April 13 at 17 bilang bahagi ng festival.

Bukod doon, mapapanood din sa selected cinemas sa Taiwan at Hong Kong ang masterpiece collaboration between GMA Network, Toei Company, at Telesuccess Production.

Tampok sa VVL sina Miguel Tanfelix, Ysabel Ortega, kasama rin sina Gabby Eigenmann, Carla Abellana at Albert Martinez.

Naka-move on na sa hiwalayan… DANIEL, ‘DI NA BINATI SI KATHRYN NU'NG B-DAY

ni Nitz Miralles @Bida | Apr. 4, 2025

Daniel Padilla at Kathryn Bernardo - Instagram

Ang pagkikita nina Daniel Padilla at Kathryn Bernardo sa gaganaping ABS-CBN Ball tonight ay isa sa mga inaabangan ng mga fans ng dalawa. Hoping ang mga KathNiel fans na magkita at magbatian man lang ang dalawa, magngitian kahit hindi na magbeso.

Pero, kung ang mga solid fans ng dalawa ang masusunod, ayaw nila itong magkita lalo na magbatian pa sina Kathryn at Daniel para hindi na umasa ang mga KathNiel fans na baka magkabalikan pa sila. Wala na raw rason na magkabalikan pa sila dahil pareho na silang nakapag-move on.

Sa comment nga ng isang fan ni Kathryn na baka pasukin na naman ni Daniel ang ex-GF sa dressing room nito para makita at makausap, sagot ng fan ni Daniel, hindi na mangyayari ‘yun. Nakapag-move on na raw si Daniel at magiging masaya ito na ang co-stars sa Incognito ang mga kasama sa designated table nila.

Anyway, birthday ni Daniel sa April 26, at may pa-Twitter party ang mga fans nito. May pa-countdown sila sa 30th birthday ng aktor at nagsimula ang Twitter party nila nu'ng Apr. 1 at magtatapos sa Apr. 26. 

Ginawa ito ng mga fans para raw maging memorable ang birthday ng aktor, iba-iba ang theme nila araw-araw para mas masaya.

Hindi na sila umaasa na babatiin ni Kathryn Bernardo ng ‘Happy birthday!’ si Daniel Padilla dahil hindi rin naman binati ng aktor ang ex sa nakaraan nitong birthday. Saka, naka-move on na nga sila sa isa’t isa.

---

HINDI bawal na pag-usapan si Barbie Forteza sa mga interbyu kay David Licauco na nagpo-promote ng pelikulang Samahan ng mga Makasalanan (SNMM). May nag-isip kasi na baka pinangbawalan ang aktor na banggitin si Barbie dahil si Sanya Lopez ang kasama niya sa nabanggit na pelikula.

Pero, sa interview kay David ni Nelson Canlas, libre siyang natanong ni Nelson tungkol kay Barbie at libre rin naman nitong sinagot ang mga tanong. 

Kinilig nga ang BarDa fans sa sinabi ni David na, “I just really care about her a lot,” at waiting sila sa mga susunod na gagawin nitong pahayag.

Aminado si David na iba ang turing niya kay Barbie noong karelasyon pa nito si Jak Roberto bilang respeto na rin. At least, walang maibato sa kanya si Jak dahil naging careful si David sa pagsagot sa mga tanong tungkol sa ka-love team. Iba na ang panahon ngayon na pareho na silang single.

Maganda rin ang sagot ni David sa tanong kung may ligawan nang nangyayari sa kanila ni Barbie.

Sey kasi niya, “We have to think na, of course, Barbie just got off from a relationship and we should respect that. Kailangan niyang mag-heal.”

Dahil hindi love team sina Sanya at David sa SNMM at hindi naman romance ang pelikula ni d

Director Benedict Mique, wish ng mga fans na present si Barbie sa premiere night ng movie sa Apr. 10, suporta raw kay David at kay Sanya na rin at sa iba pang kasama sa movie.

---

NONCHALANT si Mark Herras sa balitang idedemanda siya ni Jojo Mendez, tuloy ang buhay para sa kanya. 

Hindi ito nagbabanggit ng tungkol sa isyu at last na raw ‘yung pagsasalita at pakiusap na huwag siyang isama.

The day na lumabas ang balitang idedemanda siya, nag-post ito sa IG Stories niya ng TikTok video niya na sumasayaw at may “Mark Herras” na caption. Katabi nito ang isang nagsasayaw din na ang caption naman ay “Mark Rehas.”

Biniro kasi si Mark ng mga netizens na kapag nakulong siya ay magiging Mark Rehas na siya.

Nasa Instagram (IG) Story din ni Mark ang pagluluto niya ng breakfast for his family at masaya silang nagbe-breakfast na parang walang iniisip na problema.

Sa bagong post ni Mark, mapapanood ang asawang si Nicole Donesa at anak na si Corky nang makipag-bonding sila kina Vin Abrenica, Sophie Albert at ang panganay nito. 

Wala lang makapag-bash o makaaway kay Mark sa IG dahil limitado ang puwedeng mag-comment sa comment box nito.

Bianca, lumusob sa ospital… RURU, NAAKSIDENTE NA NAMAN SA TAPING NG SERYE

ni Nitz Miralles @Bida | Apr. 3, 2025

Ruru Madrid - Instagram

Naaksidente na naman si Ruru Madrid habang nagte-taping ng Lolong, Pangil ng Bayan at kahapon, lumabas ang result ng kanyang MRI. 

“Hoping and praying na hindi ito Grade 3 strain, which means a full tear that could take weeks or even months to recover,” sabi ni Ruru.

Mahirap nga naman kung matatagalan ang kanyang paggaling dahil nasa kalagitnaan siya ng taping sa action-packed series. Paano na kapag naubos ang taped episodes at paano kung wala silang taped episodes?

Sabi pa ni Ruru, “Masakit? Oo. Pero mas masakit ‘yung pakiramdam na kailangan kong huminto. All I could think about was my team, the scenes we still have to finish, and how much I wanted to push through. But that’s the reality of doing action—sometimes, your body reminds you that you’re only human.”

Pinasalamatan ni Ruru ang lahat ng nag-assist sa kanya, kasama ang GF na si Bianca Umali na sumugod sa ospital na pinagdalhan kay Ruru. 

Hindi raw siya iniwan ng GF at habang nagpapagaling siya, tiyak nasa tabi niya ito.

May nag-suggest pala na kapag natapos ang Lolong, ‘wag munang action ang gawin ni Ruru. Romance-comedy o kaya’y drama muna ang gawin niya at ipahinga muna ang

katawan na nabubugbog doing action scenes.

May pangako pala si Ruru, “This is just part of the journey. And trust me, I’m coming back stronger. See you, soon!”

---

Piktyur ng isa't isa sa IG, ‘di pa binubura…

MIKEE, INIYAKAN ANG BREAKUP NILA NI PAUL

Akala ng lahat, April fools lang ang balitang break na sina Mikee Quintos at Paul Salas at may nag-akusa pa ngang baka promo lang ng Slay na kasama ang aktres sa cast. Pero, sa guesting nito sa Fast Talk with Boy Abunda (FTWBA) nu'ng Martes, inamin ni Mikee na break na nga sila ni Paul.

Umiiyak si Mikee na nagtapos na nga ang relasyon nila ni Paul, kaya pala hindi na nila inila-like ang post ng isa’t isa sa Instagram (IG). 

Naka-off din ang comment box ng IG ni Paul, pero may photos pa ni Mikee sa IG niya. 

Ganoon din si Mikee, may photos pa ni Paul sa IG niya at dahil naka-open ang comment box, ang daming Marites na nagbigay ng kani-kanyang opinyon sa nangyari.

May mga nanghinayang dahil ang tagal na rin nila at close sila sa kani-kanyang pamilya. Lagi ngang kasama si Paul sa mga travels ni Mikee and her family, dito man o sa ibang bansa. Si Mikee naman, present sa mga family events nina Paul at nag-attend pa nga siya sa birthday ng lolo ng aktor.

May mga ‘kaaliw lang na comments, gaya ng makakahanap din sila ng para sa kanila. Saka, mas bagay daw si Mikee kay Kelvin Miranda na minsan ding na-link sa aktres. May nag-comment pa na sumunod sila sa mga showbiz couples na nag-break, akala pa naman ng mga fans, magtatagal ang kanilang relasyon.

So, sa cast ng Slay, si Mikee na lang ang single dahil sina Gabbi Garcia, Ysabel Ortega at Julie Anne San Jose ay masaya sa kani-kanilang love life.

---

SINUGOD na ng mga netizens ang Instagram (IG) ni Lucena Mayor Mark Alcala and so far, wala pa namang major bashing na ipinupukol sa kanya. 

Ang nababasa lang naming mga comments ay bagay daw sila ni Kathryn Bernardo at may hawig pa na inalmahan ng mga fans ng aktres.

Huwag daw mabanggit-banggit ang pangalan ni Kathryn sa mga comments kay Mayor Mark, ‘wag daw itong idamay. 

May nag-suggest naman na iba na lang ang ligawan ng mayor na sinagot ng isang netizen na ‘wag maging pala-desisyon at ‘wag pakialaman kung sino ang gusto nitong ligawan.

May mga comments din na mas bagay si Mayor Mark at ang volleyball player na si Mika Reyes, kaya lang, break na sila at kay Kathryn na nga nali-link ang una. 

Naging ex din siya ni Ashley Ortega, kaya may sumunod na comment na mahilig daw si Mayor Mark mag-girlfriend ng sikat na at hindi na niya pasisikatin pa.

Actually, walang makakapag-comment sa IG ni Mayor dahil limited ang puwedeng mag-comment sa post niya. Saka, parang hindi siya ma-social media dahil ang karamihan sa post niya ay 2024 pa at nakaka-one post pa lang siya this year.

---

Ipinag-pray na smart, maganda at mabait…

KRIS, MAY NAPILI NANG BABAE PARA MAGING FIRST GF NI BIMBY

BINASA namin ang mahabang post ni Kris Aquino sa Instagram (IG) at may part na nagpa-smile sa amin. Ito ‘yung about Bimby at ang magiging first girlfriend nito.

Aniya, “Bimby got me, but it’s not fair to expect him to always be by my side. I’m excited to meet whoever his first girlfriend will be, there’s someone I really like for him - but when you push too much it’s already meddling. I am praying he will end up with someone smart, articulate, kind hearted, pretty, loving with a mom I’ll get along with and most of all, someone who will love my son equal to the love she has for herself.”

May paliwanag si Kris kung bakit nasabi niya ang last part sa kanyang post.

Sey niya, “Why did I say that? Because I’ve experienced seeing myself through another’s eyes, and that woman wasn’t me. I’ve always been self-assured but with illnesses with minimal options to go into remission, I started losing my confidence.”

Aliw, ‘di ba? Consistent si Kris sa pagiging matchmaker kay Bimb, marami tuloy ang na-curious malaman kung sino ang napili niyang girl para sa anak. 

Kahit noong wala pa siyang sakit, nababanggit na niya ang tungkol sa gusto niyang maging GF ni Bimby and eventually, wife ng kanyang bunso. 

Naalala rin namin na may nabanggit siya sa kanyang magiging balae.

“He turns 18 on April 19, my baby will be an adult. Yet even now, more often he is much more optimistic and level-headed than me,” dagdag na Kris na si Bimb ang tinutukoy.