Kahit dinelete na ang engagement photos nila ng fiance… CATRIONA AT SAM, MAGKASAMA PA RIN

ni Nitz Miralles @Bida | May 12, 2024

File photo: Sam Milby at Catriona Gray

Nalungkot na nga ang shippers nina Catriona Gray at Sam Milby sa balitang dinelete ni Catriona ang engagement photos nila ni Sam sa kanyang Instagram, lalo pa silang nalungkot nang makita ang larawan ng ex-couple (na ba?) na may hawak na coffee.

Nakalagay sa paper cup ang kape ng dalawa at nakasulat sa cup ni Sam ang “Mr. Milby,” nakasulat naman sa baso ng kape ni Catriona ang “Future Mrs. Milby.” Dahil break na raw, paano pa magiging Mrs. Milby si Catriona?

Pero, may nagtsika na noong isang araw, hindi lang nilinaw ng netizen kung before or after mag-delete ni Catriona ng engagement photos nila ni Sam, nakita silang magkasama. Ginawa na rin daw ni Catriona na nagde-delete ng photos nila ni Sam, pero nakikita pa rin silang magkasama.

Sabi tuloy ng netizens, may topak sina Catriona at Sam, may tumawag din sa kanilang weird. Hindi naman puwedeng akusahan sila na nagpapapansin dahil pansinin talaga ang mga face card nila.

Anyway, isa sa latest post ni Catriona ay nasa New York siya at ang caption ay “Still here (mentally).” Ang comment ay parang ina-assure nito ang sarili na she’s okay at ayon naman sa iba, she look happy.

Hindi lang maiwasan na may mag-wish na magkabalikan pa sila ni Sam at matuloy pa rin ang kanilang kasal, sayang daw ang kanilang relasyon. Sagot naman ng ibang netizens, ‘wag na ipilit ang hindi magwu-work at hayaan muna ang dalawa.

ROMMEL, WISH NA MAGKABALIKAN SINA DANIEL AT KATHRYN

ni Nitz Miralles @Bida | May 11, 2024

File photo: Rommel Padilla, Daniel Padilla at Kathryn Bernardo

May pahayag si Rommel Padilla sa breakup ng anak niyang si Daniel Padilla at ni Kathryn Bernardo sa interview ng Stars Photography. Nabanggit nitong ikinalungkot niya ang paghihiwalay ng dalawa.

“Talagang nangyayari ‘yan, eh. Dumarating ‘yung puntong nagkakasubukan. Pero, para sa akin, ako, I still pray na sana, dumating ‘yung panahon na magkita sila ulit, magkaunawaan dahil napakalaking panahon ‘yung inilaan nila sa pagmamahalan nila. Ipinagdarasal ko, sana, manumbalik pa ang kanilang pagmamahalan, lahat kaming Padilla, hindi lang ako ang nalungkot,” ani Rommel.

“Magmuni-muni muna sila at timbangin nila ‘yung kanilang naging pagmamahalan. Dapat pa ba silang magbalikan? Ito ‘yung time na ‘yun na makikita nila kung puwede pang maging sila sa mga darating na araw,” dagdag ni Rommel.

May mga nag-agree kay Rommel na mag-usap sina Daniel at Kathryn at baka nga magkabalikan. Kaya lang, ang mga fans ni Kathryn ang ayaw nang magkabalikan pa ang dalawa. Masaya naman na raw ang dalawa na hiwalay sila at naka-move on na.

Aguuuy! XIAN, BIDA SA MOVIE PERO OUT SA POSTER

ni Nitz Miralles @Bida | May 10, 2024

File photo: Xian Lim

Nakabalik na sa bansa si Xian Lim after ng 9 days shooting sa Thailand para sa pelikulang Kuman Thong na siya ang director. 

Sa photos na ipinost ng staff sa last day shooting, magkatabi pa rin sina Xian at Iris Lee na producer ng movie for Viva Films kaya kasama sa shooting.

Consistent ang dalawa sa mga larawang may mga kasama sila, laging silang dalawa ang magkatabi at alam na natin ang rason. 

Well, kung may mga reporters na may kaibigang staff and crew ni Xian sa production, ang sarap sigurong magtanong at magpakuwento lang naman sa mga kilos nina Xian at Iris sa shooting.

Anyway, ano kaya ang reaction ni Xian na wala ang photo niya sa poster ng Playtime? 

Siya ang lead actor sa suspense-thriller collab movie ng Viva Films at GMA Pictures, pero wala siyang picture sa poster. Ang makikita lang ay ang larawan nina Sanya Lopez, Coleen Garcia at Faye Lorenzo.

Anyway, may kissing scene si Xian sa movie na idinirehe ni Mark Reyes. Hindi lang malinaw kung sino sa tatlong babae ang ka-kissing scene niya. 

Sa mga humula, parang tama ang hula na si Faye ang kahalikan ni Xian at hindi naman siguro magseselos si Iris.

This May na ang showing ng Playtime at kung may mediacon man, sana, present si Xian dahil maraming gustong itanong sa kanya ang press, lalo na sa breakup nila ni Kim Chiu.