Araw-araw daw nagpapa-derma… HEART, NAPIKON NA KAYA LANG MAGANDA DAHIL WALANG ANAK

ni Nitz Miralles @Bida | May 18, 2024

File photo: Heart Evangelista / IG

Napikon si Heart Evangelista sa nag-comment sa TikTok na kaya lang siya maganda ay dahil wala siyang anak. 

Sumagot si Heart ng “Napipikon ako sa 'yo.” 

Dahil hindi real account ang ginamit ng basher sa pang-iinis kay Heart, hindi siya nasagot nang maayos ng aktres.

“Please comment in your real account so I can address you properly,” sagot ni Heart. 

Ipinahanap niya kung sinuman ang taklesang basher na nagpainit sa ulo niya.

Dapat daw, mas matindi pa ang kanyang isinagot.

May binanggit pa si Heart na “I live a very grateful and peaceful life and that makes a lot of difference and every day ako nagpapa-derma kaya ako maganda.”

May nagpayo naman kay Heart na hindi na niya dapat pinapatulan ang mga ganitong comments na alam naman niyang basher. Hindi lang masisisi si Heart dahil sumosobra na ang iba, gaya nito.

Anyway, sa July pa ang GMA Gala at ngayon pa lang, may mga nag-aabang na kung ano ang isusuot ni Heart lalo na’t sinabi nitong five months ginawa ang kanyang gown na gawa ng isang sikat na designer sa Paris. Kaya hintayin natin ang muli niyang pangangabog.

Nagkagulo ang mga fans… HELLO, LOVE GOODBYE (HLG), TULOY DIUMANO ANG PART 2

ni Nitz Miralles @Bida | May 17, 2024

File photo: Alden Richards at Kathryn Bernardo / Hello Love Goodbye

Hindi pa man official at alternative account pa lang ng Star Cinema ang nag-announce ng sequel o part 2 ng Hello, Love, Goodbye (HLG), sari-sari na ang mga reaksiyon ng mga fans kahit blurred ang photo nina Alden Richards at Kathryn Bernardo sa ipinost na clip ng part 1 ng movie.

Nakalagay ang “soon” at maririnig ang sagutan nina Alden at Kathryn bilang sina Ethan at Joy (name ng karakter nila sa movie) respectively, kaya ang dami nang excited. 

Lalo na siguro kapag ang Star Cinema na ang nag-announce na gagawin na ang HLG 2, magkakagulo ang mga fans.

Heto nga at iba’t ibang comments na ang nabasa namin, gaya ng mga fans na nag-comment pa na disappointed sila dahil balik-love team si Kathryn. Kaya lang, hindi naman sila love team ni Alden. Isang pelikula pa lang ang kanilang nagawa at magiging dalawa kapag natuloy ang HLG 2.

Anyway, ang sabi, uunahing gawin ni Kathryn ang HLG 2 bago ang Elena 1944 at kung tama ang nasusulat, sa August na raw sisimulan ang HLG 2. Tamang-tama dahil nasa Canada si Alden that time para sa Sparkle Goes to Canada 2.

Ang shooting ng HLG 2 din daw ang rason kung bakit halos araw-araw ang taping ni Alden ng Pulang Araw.

Again, kung tama ang balita, kundi June ay sa July na ang premiere ng mega-serye ng GMA-7 at kailangan ngang makapag-advance taping ang aktor kung may show siya sa Canada at isusunod ang shooting nila ni Kathryn.      

Ibinulgar kasabay ng Mother’s Day… HEART, NAKUNAN NA NAMAN SA 4TH BABY NILA NI CHIZ

ni Nitz Miralles @Bida | May 13, 2024

File photo: Heart Evangelista

Nagka-miscarriage na naman pala si Heart Evangelista. Sa kanyang Instagram, ipinost niya ang letter para kay Francis na magiging pangalan sana ng son nila ni Senator Chiz Escudero.

Nakakalungkot basahin ang letter ni Heart sa anak na hindi na nito mababasa. Bale ba, ang background music pa na ginamit ay You’ll Be In My Heart ni Christina Perri.

Heto ang letter ni Heart sa anak, “My dear FrancisKo, I was sure to meet you soon. I had prepared a few things you may like but for some reason your beating heart lost its way to us.

I don’t blame you for being scared- it is a scary world but I would like to let you know I was prepared for you, even if I am heartbroken. I will keep my heart intact while you find your way back to us, your beating heart has healed me in so many ways. I love you anak... I’ll be waiting for you - Mama Heart.”

Ikinuwento rin ni Heart kung paano nawala na naman sa kanila ni Sen. Chiz ang dapat ay pang-apat na nilang anak.

“A few days ago, our baby boy's heart stopped beating. This will be our 4th angel... and although this could be one of my biggest heartbreaks... Thank you for still trying to be with me and for making me feel so much love already. Love and hope that this world could never give... I love you “FrancisKo”. I shall keep my heart intact while you find your way back to us.

To all the mothers, fur moms, mothers to friends, thank you for your heart and all the women like me... going through the same struggle... Happy Mothers Day (FrancisKo, my Francis. I love you anak.”

Kabilang si Bea Alonzo sa mga nagpadala ng simpatya kay Heart by commenting

“Mahigpit na yakap” at sinundan ni Anne Curtis ng “Sending you a big hug, Hearty.” 

Marami pang nakisimpatya kay Heart at umaasang magkaka-baby din sila ni Chiz.