From vice-gov. to caregiver… MARC, BABU SA PULITIKA PARA KAY KRIS

ni Nitz Miralles @Bida | June 6, 2024

Birthday ng panganay ni Kris Aquino na si Josh Aquino nu’ng June 4 at kabilang sa mga bumati sa kanya ay si Batangas Vice-Governor Marc Leviste. 

Nag-post ito ng reels na tumatakbo sila ni Josh at sinamahan pa ng warm up. Sa Orange County yata kuha ang reels na makikitang nauna pang tumakbo si Josh kesa kay Marc. 

Sa kanyang caption sa reels, ang sabi ni Marc: “Happy birthday, Kuya Josh! You light up our lives every day. Love, love, love.”

Bukod sa birthday greetings sa reels, nag-post din si Marc sa kanyang Instagram Stories ng baby photos ni Josh habang karga ni Kris. Ang caption naman ni Marc sa post niyang ito: “Happy birthday to a truly special person, Kuya Josh! Here’s to a year filled with even more love, love, love!!! & Stay sweet, loving boy kuya.”

Pinasalamatan si Marc ng mga nagmamahal kay Kris at sa mga anak nito. Ang ganda ng isang comment na “Thank you, Sir Marc Leviste for spending time with this beautiful soul” at sinundan ng “Thank you for spending time with Kris’ boys and a good father figure to them especially to Josh. What you are doing is admirable.”

Sa isang tsikahan, nabanggit ni Marc na tatapusin lang niya ang term niya ngayon as vice-governor of Batangas at hindi muna siya magpupulitika. Ito ay para maalagaan sina Kris, Josh at Bimby pati ang kanyang mga anak.

Madodoble ang labanan sa acting… JODI, PARANG KOREAN DRAMA ANG BAGONG PALABAS

ni Nitz Miralles @Bida | June 5, 2024

Ang ganda ng title ng bagong series ni Jodi Sta. Maria sa ABS-CBN na Lavender Fields at parang Korean drama ang dating. Sa teaser trailer na inilabas ng Dreamscape Entertainment, si Jodi pa lang ang nahulaan.

May mga suot na mask ang ibang cast, pero nauna nang naibalita na makakasama ni Jodi sa isang series sa ABS-CBN sina Jericho Rosales at Janine Gutierrez. 

So, ito na pala ‘yun. Sigurado ang mga Kapamilya fans na labanan ito sa acting dahil pawang mahuhusay ang tatlo.

Ang hula pa ng mga viewers, kasama rin sa cast sina Albert Martinez at Maricel Soriano.

Kung tama ang hula, lalong madodoble ang labanan sa acting dahil with Maricel and Albert, you cannot go wrong.

Para maitama raw ang maling desisyon, Raymart… CLAUDINE, OKS SA DIVORCE

ni Nitz Miralles @Bida | June 4, 2024

Photo: Claudine Barretto

Nadaragdagan ang female celebrities na pumapabor sa divorce at isa na rito si Claudine Barretto. 

Sa kanyang Instagram (IG) page, may post ang aktres na: “Divorce: Having the courage to choose how you’re going to spend the rest of your life.”

Sa caption ng kanyang post, may paliwanag si Claudine, “Annulment is very long, painful & very expensive. Divorce gives you a second chance to right your wrongs. Just my opinion.”

Walang makakontra o makapag-agree sa post na ito ni Claudine dahil naka-off ang comment box ng kanyang IG. 

Pero sa mga nag-like sa kanyang post, mababasa ang mga pangalan nina Lorna Tolentino, Zsa Zsa Padilla, Dennis Padilla, Sherilyn Tan at mga followers niya. Ibig sabihin, pabor din sila sa divorce.

Hindi pa annulled ang marriage nina Claudine at Raymart Santiago na matagal na yatang nai-file. Kung may divorce sa bansa, by this time, officially divorced na sila. 

May pangako pala si Claudine na hanggang hindi pa sila divorced ni Raymart, hindi muna siya makikipagrelasyon ng panibago.