GF, unang tsugi sa PBB CELEB Collab… MAVY, PROUD NA NAKITA NG MADLANG PIPOL ANG TOTOONG PAGKATAO NI ASHLEY

ni Nitz Miralles @Bida | Mar. 31, 2025

Ashley at Mavy - IG - PBB

Nagtuturuan ang mga supporters nina Ashley Ortega at AC Bonifacio kung sino sa dalawa ang rason sa kanilang pagkaka-evict sa Bahay ni Kuya. 

Ang dalawa ang first evictees sa Pinoy Big Brother (PBB) Celebrity Collab Edition. May naniniwalang si AC lang ang dapat na-evict, nadamay lang daw si Ashley and vice-versa.  

Isa sa magagandang nangyari kay Ashley sa pagiging part ng PBB ay mukhang magkakabati na sila ng kanyang mom. May letter ito sa kanya at sinabing napatawad na siya kung anumang kasalanan ng aktres. 

Akala nga namin, ang mom niya ang sasalubong kay Ashley paglabas niya sa Bahay ni Kuya, pero ang sister niya ang nandu'n.  

Nagpasalamat si Ashley sa mga sumuporta sa kanya habang nasa PBB. Sa mga nagmahal daw sa kanya, salamat. Nangako itong sasagutin ang mga nag-message sa kanya kung kaya niya.  

“Kailangan ko munang i-process ang lahat ng nangyari. Thank you sa love and support and I hope I got to inspire a lot of people,” sabi nito.  

May pa-welcome post din si Mavy Legaspi kay Ashley, “So proud of you @ashleyortega. I am so happy the people got to know you better...and they love you! Welcome back to the outside world honey bunny! A girl like you? So lovable.”  

Kinontra ng mga bashers ni Ashley ang post ni Mavy, lalo na sa lovable part. Pareho raw maarte at ma-attitude sina Ashley at AC. 

Ang sagot ni Mavy ay i-post ang number three na pagte-trending ni Ashley sa X (dating Twitter) with 96.8K posts.  

Kasunod nito ang comment na, “Enough said. Goodnight world, goodnight Philippines.” 

Wala pang reaction ang mga netizens sa last post ni Mavy pero for sure, magkakaroon.  

---

Naka-post sa Instagram (IG) account ng Sparkle GMA Artist Center ang photos ni Alden Richards sa contract signing ng partnership ng company niyang Myriad Corporation at ng Viva Group of Companies. Kinongratyuleyt pa nila si Alden sa bagong ganap sa pagiging businessman nito. 

Ayon sa IG post, “Congratulations to CEO and Asia’s Multimedia Star Alden Richards and @myriad corp01 on their exciting new partnership with VIVA. Get ready for new concerts, ventures, and projects coming your way.”  

Nilinaw ni Alden na ang partnership niya sa Viva ay for business only, as Richard Faulkerson dahil bilang si Alden Richards, may exclusive contract pa rin siya sa GMA. 

In fact, pinasalamatan nito ang GMA at Sparkle sa suporta sa mga business ventures niya na parami nang parami.  

Kaya mali ang sinasabi ng mga netizens na baka magtampo ang GMA at si Atty. Annette Gozon-Valdes kay Alden dahil sa pakikipag-partner sa Viva. Baka nga maging ka-collab pa ng Viva at Myriad Entertainment ang GMA Pictures sa gagawing movie nina Alden at Julia Barretto.  

And speaking of Alden, bumisita na siya sa ice plant ng Mr. Freeze Ice King, na pinasok na rin niya. May video na makikita si Alden na nagsasahod ng ice sa sako para i-deliver sa mga nag-order.  

---

NAGKAROON pala ng gig sa Bonifacio Global City (BGC) High Street noong March 29 ang Sinagtala Band nina Rhian Ramos, Rayver Cruz, Matt Lozano at Glaiza de Castro. 

Busking Jam session ang nangyari na ipinag-enjoy ng mga nakapanood sa kanila. Wala si Arci Muñoz at nasa abroad yata that time.  

May mga nagre-request na ulitin ng Sinagtala Band ang kanilang busking bago ang showing ng Sinagtala the Movie sa April 2. Marami ang late na nabasa ang announcement at hindi na sila nakapunta sa BGC High Street. 

Ang request ng mga fans, another busking event at in-announce raw sana in advance para sila ay makapunta.  

Maganda ang pelikula, tama ang tawag ng cast at ni Director Mike Sandejas na very inspiring ito at marami ang nabitin sa ending. 

Tama lang na magkaroon ito ng part 2 at part 3, kaya lang, kailangan munang kumita ang Sinagtala the Movie bago magka-part 2 at 3.  

Musical film ito, may drama at gusto namin ang new songs na isinama sa movie, lalo na ‘yung Forever Blue (FB) na duet nina Rayver at Rhian. Ang request ng mga fans, i-release ito ng single, pati na ang buong OST ng movie.  

Magugulat ang mga moviegoers na mga musikero palang tunay ang cast at narinig nga namin ang comment nang mag-perform ang lima na ang astig daw pala maggitara nina Glaiza, Matt at Arci. Nagulat din sila na mahusay sa drums si Rhian at si Rayver, hindi lang dancer, singer din.  

Sa sobrang sexy, Barbie… DAVID, ‘DI NAKAPAGPIGIL KAY SANYA

ni Nitz Miralles @Bida | Mar. 30, 2025

Sanya Lopez at David Licauco - Cinema Bravo

Tampok ang famous Calle Crisologo ng Vigan sa pelikulang Samahan ng mga Makasalanan (SNMM) at sa gaya naming hindi pa nakakapunta sa Vigan, big come on ito para panoorin ang pelikula. 

Ginawang red district ang Calle Crisologo, may mga bar, pokp*kan, bentahan ng chop-chop cars at kung anu-ano pa.

Sa Calle Crisologo rin mate-test si Deacon Sam (David Licauco) kung dapat ba siyang maging pari o hindi ipagpatuloy ang pagiging pari. May mga eksena rito si David at mga linyahan na sa shooting lang niya narinig.

Inamin naman nitong na-challenge siya sa role niya na naharap sa maraming tukso. Nakakatawa ang trailer ng movie ni Director Benedict Mique at para mas ma-enjoy at matawa, panoorin n’yo ito. Tatawa at mapapaisip at may matututunan daw ang manonood nito at sabi ni Atty. Annette Gozon-Valdes, bagay na pang-Black Saturday.

Naseksihan pala si David kay Sanya Lopez sa eksena ng aktres na naka-bikini. Nasabi raw niyang, “sexy” na ikinatawa ng aktres. Totoo namang sexy si Sanya, kaya dapat, hindi na magselos ang BarDa fans.

Sinabi na ni Sanya na friends lang sila ni David, “Hindi kami love team, tandem kami,” at ganu’n din ang sasabihin ni David. Saka, matagal na pala silang nagkakatrabaho, kaya komportable na sa isa’t isa. 

In fact, tumutulong si David Licauco na hanapan ng boyfriend ang aktres, mina-match siya sa mga kaibigan nito at malay natin, kaibigan ni David ang idine-date ni Sanya Lopez ngayon na non-showbiz Chinese businessman.

---

Anak, ‘di naman daw pangit…

IBINUKING NG MADIR: KATHRYN, MARAMING MANLILIGAW

Nakakatuwa ang mga fans ni Kathryn Bernardo, ang suggestion nila ay pumasok ang aktres sa Bahay ni Kuya, maging house guest sa Pinoy Big Brother (PBB) Celebrity Collab Edition para hindi raw makaporma si Lucena Mayor Mark Alcala. As if naman, hindi lalabas sa Bahay ni Kuya si Kath granted na pumasok nga siya.

Marami ang pala-desisyon sa love life ni Kathryn, huwag daw nitong sasagutin si Mark. Magagalit ba sila kapag sinagot siya ni Kathryn? 

Tama ang comment ng ibang mga fans ng aktres, nasa tamang edad na siya to decide for herself and for sure, may guidance ang parents niya sa magiging desisyon niya.

And speaking of Kathryn’s mom, nagkaroon ito ng slight issue nang i-follow sa Instagram (IG) si Mark at mabilis ding in-unfollow. Baka raw napindot lang ni Min Bernardo ang IG ni Mark at nang maisip ang ginawa, in-unfollow agad.

Samantala, may nakakatuwang sagot si Min sa interview sa kanya ni MJ Felipe for ABS-CBN. Isa sa mga tanong sa kanya ay kung maraming suitors si Kathryn?

“Marami. Siyempre naman! Ang pangit ba naman ng anak ko kung walang manliligaw,” saka tumawa.

Hindi na natanong si Min kung sino ang mga suitors ni Kathryn na siguradong hindi rin naman nito sasabihin. Respeto na lang sa anak na tahimik sa mga suitors niya.

---

MAGANDA ang setup ni Carmi Martin sa TV5 at kahit wala siyang kontrata, ang network ang itinuturing niyang home network. Pinapayagan siyang tumanggap ng offer sa ibang network, basta walang conflict sa taping niya sa TV5.

Tapos na ang taping nila ng Ang Himala ni Niño (AHNN), puwede siyang tumanggap ng offer from other network. Pero, kapag nagkaroon ng Book 3 ang series at kunin uli siya para gampanan ang karakter ni Madam Chona, tiyak na ang series ang magiging priority ng aktres.

“Ipinagdarasal ko na magkaroon uli ako ng series sa TV5, masaya ako rito. Masayang magtrabaho rito at pinapayagan naman nila akong magtrabaho sa ibang channel basta ‘di makakaapekto sa schedule ko rito,” wika ni Carmi.

Mahal ng mga viewers ang karakter ni Carmi na si Madam Chona at mahal din nito ang karakter niyang very partikular sa pronunciation ng kanyang pangalan. Nakakatuwa ang rason ni Madam Chona na alam tiyak ng sumusubaybay ng series.

May two weeks airing na lang ang AHNN na ang Cornerstone ang line producer. Si Thop Nazareno ang director na masaya working with the cast.

Matagal na raw, Barbie… SANYA, INAMIN ANG REAL SCORE SA KANILA NI DAVID

ni Nitz Miralles @Bida | Mar. 29, 2025

David at Sanya sa Samahan ng mga Makasalanan - GMA Pictures

Natawa si Sanya Lopez sa ipinarating namin sa kanya na pinagseselosan siya ng ibang BarDa fans nina Barbie Forteza at David Licauco dahil siya ang kasama ng huli sa pelikulang Samahan ng mga Makasalanan (SNMM). 

Naakusahan pa siyang crush si David at halata raw ito sa mga kilos niya noong ginagawa pa nila ang Pulang Araw (PA).

Pati nga ang pagdya-jogging nila habang nasa Vigan para sa shooting ng nasabing pelikula, ginawan ng isyu. Sigurado raw na si Sanya ang nagyaya kay David na sila ay mag-jogging.

“Hindi! Magkaibigan kami ni David, Encantadia days at Mulawin days pa. Magkaibigan na kami, before pa. 

“S’ya nga ang kupido ko, matchmaker s’ya. Sinasabi n’ya kung sino ang bagay sa ‘kin. Professional lang, pagdating sa trabaho, ‘di natin puwedeng personalin,” paliwanag ni Sanya.

Hindi diretso ang sagot ni Sanya sa tanong kung magkapareha ba sila ni David sa SNMM. Mas mabuti raw kung panonoorin na lang ang movie ni Director Benedict Mique para masagot ang tanong.

Pero, may nabasa kaming disclaimer na hindi love story ang SNMM. Ibig sabihin, hindi love interest ng mga karakter nina Sanya at David ang isa’t isa. 

Para rin sa mga nagseselos na BarDa fans ang disclaimer para hindi sila magselos at mag-overthink, magkasama lang sina Sanya at David sa pelikula.

---

Never ginawa kay Kim kahit BFF din… DARREN, TODO-TANGGOL KAY AC, NA-BASH NA RIN

NAGREREKLAMO ang mga fans ni Darren Espanto dahil pati ito ay naba-bash sa pagtatanggol sa friend niyang si AC Bonifacio na naba-bash naman sa Bahay ni Kuya. 

Maraming bashing kay AC na isa sa mga housemates sa Pinoy Big Brother (PBB) Celebrity Collab Edition at dahil hindi nito maipagtanggol ang sarili lalo’t nasa loob pa ng Bahay ni

Kuya, si Darren na ang nagsalita para sa kaibigan.

Ayon kay Darren, kilala niya si AC dahil 8 years na silang friends. Alam daw niya ang backstory sa ginagawa nito sa loob ng Bahay ni Kuya at nababasa ni Darren ang pamba-bash sa kaibigan at pati silang mga kaibigan ni AC, naaapektuhan.

Tsine-check daw nilang magkakaibigan ang mom ni AC at may group calls silang ginagawa para pag-usapan ang nangyayari sa Bahay ni Kuya. Nakiusap si Darren na huwag mabilis manghusga, lalo na kung sa TV lang ang basehan.

“I hope people get to understand AC more at saka they give her a chance kasi feeling ko, malakas din ang laban ng best friend ko. Before going in, all of us knew what she was going

to be going into. All of us are rooting for her. 

“Sana, mabigyan din s’ya ng chance to be able to showcase her talents inside the house, her personality, and how good of a person she is,” sey ni Darren.

Kaya lang, ayaw magpapigil ng mga gigil kay AC at pati si Darren ay na-bash na. May nag-comment pa nga na bakit noong si Kim Chiu ang na-bash, hindi ipinagtanggol ni Darren? Friends din daw sila at magkasama sa It’s Showtime (IS)?

---

KAA-ANNOUNCE lang ng bagong afternoon series ni Gabby Concepcion sa GMA na My Father’s Wife, may isyu na agad ang mga netizens sa leading lady ni Gabby. Bakit daw hindi si Kylie Padilla ang kapareha ng aktor at bakit mag-ama ang kanilang role?

Mas bata raw si Sanya Lopez kay Kylie, pero bakit si Sanya, twice nang naging leading lady ni Gabby (First Yaya at First Lady), tapos si Kylie, gaganap na anak ng aktor. Sana raw, hindi pumayag ang manager ni Gabby na si Popoy Caritativo dahil baka ma-associate ito sa mga father role.

Sana raw, itinuloy ng GMA ang pagtatambal kay Gabby sa younger leading lady. Bagay na tinutulan ng ibang fans ni Gabby at dito na nagkaroon ng pagtatalo. 

In fairness, maganda ang rason ng bawat kampo, pero mukhang younger pa rin ang makakapareha ni Gabby sa series.

Sila ni Snooky ang gaganap na parents ni Kylie, pero tila magkakahiwalay sila at magiging second wife ng karakter ni Gabby si Kazel Kinouchi. Tama ba ang inakalang ito ng mga fans?

Para wala nang away, abangan na lang natin kapag umere na ang series this year. Magte-taping ang ibang cast sa ibang bansa at pati ‘yun, abangan!