Na-wow mali, biglang sorry sa GMA boss… VICE, TV PATROL ANG BINANGGIT SA IT'S SHOWTIME IMBES NA 24-ORAS

ni Nitz Miralles @Bida  | June 11, 2024

Nagkamali ng banggit ng news show si Vice Ganda sa It’s Showtime (IS) last Saturday (June 8). Sa halip na 24-Oras, ang nabanggit ni Vice ay TV Patrol ng ABS-CBN, eh, sa GMA-7 umeere ang noontime show.

Kausap ni Vice ang guest nilang si Rita Daniela sa segment ng IS na EXpecially For You at pinansin ni Vice ang magandang boses ni Rita. Sa kuwentuhan ng dalawa, dito nga nagkamali ng banggit si Meme Vice.

Sey ni Meme, “Ang ganda ng boses nito. Bakit hindi ka mag-TV Patrol? Pero ikaw ‘yung nagre-report.”

Sinundan pa ng co-host na si Jhong Hilario ng, “Puwede sa Star Patrol.”

Biglang bawi si Vice at binanggit ang 24-Oras at tinanong nito si Jhong kung bakit TV Patrol ang nabanggit nila. 

Kasunod nito ang pagso-sorry ni Vice kay Atty. Annette Gozon-Valdes.

Ani Vice, “Ma’am Annette, I’m sorry,” pagkatapos, nagtawanan sina Vice, Jhong, Rita at ibang hosts ng IS.

Sey pa ni Vice, “Baka mabawi ‘yung imbitasyon natin sa GMA Gala. Masasayang ‘yung gown na ipinagawa ko.”

So, dadalo ang mga taga-IS sa GMA Gala 2024 sa July. Makakapag-sorry nang personal si Vice at tila lahat na ng hosts ng show ang dadalo. 

Well, kahit isang araw lang ay sumaya at nagtawanan sila sa show na controversial ngayon.

---

MAUUNA pala ang streaming sa Netflix ng Pulang Araw bago ang premiere ng historical drama sa GMA-7. In-announce na ng NetflixPH ang… “Pulang Araw streaming first on Netflix. July 26.” 

Bukas, June 12, ang first teaser drop ng series in time for Philippine Independence Day at marami na ang excited na mapanood kahit teaser pa lang. Tatakbo ng 20 weeks ang historical drama na mula sa direction ni Dominic Zapata at head writer naman si Suzette Doctolero.

Ibinalik ang Manila nu’ng panahon ng World War 2 at dito pa lang, excited na ang mga viewers. Malakihan ang budget ng series at malaki ang cast at sa Death March scene pa lang, libo na ang mga talents na kinuha para sa makasaysayang eksena na ‘yun.

Kabilang sa main cast sina Alden Richards, Barbie Forteza, Sanya Lopez, David Licauco at Dennis Trillo na first time gaganap na kontrabida. 

Sabi nito, matagal niyang hinintay na mabigyan ng kontrabida role at dumating na nga.

Sey ni Dennis, “Matagal ko na ring hinihintay ‘tong ganitong klaseng project, ganitong kabigat na character. May konting pressure pero mas du’n ako sa importansiya sa pagkakaroon ko ng challenge bilang artista. Sa dami na ng nagawa ko, kailangan ko ng isang mabigat na role na mag-iisip ako at pag-iisipan ko bawat kilos, bawat galaw, bawat dialogue, excited ako sa ganu’n.”   

---

First time ring makakasama ni Dennis si Alden na kung excited ang una, mas excited ang huli. Nabanggit nga ni Alden na sa first day taping nila, na-pressure siya dahil ang magaling na si Dennis Trillo ang kanyang kaeksena. Isang malupit na Japanese soldier ang role ni Dennis at guerilla naman ang role ni Alden.

Bukod sa Pulang Araw, may international series ding gagawin si Dennis at dark character din ang gagampanan niya sa Severino: The First Serial Killer. Ito ang mga klase ng role na hinintay ni Dennis at masaya siyang ginagawa at gagawin ito.

PANAY ang paayuda ni Paulo Avelino sa mga KimPau (Kim at Paulo) fans nila ni Kim Chiu na photos sa mga ganap nila sa Dubai para sa Kapamilya Kalayaan Karavan 2024. 

Kilig na kilig ang mga fans sa photo na mine-make-up-an ni Kim si Paulo at ‘yung isa namang photo, titig na titig si Paulo habang tumatawa si Kim.

May photo rin na tatakbo o galing na sa pagtakbo sina Paulo at Kim at ang mga ganu’ng larawan ay galawang magdyowa na raw. 

In fact, may tumatawag na kay Kim na ‘Mrs. Kimberly Chiu Avelino’. May sobrang advanced ding mag-isip at alam na ‘Mom and Dad’ ang magiging terms of endearment ng dalawa.

Anyway, tuloy ang pagpapakilig nina Paulo at Kim dahil sa June 15, nasa Market! Market sila dahil fans day ito para sa What’s Wrong with Secretary Kim. Umaasa ang mga fans na kung gaano sila ka-sweet sa Dubai, ganu’n din sila ka-sweet sa June 15.

After 13 yrs. JODI AT PAMPI, ANNULLED NA

ni Nitz Miralles @Bida  | June 10, 2024

Nai-share ni Jodi Sta. Maria sa mga followers niya sa Instagram (IG) ang magandang balita at mararamdaman mo ang saya nito dahil finally ay annulled na ang kasal nila ni Pampi Lacson.

Caption ng aktres sa IG post, “Finally after 13 years of waiting, my petition for nullity of marriage has been granted by the Supreme Court.

“It was indeed a test of faith and trust - faith in God’s promises and trust in God’s timing.

“The time I spent in His waiting room was never easy nor was it comfortable. It was frustrating, discouraging, and even heartbreaking. I cried, prayed, questioned and complained. I made “tampo” asked for forgiveness, prayed some more. I wanted to give up but He never let go of my.

“Looking back it was His grace that sustained and carried me. He had a purpose for the waiting. And that was made clear to me by the Lord.

“I know some of you might be in His waiting room. May I encourage you with this? ‘When the time is right, I, the Lord, will make it happen.’ - Isaiah 60:22

“God is never in a hurry. He is never too late. Never too early. Believe He is able to do something about your situation. Trust He has a plan for you and that plan is even better that the one you have for yourself.

“And when God finally calls you out of the waiting room, don’t forget to thank Him and give Him all the glory.

“Now I can finally say... CASE CLOSED.”

Bago tapusin ang post, nagpasalamat si Jodi sa kanyang prayer warriors, her lawyer Connie Jimenez-Aquino for not giving up on her case.

Anyway, sunod na mapapanood si Jodi sa Lavender Fields, ang sinasabing grandest serye ng taon from ABS-CBN Studios and Dreamscape Entertainment.

---

May bardagulan scene sina Bea Alonzo at Carla Abellana sa Widows’ War, as in sabunutan at sampalan talaga. Matagal ang eksena, pareho pa namang malaking babae ang dalawang aktres at malalaki ang mga kamao. 

Curious ang mga fans kung totoo ba silang nagkasakitan?

Dinig kasi sa video ang lagapak ng sampal ni Carla sa pisngi ni Bea at du’n naman sa sabunutan, ang tagal din ng eksena. Matagal bago sila naawat at dahil parehong malaki, matatangkad at malakas, ‘yung umawat pa ang natumba.

Isa ang nasabing eksena sa mga inaabangan na ng mga viewers na mapanood at malaman ang story kung bakit nag-away ang mga karakter nina Carla at Bea na magkaibigan pala sa umpisa ng serye. Ano ang nangyari sa kanilang friendship?

Nakakatuwa lang ang Kapuso at Kapamilya fans na nag-aaway-away na naman dahil sa bardagulan scene ng dalawang aktres. Sabi ng Kapamilya fan, ginaya raw ang eksena sa isang pelikula ng Star Cinema. Umalma ang Kapuso fans dahil marami nang pelikula at TV series ang may sampalan at sabunutan at hindi ito ipinagbabawal. Puwede ring ulitin ang sampalan at sabunutan, hindi isyu kung sino ang nauna.

Sa July 1 na ang world premiere ng Widows’ War  na ang direktor ay si Zig Dulay. Nabanggit nina Bea at Carla na may magge-guest na galing sa Royal Blood, bilang may konek ang story ng dalawang murder mystery series ng GMA-7.

Speaking of Bea, asawa pala ng driver niya ang huling kinasuhan ng cyber libel. Ito yata ang sinabi nito na parang kilalang-kilala siya kung magkuwento tungkol sa kanya. Siguro naman, wala na sa empleyo niya ang nasabing driver.

---

KAHIT umuulan, itinuloy ni Daniel Padilla ang performance niya sa Pagkakaisa concert sa Davao del Norte Sports and Tourism Complex. Basang-basa si Daniel at hindi siya iniwan ng audience at kanyang mga fans na hindi rin umalis. Kaya ang daming basa nang gabing ‘yun at kahit basa, tuloy ang sigawan ng mga fans kapag kumanta na si Daniel na maganda pala talaga ang boses.

Sa isang parte ng concert, tinanong ni Daniel ang audience kung sino ang nanood kasama ang nobya. Hindi na hinintay ni Daniel ang sagot ng audience at nag-comment ng “Sana all” na ikinatawa ng mga audience.

Well, ang daming tao at nag-enjoy sila sa performance ni Daniel. Tama ang mga fans nito, ang dami niyang puwedeng gawin bukod sa pag-arte. Hinihintay na nga nila ang ipinangako nitong concert at ang kanyang pagbabalik-recording.

Linis-linisan pa raw, Vice kinalaban makasawsaw lang… NIKKO, TINAWAG NA MANYAK AT BASTOS DAHIL SA MGA POST SA YOUTUBE

ni Reggee Bonoan @Sheet Matters | June 9, 2024

Nabasa lahat ni Hashtags member Nikko Natividad ang bashing sa kanya ng mga supporters ni Vice Ganda na ipinatatanggal siya sa FPJ’s Batang Quiapo dahil sa ginawa niyang pagpuna sa It’s Showtime host tungkol sa eksena sa Expecially For You segment.

Muling nag-post si Nikko sa kanyang Instagram account kung bakit siya naglabas ng opinyon dahil naranasan nga raw niya ang na-bully at ilang beses siyang umiyak.

Aniya, “For the last time na magsasalita ako tungkol sa nakaraan kong post. Unang-una sa lahat, hindi ako nagsisisi na nagsalita ako ng sarili kong saloobin. Hindi ako nagsisisi na ipagtanggol ang ibang tao.

“Nababasa ko ang mga komento n’yo sa 'kin at ang gusto n’yo, mawalan ako ng trabaho dahil lang sa naglabas ako ng sarili kong saloobin. (Na alam ko na posibleng mangyari).”

At dito nabanggit ng aktor ang dinaanan niya sa programang It’s Showtime pero hindi nito binanggit kung sinu-sino ang mga hosts na involved.

“Kung ikukuwento ko ba pinagdaanan at iniyak ko sa kanila, magbabago ba tingin n’yo sa 'kin?

“Pero hindi naman ‘yun ang intensiyon ko na kumuha ng simpatya o makisali lang sa gulo. Naglabas ako ng saloobin ko dahil baka sakaling makatulong na may maayos o mabago na sitwasyon.

“Kasi ganu'n naman ang pamilya at kaibigan. Tatapikin ka kapag alam mong sumosobra o medyo nagkakamali na. Hindi po ako naghahanap ng kaaway, ang pagkakabura po ng post ko ay management decision, tunay at bukas sa isip at puso ko ang sinabi ko, payapa ang aking kalooban.”

Mula sa netizen na si @jaysonlacsonmendoza, “Baka sakaling makatulong? Being in silence is already a big help. Sana ‘di ka na nakisawsaw lalo na galing ka mismo sa show na ‘yan at malaki ang naiambag nila sa 'yo. Better be in silence para ‘di ka ma-misinterpret. Understood?”

Mula naman kay @shinecaillo, “Kung meron kasing issue sa kanila, bakit hindi mo kausapin, bakit kailangang dumagdag sa ingay ng paligid? Alam mong magulo at itinuturing mo silang pamilya, bakit hindi mo kausapin privately para kung anong ‘di pagkakaunawaan sa pagitan n’yo, eh, maayos, hindi ‘yung dagdag ka sa gulo ng paligid.”

Ganito rin ang sabi ni @achi_sobam, “You should have talked to Vice if you think there's something wrong in what they did, hindi 'yung idinaan mo sa socmed (social media), it’s like asking for attention and igniting a fire.”

Pati content ni Nikko sa kanyang YT channel ay napansin, “Akala mo talaga, kung makapagsalita, ang linis-linis. Content mo, una mong punahin, ul*l! Puro ka kamanyakan at ginagamit ang bakla-baklaan. Kahit nu’ng nasa It’s Showtime ka pa, bastos ka na. Ilang beses silang napahamak dahil sa 'yo.”

Sabi rin ni @tin_tinay01, “Lalo mong pinalala, Nikko. Ano'ng palagay mo, ikaw ang tama at sila ang mali? Hindi lang si Vice ang may desisyon nu’n. Ang galing mo naman at nagmalaki ka pa na payapa ang kalooban mo. Kasura ka, hindi ganyan ang tunay na pamilya at kaibigan, uy.”

Actually, napakaraming komento pa, kaya bago namin natapos sulatin ang post ng aktor ay isinara niya ang comments section.