MU raw sa pag-alis ng 'Pinas, magdyowa na pagbalik… KATHRYN AT ALDEN, MATAGAL MAGSASAMA SA CANADA

ni Nitz Miralles @Bida  | June 14, 2024

Lumipad kahapon pa-Hong Kong (HK) si Alden Richards para simulan na ang shooting ng Hello, Love, Again (HLA) nila ni Kathryn Bernardo. 

Sa TikTok post ni Director Cathy Garcia-Sampana, dumating na sa airport ng HK si Alden at ang caption ay: “Dito na si Ethan!!!” kaya marami ang na-excite.

May mga nalungkot lang dahil hindi magkasabay na umalis ng 'Pinas sina Alden at Kathryn. Wala na kasing eksena sa HK ang aktres. Sunod na lumipad pa-HK sina Jeffrey Tam at Joross Gamboa na kasama pa rin sa HLA.

Pinupuri ang kasipagan ni Alden dahil noong June 12, nasa Davao City siya para sa Independence Day Celebration at para na rin sa promo ng Pulang Araw (PA). 

Kahapon (June 13), nasa HK siya para sa shooting ng HLA. Hindi pa yata tapos ang taping niya ng PA, kaya babalik pa siya bago lumipad pa-Canada para sa shooting nila ni Kathryn.

Anyway, kinikilig ang mga KathDen (Kathryn at Alden) fans na sa shooting ng HLA, matagal magkakasama sina Alden at Kathryn. Ang biruan ng mga fans, mag-MU ang dalawa na magsisimula ng shooting, baka raw pagbalik nila ay couple na sina Alden at Kathryn. 

Mangyari kaya ito?

---

Todo-enjoy bilang single, Tom…

CARLA, TRIP TO JAPAN ANG B-DAY GIFT SA SARILI 

Ang ganda ng birthday message ni Carla Abellana na kaarawan noong June 12 at treat nito sa sarili ang trip to Japan.

Sey nito, “As I turn another year older, not only do I feel a genuine sense of happiness, but I also feel immensely grateful.

"I may not have everything I want and need in life. I struggle often, still worry from time to time (sorry, Lord) and quietly cry every now and then - all of which are fine and completely normal. But it’s truly the simplest of things that give me peace in my heart and help keep me going.

"On my birthday, I am grateful for the space to learn and grow from my mistakes, all

the fan messages and comments I receive, hugs from my nieces, a much bigger bed for my dogs, clean and fresh bed sheets, a warm shower, the breeze in my front porch, beautiful flowers, naps, the warmth of my family, my new home, the sound of my favorite beats, the kindness of strangers, the persons who love me genuinely, waking up each morning, the singsong of the wild birds on my trees, the laughter I share with my best friends, and all the times I kept going.”

Sa huli, ipinagpasalamat ni Carla sa Diyos ang mga sumusuporta at nagdarasal para sa kanya. 

After her vacation, magiging busy si Carla sa promo ng Widows’ War nila ni Bea Alonzo na premiere sa July 1.

---

IPINOST ni Alfred Vargas ang poster ng Pieta na may picture nila ni Nora Aunor at kasama nitong ipinost ang nominations na natanggap ng pelikula at cast sa 40th Star Awards for Movies. 

Sa caption, ramdam ang tuwa ni Alfred bilang aktor at producer.

“13 nominations for Pieta! Thank you, PMPC Star Awards! #grateful #PIETA #PMPCSTARAWARDS.”

Kabilang sa mga nominasyon ay Best Actress (Nora), Best Actor (Alfred), Best Supporting Actress (Gina Alajar) at Best Supporting Actor (Bembol Roco). 

Nominated din ang Pieta na Indie Movie of the Year, si Adolf Alix, Jr. para sa Indie Movie Director of the Year, at si Jerry Gracio para sa Indie Movie Screenwriter of the Year. Isa rin si Nora sa Dekada Awardees.

Dahil sa rami ng nominasyon, mas ganado nito si Alfred sa paghahanda sa special screening ng Pieta this month bilang tribute kay Nora sa pagiging National Artist niya.

Darating ang Superstar sa nasabing special screening.

Kasunod nito ang showing ng movie exclusively sa SM cinemas at may international screenings din para sa mga fans, lalo na sa mga Noranians na nasa ibang bansa.

Nagpakasal lang, netizens galit na galit… CARLO AT CHARLIE, IPINABOBOYKOT

ni Nitz Miralles @Bida  | June 13, 2024

May bagong post si Carlo Aquino ng sweet moments nila ng wifey niyang si Charlie Dizon and as expected, ang dami na namang reactions. 

Sa caption pa lang ni Carlo na, “Umaapaw ngunit tahimik kaakibat ng mga damdaming nagtatalik,” may mga nagalit na naman at na-trigger.

May nag-comment na hindi raw ba kinikilabutan si Carlo sa caption niya? May tumawag sa kanyang makapal ang mukha, red flag at may nagpaalala pa na sinabi na niya ito sa ibang babae. 

May pumansin ding kamukha ni Trina Candaza na nanay ng anak ni Carlo si Charlie kaya raw siguro nagustuhan ng aktor.

May mga nag-wish naman na sana, tumino na si Carlo at maging forever ang pagsasama nila ni Charlie. Sana rin daw, kahit may asawa na siya, hindi pa rin niya makalimutan ang anak nila ni Trina na si Mithi. 

May nanawagan pang i-boycott sina Carlo at Charlie na ang kasalanan lang ay nagmahalan.                                                    

Well, sa mga nagko-comment at mga nagalit kina Carlo at Charlie, wala naman kayong alam sa totoong nangyari kina Carlo at Trina. Tama ang isang netizen sa sinabing ang daming pala-desisyon sa buhay nina Carlo at Charlie. Tama rin ang payo niya sa mga bitter na mag-move on na at ‘wag magpaka-stress sa hindi naman nila problema.

---

Bukod kay Carla Abellana, kabardagulan din pala ni Bea Alonzo sa Widows’ War si Jean Garcia at sa teaser, makikitang unang pagkikita pa lang ng mga karakter nila, nagtarayan na. 

Si Jean ang gaganap na mother ni Rafael Rosell na husband ni Bea at ayaw sa huli ni Jean. 

Ang ganda ng linyahan ng dalawa, titigan talaga at hindi nagpatalo si Bea sa sagot kay Jean. 

Sa teaser, malalaman na ex-best friends ang mga karakter nina Bea at Carla, nagkaroon ng matinding pag-aaway at ayun na, nagkasakitan pa.                                                           

Ang busy ni Bea, may paparating na series na world premiere na sa July 1, nag-shoot ng bagong endorsement at successful ang business niyang Bash Manila. 

Kaya hindi namin maintindihan ang hanash ng mga bashers at haters ng aktres na wala na raw itong career. Ayan, oh, namamayagpag pa siya at marami pang ganap.                 

Speaking of Bea, kabilang ang Love Before Sunrise nila ni Dennis Trillo sa ipinasa ng GMA Network sa 2024 Seoul International Drama Awards. Isa pang entry ng GMA ang Royal Blood ni Dingdong Dantes. Sa July ang announcement ng official nominees at umaasa ang mga fans ni Bea na matatanggap as official nominee ang series nila ni Dennis Trillo.

---

NAKALIMUTAN na sana ang controversy sa fiancé ni Andi Eigenmann na si Philmar Alipayo lalo't nag-dialogue na si Andi na alam niya ang type sa babae ng partner niya, pero heto at may panibagong post si Crissa Liaging, ang babaeng naging dahilan ng kontrobersiya ni Philmar at nag-ingay na naman.

Post nito sa socmed, “Nakakagigil, sarap sabihin ‘yung totoo.” Kaya, super react na naman ang mga netizens at hinihintay na baka may i-post na namang video si Crissa na magkasama sila ni Philmar.

May nag-dare sa kanya na sabihin ang totoo para raw hindi na sila mahirapan pang manghula. Magma-Marites lang pala ang mga netizens, hahaha!

Dati, todo-like sa post ng Blackpink member… ALDEN, GOODBYE LISA DAHIL KAY KATHRYN

ni Nitz Miralles @Bida  | June 12, 2024

Kinikilig ang mga shippers nina Alden Richards at Kathryn Bernardo sa pag-aakalang may kinalaman ang napabalitang may mutual understanding o M.U. na sila sa hindi na pagla-like ni Alden sa Instagram post ni Lisa ng BlackPink.

Dati, ang sipag daw ni Alden na mag-like at minsan, nagko-comment pa sa post ni Lisa na crush niya. Pero, mula nang mabalitang nanliligaw at nitong huli ay may M.U. na raw sila ni Kathryn, tila tinamad nang mag-like si Alden sa post ni Lisa. Baka ayaw daw nitong malaman ni Kathryn na crush niya si Lisa at baka magalit sa kanya ang aktres.

O, ‘di ba, working overtime ang imagination ng KathDen (Kathryn at Alden) shippers? Ipinakita raw ni Alden Richards na mas priority niya si Kathryn Bernardo kesa kay Lisa.

Anyway, naka-post sa Instagram ni Alden ang Independence Day teaser ng Pulang Araw na ilalabas ng GMA-7 today, June 12. May mga kinilabutan sa teaser kung saan hawak ni Alden ang Philippine flag at tumatakbo siya palayo sa mga kalaban. 

May eksena ring nakipagbarilan siya bilang si Eduardo dela Cruz. Ipapakita rin sa teaser sina Barbie Forteza, Sanya Lopez, David Licauco at Dennis Trillo.

Sey ni Alden, “First time kong makagawa ng project na may emotional impact after a certain scene. There’s a lot of inhumane acts that was committed during that time and parang naisip ko na I’m very grateful. I don’t know, baka ‘di lang ikinukuwento ng mga lolo at lola ko sa ‘kin, but what if na-experience nila ‘yun, ‘yung ganu’ng klaseng pagyurak sa kanilang pagkatao?”

Half-siblings ang role nina Alden at Barbie. Kasama rin sina David at Sanya, childhood friends sila na maaapektuhan ang friendship dahil Hapon ang karakter ni David at magiging kalaban ng magkakaibigan.

---

PAYAG din pala si Heart Evangelista sakaling magkaroon ng reunion movie ang Ang Tanging Ina na kasama siya sa cast at ginampanan ang role ni Portia. 

Nang tanungin siya tungkol dito ng GMA Network, “Oo naman” ang sagot nito at sinundan pa ng, “Yes! Marami nang narating si Portia sa kanyang kaartehan.”

Sa mga nakapanood sa Ang Tanging Ina, si Portia ang pang-apat sa anak ni Ina Montecillo na ginampanan naman ni Ai Ai delas Alas. Siya ang maarteng anak ni Ina at isa sa mga eksenang tumatak sa mga nakapanood ng pelikula ay ang sabunutan nila nina Nikki Valdez at Alwyn Uytingco.

Kaya lang, balita pa lang na magkakaroon ng reunion movie ang Ang Tanging Ina, nagkaroon na ng isyu kay Ai Ai at sa Star Cinema at sa mga fans nito at ABS-CBN. 

Sa pangyayaring ito, parang malabo nang matuloy ang reunion movie na maganda sana para malaman kung ano na ang nangyari sa mga anak ni Ina.

Siguro, hindi lang si Heart ang game na magkaroon ng reunion movie at baka pati na ang iba pang gumanap na anak ni Ai Ai sa ATI. Maraming mahuhusay na director ang Star Cinema na puwedeng humawak sa pelikula at tiyak na maganda rin ang kalalabasan gaya ng ginawa ni the late Wenn V. Deramas.

Samantala, ibinalita ni Heart na bumisita ang Senate Spouses Foundation, Inc. na kanyang pinamumunuan sa Tahanang Mapagpala Social Development Center in Caloocan. Namigay sila ng tulong sa mga residenteng neglected, abandoned and abused children at kasama na rin ang abandoned elderlies.

---

MAY post ang TV5 at Facebook page ng Wowowin na “There WIL be a panalong announcement 06-14-24 #WilcomeBackAnnouncement ABANGAN” na agad ikinatuwa ng mga fans ni Willie Revillame at ng kanyang programa.

Ang aabangan ng mga fans ay kung ia-announce na ang airing date ng show ni Willie at kung ano ang bagong title. O, baka naman i-retain ang Wowowin na title na tumatak at gusto ng mga viewers.

Ang bali-balita, ilalagay sa 5:30 PM ang time slot ng show ni Willie sa TV5, pero sa bagong inilabas na line-up ng programming ng network, ang Barangay Singko

Panalo pa rin ang nasa 5:30 PM time slot. Ang mababakanteng time slot ay ang 2:30 p.m., kapag inilipat na sa primetime slot ang Lumuhod Ka Sa Lupa.

Ibig bang sabihin nito, sa 2:30 p.m. slot ilalagay ang show ni Willie? Maganda rin ang time slot na ito dahil pagkatapos ng Eat… Bulaga! ay hyper pa ang Kapatid viewers. Nakahanda na raw si Willie at ang three female co-hosts niya.